NOTA DE PRENSA:
Jorquera urxe ao Estado a que mellore a canalización na área da A-8
O BNG solicita que se habiliten liñas de axuda para facer fronte aos danos do temporal.
O Bloque Nacionalista Galego esixiu ao Goberno do Estado que habilite unha liña de axudas dirixida a paliar os efectos que na Comarca da Mariña están a provocar as intensas choivas que afectaron á nosa zona na ao longo da xornada de onte e do dia de hoxe e que provocaron importantes danos tanto en infraestruturas públicas, como propiedades privadas, negocios particulares, plantacións e explotacións agro gandeiras.
TEXTO DA PROPOSICIÓN NON DE LEI DO BNG NO CONGRESO
As inundacións que asolaron a Comarca da Mariña de Lugo entre o 9 e o 12 de Xuño provocaron importantes danos materiais e cuantiosas perdas económicas resultando afectados tanto infraestructuras públicas, como propiedades privadas, negocios particulares, plantacións e explotacións agro gandeiras.
As adversas condicións climatolóxicas que colleron a comarca absolutamente desprevenida,ao non existir nos dous primeiros días do temporal ningunha alerta metereolóxica, a falta dun plano de emerxencias, ou as actuación recentes sobre o territorio vencelladas a novas infraestructuras e aos procesos urbanizadores intensivos , que alteraron o cauce normal das augas pluviais, agravaron unha situación que pola intensidade da choiva xa resultaba complicado, se temos en conta que nalgún dos Concellos como Burela rexistráronse máis 150 litros por metro cadrado en 24 horas.
Neste sentido debemos ter en consideración que entre as infraestructuras afectadas atopamos vías de comunicación dependente das diferentes administracións destacando os desperfectos que se teñen producido na rede viaria provincial, dándose a circunstancia de que máis de 12 estradas permaneceron fechadas ao tráfico nalgúns casos con danos importantes, en instalacións dependentes do Ministerio de Fomento, como o caso da vía ferra Ferrol-Gijón que permaneceu fechada entre Ribadeo e Viveiro como consecuencias dos taludes, ou a mesma A-8, así como diferentes estradas da rede autonómica. Mención a parte merece o desbordamento dun número importante de Ríos da zona como o Ouro, o Masma, o Landro, o Centiño, o Eo que nalgún caso se debeu a falta dunha atención deficiente por parte dos organismos públicos a quen lle corresponde a súa conservación.
Na mesma liña debemos referirnos aos danos que se produciron en centos de vivendas da comarca, en centros educativos, en Burela permaneceron fechados o Xoves 18 e o venres 19 por inundacións, en negocios particulares, en centros de traballo, como no Parque Empresarial de Foz, en explotacións gandeiras, así como en plantacións agrarias. Nunha situación económica particularmente delicada nesta Comarca as perdas que se produciron no conxunto de sectores da actividade económica viñeron agravar esta situación, particularmente no sector comercial, tanto de productos perecedoiros como no resto de comercio retallista que veu como moita da súa mercadoría ficaba danada.
Merece unha atención particular o estado no que se atopa a vía ferra na Comarca da Mariña de Lugo polos movementos de terra así como polos desperfectos nalgunhas das súas pontes, os danos que se teñen producido no dominio público marítimo terrestre, os desbordamentos en diferentes puntos do cauce do Eo, na Pontevoa, Ría de Abre e Ribadeo así como os problemas que se ocasionaron nas zonas colidantes cos novos tramos da A-8
1º) O GP do BNG insta ao Goberno do Estado a que coa máxima premura proceda a reparar os bens de titularidade autonómica que foron afectadas por estas inundacións.
2º) O GP do BNG insta ao Goberno do Estado a que habilite un fondo especial para os Concellos afectados a fin de que poidan facer fronte os custes que lles xerou o temporal
3º) O GP do BNG insta ao Ministerio de Fomento a que mellore a rede canalización das augas pluviais nas áreas colidantes aos tramos da A-8.
4º) O GP do BNG insta ao Ministerio de Medio Ambiente a que a Confederación Hidrográfica do Norte proceda á limpeza e restauración do Rio Eo e dos afluentes da súa competencia.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
