RIBADEO (FNC) .- O presidente de ACISA/CCA, Francisco Iriarte, o vicepresidente, Ramón Leivas, e a xerente do CCA, Beatriz Irigoyen, asistiron hai uns días en Santiago á presentación do Plan Ágora co que a Xunta pretende apoiar ao comercio tradicional galego. Devandito plan suporá un investimento próximo aos 130 millóns de euros desde este ano ao 2013.
Irigoyen sinalou que “estamos moi contentos porque desde a Xunta son conscientes da importancia do pequeno comercio e da hostalería e da necesidade que temos de contar coa súa axuda, máis que nunca nos momentos nos que nos atopamos”. A xerente do CCA tamén manifestou que “estase falando de unión a través do Plan Ágora, algo que nós viñemos defendendo desde fai moito tempo. A unión de todos os comerciantes, de todos os hostaleiros é fundamental para que un pobo logre melloras importantes en materia de infraestruturas, na calidade de vida dos cascos históricos, etc, etc”.
O Plan Ágora contempla a creación dun Observatorio do Comercio, a través do que se prestará atención e asesoramento a todos aqueles comerciantes e hostaleiros que formen parte das asociacións de comerciantes e dos Centros Comerciais Abertos. Beatriz Irigoyen asegura que “a nosa asociación recoñecerase como axente social e económico, a través de devandito plan. É un plan que contempla moitas axudas para o asociacionismo, algo que consideramos moi importante”.
No encontro, abordáronse temas como a posibilidade de colaborar na mellora da formación dos traballadores, destacando a importancia que ten ese aspecto neste sector estratéxico para Galicia. Tamén se trocaron puntos de vista relativos ás condicións laborais dos profesionais do mar.
Pasadas as 13:30 horas deste luns, o 112 Galicia tivo constancia, a través de Urxencias Sanitarias de Galicia-061, dun ciclista que se atopaba en parada cardiorrespiratoria no quilómetro 1 da LU-151, á altura da parroquia de Fazouro. De inmediato, os xestores do Centro Integrado de Atención ás Emerxencias solicitaron a colaboración dos axentes da Garda Civil de Tráfico e da Policía Local de Foz. Malia os esforzos, os profesionais sanitarios só puideron confirmar o falecemento da persoa.
A variada oferta de produtos de artesanía e de alimentación de temporada e proximidade á venda complementouse con degustacións de minihamburguesas de carne de raza Limiá e empanada de carne de porco celta e tenreira de raza Caldelá, que se repartiron gratuitamente entre as peroas que fixeron algunha compra no Mercadiño.
Os cortes produciranse do punto quilométrico 2,800 ao final da vía. Habilitaranse desvíos alternativos que estarán debidamente sinalizados.
Cada participante pode presentar unha única fotografía, en papel e formato dixital, seguindo as bases dispoñibles na web da Deputación. A celebración do aniversario inclúe actividades como a Xornada de Degustación da Tenreira de Ancares, unha xornada micolóxica e un obradoiro de rescate na montaña, ademais doutras propostas ambientais e divulgativas nos próximos meses.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
