BURELA (FNC) .- Unha expedición formada por representantes do Concello e do conxunto das entidades sociais representadas na localidade reuniranse ás 15:30 horas de mañá mércores, día 30 de xuño, na estación de autobuses de Burela para saíren con destino ao Castelo de Soutomaior, onde ás oito da tarde, no transcurso dun acto solemne, recollerán o Premio Peña Novo.
O citado galardón, que recoñece os méritos das institucións públicas, entidades privadas e funcionarios a prol da normalización lingüística, foille concedido ao Concello de Burela por un xurado formado por Carlos Varela, fiscal superior de Galicia; Valentín García, en representación do Concello da Estrada; María Sol López, profesora de Filoloxía da USC; Xosé Manuel Tato, director xeral da área de Urbanismo no Concello de Pontevedra; Guillermo Fontán, membro da Fundación Lois Peña Novo; Guadalupe Rodríguez, concelleira de Normalización Lingüística en Santiago de Compostela, e Carme Pérez Vaquero, do Concello de Redondela. Segundo o xurado, que tamén valorou o labor do Foro de Avogados de Lugo e do académico Ramón Lourenzo, o Modelo Burela de Planificación Lingüística favorece a “inculturización da numerosa comunidade internacional asentada no seu territorio”.
A expedición de Burela que mañá viaxará a Soutomaior estará encabezada polo alcalde e a concelleira de Cultura, Alfredo Llano e Neves Cando, xunto coa responsable de inmigración Concepción Pernas, o director da longametraxe documental Modelo Burela Matías Nicieza (por medio do seu traballo audiovisual o xurado coñeceu a realidade da integración social existente en Burela) e María José Andión Fontela, coordinadora do Proxecto de Innovación Educativa do Instituto Perdouro (onde naceu a iniciativa). Está tamén previsto que viaxen os integrantes da Comisión Municipal de Planificación Lingüística que forman a concelleira de Educación, Lucía Bouza, os edís do PP Cristóbal Edrosa e Luís Miguel Pedre e o profesor Bernardo Penabade. Ademais dunha representación dos diferentes centros de ensino do termo municipal viaxarán integrantes das directivas das asociacións culturais, do deporte, da industria e do comercio locais.
No encontro, abordáronse temas como a posibilidade de colaborar na mellora da formación dos traballadores, destacando a importancia que ten ese aspecto neste sector estratéxico para Galicia. Tamén se trocaron puntos de vista relativos ás condicións laborais dos profesionais do mar.
Pasadas as 13:30 horas deste luns, o 112 Galicia tivo constancia, a través de Urxencias Sanitarias de Galicia-061, dun ciclista que se atopaba en parada cardiorrespiratoria no quilómetro 1 da LU-151, á altura da parroquia de Fazouro. De inmediato, os xestores do Centro Integrado de Atención ás Emerxencias solicitaron a colaboración dos axentes da Garda Civil de Tráfico e da Policía Local de Foz. Malia os esforzos, os profesionais sanitarios só puideron confirmar o falecemento da persoa.
A variada oferta de produtos de artesanía e de alimentación de temporada e proximidade á venda complementouse con degustacións de minihamburguesas de carne de raza Limiá e empanada de carne de porco celta e tenreira de raza Caldelá, que se repartiron gratuitamente entre as peroas que fixeron algunha compra no Mercadiño.
Os cortes produciranse do punto quilométrico 2,800 ao final da vía. Habilitaranse desvíos alternativos que estarán debidamente sinalizados.
Cada participante pode presentar unha única fotografía, en papel e formato dixital, seguindo as bases dispoñibles na web da Deputación. A celebración do aniversario inclúe actividades como a Xornada de Degustación da Tenreira de Ancares, unha xornada micolóxica e un obradoiro de rescate na montaña, ademais doutras propostas ambientais e divulgativas nos próximos meses.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
