NOTA DE PRENSA:
O voceiro do Mar do Grupo Parlamentario Popular, JM Balseiro Orol, rexistra unha iniciativa polo procedemento de urxencia na que tamén se interesa polas xestións que desenvolverá o ente público autonómico para garantir o bo funcionamento do servizo
O PPdeG SE INTERESA NO PARLAMENTO POLOS MÚLTIPLES E REITERADOS INCUMPRIMENTOS DO GOBERNO MUNICIPAL DE VIVEIRO QUE LEVARON A PORTOS DE GALICIA A SUSPENDER A CONCESIÓN SOBRE AS INSTALACIÓNS NÁUTICO DEPORTIVAS
* Os populares consideran significativamente grave que as irregularidades non só estean avaladas polos servizos de inspección que incluso valoran a posibilidade de propoñer algunha sanción de tipo administrativo, senón que sexan tamén os propios usuarios os que, a través dun escrito avalado por un número significativo de sinaturas, se suman a estas denuncias
Santiago, 9 de xuño de 2010.- O Partido Popular de Galicia se interesa no Parlamento galego polos múltiples e reiterados incumprimentos nos que vén de incorrer o Goberno municipal de Viveiro e que levaron a Portos de Galicia a suspender a actividade, uso e explotación por parte desta administración local das instalacións náutico-deportivas.
O voceiro do Mar do Grupo Parlamentario Popular, Jose Manuel Balseiro Orol rexistrou unha iniciativa tramitada polo procedemento de urxencia para coñecer polo miúdo as medidas que ten previsto desenvolver Portos de Galicia despois de constatar a situación de inactividade e absoluta falta de control que se veñen denunciando os distintos informes de inspección aos que teríamos que engadir as queixas de múltiples usuarios do porto deportivo.
Segundo as informacións que teñen transcendido ata o momento o Concello de Viveiro, rexido polo socialista Melchor Roel, non só tería incumprido reiteradamente os requirimentos de documentación que se lles facía desde Portos de Galicia senón que ademais estaría a obstaculizar todos os intentos efectuados pola administración autonómica para o control da actividade, como por exemplo, a solicitude formal dos arrendamentos (tanto de amarres como de servizos) formalizados polo Concello de Viveiro nos últimos anos. Malia a advertencia expresa de que este tipo de comportamentos suporían a apertura dun expediente de caducidade da concesión o Concello de Viveiro non fixo nada por corrixir as irregularidades detectadas.
A alcaldía de Viveiro, rexida por Melchor Roel debera explicar tamén como é posible que a relación de embarcacións declaradas para o abonamento da tarifas portuarias non se corresponda coa realidade, que os datos das embarcacións de tránsito non aparecen nos libros de rexistro, que o propio concello estea a realizar todo tipo de eventos sen requirir autorización algunha e que non estea a cumprir as obrigas relativas á limpeza da lámina de auga e mantemento de calados.
AVALADAS POR INSPECCIÓN E USUARIOS
Os populares consideran significativamente grave que as irregularidades non só estean avaladas polos servizos de inspección que incluso valoran a posibilidade de propoñer algunha sanción de tipo administrativo, senón que sexan tamén os propios usuarios os que, a través dun escrito avalado por un número significativo de sinaturas, súmanse a estas denuncias, de xeito especial, por falta de seguridade e mantemento nas instalacións.
Finalmente a través da súa iniciativa queren coñecer as previsións que manexa Portos de Galicia para garantir o bo funcionamento de servizo durante este período transitorio no que este ente público autonómico asume directamente a xestión do porto deportivo, ata a finalización do expediente da caducidade. Lembran que o Concello de Viveiro non deu resposta aos requirimentos que se lles fixo para entre outras cuestións garantir servizos tan básicos como o de acceso ao subministro de combustible, servizo de vixilancia 24 horas todos os días da semana, control de acceso restrinxido aos pantaláns, control das instalacións eléctricas ou sinalizacións legalmente esixidas do pantalán de recepción.
A alcaldesa, Dolores García Caramés, visitouna no seu domicilio para felicitala e entregarlle un ramo de flores en nome de toda a veciñanza. Nada en Sargadelos e veciña de Cervo, foi a máis nova de dez irmáns e desde moi nova traballou no campo e coidou dos animais, sempre cun gran espírito de esforzo. Nai, avoa e bisavoa, a súa familia destaca a súa alegría, enerxía e bo humor. Moi activa ao longo da súa vida, gozaba de viaxar, da praia, de conducir e de participar nas actividades municipais, ademais de cultivar a súa paixón por cantar. Coqueta, sorrinte e cun espírito novo, Benedicta é hoxe un exemplo de vitalidade para todo o municipio.
O Pazo de San Marcos acolleu a conferencia final, de Manuel Andrade Baliño, e a entrega de premios ás alumnas e alumnos que obtiveron mellores valoracións nas probas que realizaron, o xoves, individuais, na Facultade de Formación do Profesorado de Lugo, e o venres, por equipos, en Mondoñedo. A final do certame, cunha axenda complentaria que achegou ás rapazas e rapaces ao patrimonio e á cultura, celebrouse por primeira vez en Lugo da man da Asociación Galega de Profesorado de Matemáticas (Agapema) e coa colaboración da área de Cultura da Vicepresidencia da Deputación.
Por este motivo, o Concello recomenda ás persoas, colectivos e entidades que precisen facer uso dalgunha instalación municipal ou solicitar material que presenten as súas peticións coa antelación necesaria. A medida permitirá organizar adecuadamente a atención das solicitudes e a planificación dos recursos municipais.
Dentro desta programación, o martes 30 de xuño ás 11:00 celebrarase na Casa da Cultura unha charla divulgativa impartida pola astrofísica Lucía González Cuesta, aberta a toda a veciñanza. A iniciativa enmárcase no programa provincial que busca ofrecer información rigorosa e garantir unha observación segura. Durante a xornada repartiranse folletos e gafas homologadas. A alcaldesa, Marta Rouco, destaca o carácter histórico do eclipse e anima a participar para vivilo con seguridade. O Concello lembra que só deben empregarse gafas específicas para mirar ao sol e continuará colaborando en actividades divulgativas e sociais arredor deste acontecemento único.
O obxectivo é facilitar que os mozos e mozas que o desexen poidan facer uso destas instalacións. A medida permitirá empregar o campo para a práctica deportiva e para a organización de partidos informais durante o período estival. Desde o Concello de Viveiro sublíñase a importancia de ofrecer espazos deportivos accesibles durante as vacacións de verán e de favorecer hábitos de lecer activo entre a mocidade.
A convocatoria foi realizada polo Concello para amosar a solidariedade de Ribadeo con esta catástrofe natural.
Renova o seu compromiso co club despois de facerse cargo do equipo a mediados da campaña pasada. O técnico pontenovés afrontará este novo ciclo con traballo, compromiso e ilusión para seguir liderando a nave celeste.
