RIBADEO (FNC) .- O Concello ordea que se desmonte unha grúa que supoñía un perigo para a seguridade pública. Atopábase abandoada desde hai meses nunha obra sen rematar entre as rúas Ramón González e Doutor Moreda. Un guindastre móvil encárgase hoxe de realizar estes traballos e os operarios municipais achican a auga acumulada no solar.
O alcalde, Fernando Suárez, sinalou que “moitos veciños das rúas Ramón González e Doutor Moreda están preocupados, segundo nos indican desde hai tempo, pola situación dunha obra que se iniciou e que quedou a estructura a medio facer supoño que polo estoupido da burbulla inmobiliaria. A empresa está desaparecida e deixou unha serie de cuestións que están nunha situación perigosa, unha grúa totalmente montada e no solar ten unha superficie de 1.000 metros cadrados e aproximadamente un metro de auga, polo que estamos a falar dun millón de litros de auga estancados e que co calor poden provocar a aparición de mosquitos ou doutras cuestións negativas”.
O rexedor explicou que “temos informes do arquitecto municipal onde nos indican estas situacións de perigo e que debemos tomar medidas. Estivemos nestes últimos tempos tentando contactar coa empresa constructora, cos propietarios do inmoble, sendo imposible a súa localización e poidemos finalmente contactar coa propietaria da grúa e indicámoslle a obrigatoriedade por unha cuestión de seguridade pública e salubridade de que debería ser desmontada. Facilitamos o acceso achaiando un camiño para que unha grúa puidese entrar e no día de hoxe ese guindastre está a ser desmontado por outra grúa móvil e os operarios do Concello de Ribadeo están procedendo a baleiar, a drenar, a achicar toda esa auga que ocupa os baixos desa construcción a medio facer”.
Suárez Barcia engadiu que “estamos entrando nunha propiedade particular e nunha situación xudicial complexa. Non é a nosa misión facer estas cousas, pero entendemos sempre que por seguridade pública e sendo conscientes de que eso sen atención, sen cuidado pode un día de vento provocar unha desgracia. Os veciños periódicamente estaban indo ao Concello amosando a súa preocupación e nós entendemos que debemos dar unha solución e por moita propiedade particular que sexa os gastos acarreados acabarémosllos pasando á empresa, daremos conta á autoridade xudicial competente porque agora trátase dunha actuación de seguridade e salubridade pública que están amparadas polas diferentes normas de dereito”
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
