Nota de Prensa
REGO PIDE EXPLICACIÓNS A FEIJOO POLAS INSOPORTABLES LISTAS DE ESPERA NO HOSPITAL DA COSTA EN BURELA
– O deputado do PSdeG-PSOE Ismael Rego esixe a inmediata posta en marcha dun plan especifico para afrontar a situación do deterioro da sanidade publica na Mariña
– Di que a situación é moito mais grave que a publicada polo Goberno de Feijoo, xa que deixa escondida a lista de espera non estructural que aumentou no ultimo ano de xeito escandaloso
– Sinala que a Conselleira de Sanidade Pilar Farjas situounos de 1º no ranking das esperas sanitarias de todo o sistema sanitario publico de Galicia.
– Lamenta que as listas de espera publicadas veñen a confirmar os peores augurios das denuncias realizadas polo PSdeG-PSOE e os colectivos sociais da zona
Burela , 16 de xullo de 2010. O deputado do Grupo Parlamentario do PSdeG-PSOE Ismael Rego pide explicacións a Feijoo polas insoportables listas de espera no hospital da Costa. Sinala que no Hospital mariñao hai que esperar 83 días para ser operado, e 94 para consultas.
O deputado do PSdeG-PSOE Ismael Rego esixe a inmediata posta en marcha dun plan especifico para afrontar a situación do deterioro da sanidade publica na Mariña. Reclama que se poñan os medios e a organización axeitada para utilizar ao máximo as posibilidades actuais do Centro Hospitalario e do seu cadro de persoal, e tamén poñendo en marcha as actuacións programadas e presupostadas polo anterior Goberno, incluíndo a ampliación.
Di que a situación é moito mais grave que a publicada polo Goberno de Feijoo, xa que deixa escondida a lista de espera non estructural que aumentou no ultimo ano de xeito escandaloso. Así as cousas esixe ao Director do Hospital de Burela que as faga publicas por respecto aos cidadáns, xa que teñen dereito a coñecer os resultados e consecuencias da xestión dos actuais xestores do Sergas que pagan cos seus impostos .
O deputado socialista lamenta que as listas de espera publicadas veñen a confirmar os peores augurios das denuncias realizadas polo PSdeG-PSOE e os colectivos sociais da zona, xunto cos propios profesionais do centro, sobre o grave deterioro ao que esta sometendo os actuais responsables do Sergas o Hospital da Costa. Di que xa foron capaces de situalos de 1 no ranking das esperas sanitarias de todo o sistema sanitario publico de Galicia.
Afirma que esta situación deriva da estratexia da Conselleira de Sanidade de descapatizacion do Centro Hospitalario. Xa que asegura que recorta os orzamentos para o seu funcionamento, paralizando as inversións e actuacións polo anterior Goberno, entre as que se atopaban a reforma dalgúns servicios como o de xinecoloxía, e a propia ampliación do centro hospitalario para que xa había redactado o preceptivo Plan funcional.
Advirte que os cidadáns da Mariña acabaran revelándose contra este insoportable ataque a un dos seus dereitos fundamentais “como é o de poder contar cun atención sanitaria publica de calidade”, xa que sinala que “os mariñaos non permitiran estratexias persoais en favor da sanidade privada, para que se impoñan por enriba dos seus dereitos”, concluíu.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continúa con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
Finalizado o encontro, de carácter privado, o Cónsul asinou no Libro de Ouro da Deputación e a Presidenta fíxolle entrega dun agasallo institucional. Trala xuntanza Carmela López manifestou a súa satisfacción porque “traballamos para avanzar en novas vías de colaboración, e en posibles proxectos que serven para reforzar a relación entre a Deputación e o veciño país de Portugal”.
