LUGO .- Un total de 16.885 persoas participaron no programa Km0.Deputación de Lugo dende que iniciou a súa andaina en setembro de 2008; xoves remata a súa segunda etapa. As rutas máis demandadas foron as de “Catamarán por Amandi” e “Ría de Ribadeo”. Os dous itinerarios foron elexidos por 5.000 persoas.
Nota de Prensa
Remata a segunda tempada de Km0 con preto de 17.000 participantes
– Dende que o programa iniciou a súa andaina en setembro de 2008, as rutas máis demandadas foron as de “Catamarán por Amandi” e “Ría de Ribadeo”, que foron elexidas por 5.000 persoas
– A modalidade Xtreme contou con preto de 600 participantes, predominando as viaxes en helicóptero e as actividades de multiaventura
– A Mariña e a Ribeira Sacra, destinos das seis rutas organizadas para esta semana dentro do programa impulsado pola Deputación
Un total de 16.885 persoas participaron no programa Km0.Deputación de Lugo dende que iniciou a súa andaina en setembro de 2008. Este xoves rematará a súa segunda etapa con grande éxito de participación. As rutas máis demandadas foron as de “Catamarán por Amandi” e “Ría de Ribadeo”. Os dous itinerarios foron elexidos por 5.000 persoas.
O programa medioambiental dispón doutras dúas modalidades Xtreme e Km0 a Compostela. No primeiro caso, participaron 540 persoas, das que 267 sobrevoaron a provincia en helicóptero; 75 redescubrírona a través da multiaventura, é dicir, tiro con arco, canoas e rastreo; 61 a cabalo; 38 coa ruta Lánzate ou tirolina; e 35 elexiron coa de Móllate, que inclúe vela latina, kayak, esquí náutico e catamarán.
Coa modalidade a Compostela a Deputación converteuse na primeira administración que puxo en marcha unha programación previa e estable ó Xacobeo. 70 persoas fixeron o Camiño con esta novidosa iniciativa, ademais de distintas personalidades da vida social galega e española como os humoristas As Cantareiras de Ardebullo; os deseñadores galegos que acudiron a Lugo co motivo da celebración da I Gala Muralla Lugo, dentro dos actos de Lugo 10 e do 15º aniversario do CENTRAD; os deportistas Fernando Romay, Chus Lago, o plantel do Leite Río Breogán e os campións nacionais de rallye, Sergio Vallejo e Luis Moya; colectivos como a Sociedade Española do Corazón –SEC-; directores de medios de comunicación de Galicia, ou autoridades como o Presidente de Cantabria, Miguel Ángel Revilla.
A Mariña e a Ribeira Sacra
O Deputado da Rede Viaria Provincial, Juan José Díaz Valiño, recibiu este mércores no Pazo de San Marcos a 46 asistentes dos cursos internacionais da Universidade de Santiago de Compostela e a 55 membros da Asociación “Terceira Idade” de Monterroso. En total, 309 persoas participan esta semana nas últimas 6 rutas da iniciativa que iniciará a súa terceira tempada no mes de setembro.
No primeiro caso, viaxaron ata Ribadeo logo de visitar o Mazo de Santa Comba. Os cursillistas percorreron o centro de cultivos mariños, o convento das Clarisas e o casco histórico. Tamén fixeron unha travesía marítima pola ría. Pola súa banda, 55 membros da asociación “Terceira Idade” de Monterroso escolleron Cervo como destino da súa ruta, onde visitaron o eucaliptal de Chavín, o convento de Valdeflores, a cerámica Regal e o monte de San Roque.
No día de onte, 55 membros da Escudería Monterroso Sport visitaron a Mariña, despois de percorrer o Centro de Interpretación do río Miño. Concretamente, coñeceron o mirador de Bares e a illa Coelleira, ademais da praia de Arealonga, a casa antiga de salazón, o porto e o mirador de San Román. Ese mesmo día 48 veciños de Viveiro elexiron a Ribeira Sacra. Concretamente, visitaron o Cabo do Mundo e a adega Vía Romana, situada na zona dos Peares.
Finalmente, o xoves 48 membros da asociación cultural “Arumes” do Corgo visitarán o Centro de Interpretación do río Miño e Ribadeo, municipio no que coñecerán a illa Pancha, o castelo de San Damián e o casco histórico. O último grupo, que pecha a segunda tempada do programa, está formado por 55 veciños de Palas de Rei que viaxarán ata Foz, onde farán un percorrido polas praias de Llas, Rapadoira e Arealonga. Completarán o itinerario cunha visita ós hórreos, ó porto e á capela de San Bartolo.
A representación terá lugar este sábado día 18, ás 19:30 horas, no local social da Asociación de Veciños de Marzán, un dos destinos habituais nas xiras anuais da compañía. O Centiño mantén así a tradición de visitar este espazo, onde agarda compartir co público unha tarde divertida e chea de humor. A agrupación teatral continúa así coa difusión da súa nova obra, que segue a percorrer diferentes escenarios da comarca.
Dezaoito locais hostaleiros de Ribadeo, Rinlo e Vilaframil ofrecerán diversas preparacións ata o vindeiro domingo: en escabeche, en salpicón, en empanada, ao allo, á prancha, en albóndega, etc… Todas as propostas poden consultarse nas redes sociais de Acisa Ribadeo, que agradece “unha vez máis o apoio da OPP do Porto de Burela, que nos doou 90 quilos de cabala para estas xornadas, produto que entregamos de xeito gratuíto aos locais participantes. Achegámoslles así unha parte do peixe que empregarán nesta nova cita gastronómica na que tamén colabora o Concello de Ribadeo”. Ata o porto, ao restaurante Marinero, se achegaron este mediodía o director territorial da Consellería de Mar, Alexandre Piñeiro, as concelleiras ribadenses Montse Seijo, Elena Sierra e Begoña Sanjurjo, a presidenta de Acisa, Carmen Cruzado, o xerente do colectivo empresarial, Jesús Pérez, e o técnico de Acisa, Jorge Fernández, que puideron degustar as elaboracións realizadas por este establecemento hostaleiro.
Durante a xornada Lionel compartirá a súa experiencia no mundo da escrita, dando a coñecer os seus procesos creativos e as temáticas que caracterizan os seus libros. O acto incluirá un coloquio participativo cos asistentes do club onde poderán preguntar e intercambiar opinións co autor sobre o libro lido “A raíña das velutinas”.
O sábado terá lugar no Casino o III Showcooking, con cociña en directo e maridaxe de viños. O público poderá votar os seus pinchos favoritos e participar no sorteo dunha noite no hotel Marqués de Riscal. A entrega de premios será o luns 20 ás 19:00 h. O Concello e Destino Navia animan a veciños e visitantes a gozar desta cita gastronómica.
Haberá degustación diaria de ostras na carpa do porto. Concertos, showcookings, visitas guiadas e actividades mariñeiras. Lancha pola ría, exposición de maquetas e concurso fotográfico #somoslasostra2026, ademais propostas especiais en Acueo, La Casilla e Restaurante Peñalba.
A etapa, cun percorrido duns 150 quilómetros, partiu arredor das 11:30 horas e rematou en Barreiros, atravesando concellos como Xermade, Muras, Viveiro ou Foz. A proba reúne a equipos do ciclismo profesional internacional e sitúa a provincia de Lugo como escenario dunha das citas deportivas máis destacadas do calendario. O Goberno colabora no desenvolvemento da carreira a través das Forzas e Corpos de Seguridade do Estado, que velan polo correcto desenvolvemento da proba e pola seguridade de participantes e afeccionados.
As persoas interesadas poden anotarse ata o 24 de abril na Casa do Concello (Cervo) ou na Casa da Cultura (San Cibrao). A actividade está dirixida a persoas pensionistas empadroadas no municipio. Trátase dunha xornada pensada para compartir, celebrar e desfrutar en comunidade.
