A Xunta incumpre a Lei de dereito ao acceso á información ambiental
20 de agosto de 2010. Alén da escurantista política informativa que está a practicar a Xunta por mor dos lumes, a administración tampouco atende á súa obriga legal de informar á cidadanía encol doutras materias de carácter ambiental. Este dereito está regulado pola Lei 27/2006, que incorpora diversas directivas europeas para garantir o libre acceso dos cidadáns á información e á xustiza en materia de ambiente. ADEGA solicitou á Xunta en repetidas ocasións informacións de carácter ambiental ao amparo desta lei, que a administración ignorou incumprindo o artigo 10.2.c.1º. Os vellos vicios (lembremos as vacas tolas, o Prestige…) son moi malos de deixar.
Dende que a administración recibe a petición de información ambiental por rexistro dispón dun mes para respostar positivamente ou xustificar as causas da demora ou denegación. Este prazo está xa sobradamente cumprido no caso de varias peticións cursadas por ADEGA nos últimos meses:
-A solicitude á Consellería de Medio Ambiente, Territorio e Infraestruturas para coñecer a composición dos biocidas, as medidas de seguridade e a localización das estradas fumigadas con herbicidas (8 de xullo de 2010).
-A petición a Augas de Galiza e á consellería de Industria para coñecer o estado de tramitación dos aproveitamentos hidroeléctricos solicitados por Ferroatlántica no Xallas (14 de xullo de 2009 reiterada o 10 de xuño de 2010).
-A petición oficial á Dirección Xeral de Conservación da Natureza, efectuada o 21 de maio pasado através do organismo representativo do COGAMADES (Consello Galego de Desenvolvemento Sustentábel) para coñecer as previsións de ampliación da Rede Natura 2000 e o número e estado dos Planos de Conservación e Recuperación das especies incluidas no CGEA (Catálogo Galego de Especies Ameazadas).
-A solicitude á Delegación da Xunta en Ourense para coñecer as características do biocida empregado para o tratamento da praga dos carballos (19 de abril de 2010).
Consecuentemente, a Xunta non só está a a “xestionar” a información de xeito escurantista atendendo a intereses partidarios, senón que tamén está vulnerando flagrantemente a lei. A este respeito, a propia norma establece que en caso de reclamación do solicitante, o estado podería impoñer multas de até 6.000€ por cada día de demora aos responsábeis do incumprimento da obriga de informar (neste caso ao conselleiro de MATI, de Medio Rural, de Industria e ao Presidente de Augas de Galiza), que lóxicamente acabariamos pagando todos/as!
Alén de resultar intolerábel para unha administración o incumprimento sistemático da lei, resulta paradóxico que a “contención” informativa da Xunta en materia ambiental poida supoñer un importante desbaldimento económico para as arcas públicas en época de crise. Vaites coa austeridade!
O espectáculo participativo A verbena de antes -con O Xeito e Airiños da Freba-, ao mediodía, e unha mostra etnográfica e as actuacións de Amado Lar e A Volta do Agro, pola tarde, protagonizaron o último día das Xornadas, pensadas como un punto de encontro da cultural tradicional galega,e especialmente da comarca da Mariña.
Tamén puxo en valor o labor de Fonmiñá e a importancia dunha cita cultural que cumpre 48 edicións. Para Vilalba, a incorporación da actriz ao Paseo do Cine é un recoñecemento que a vila sente como propio.
A actividade permitiu aos nenos e nenas gozar dun espectáculo de maxia pensado para transmitir, dun xeito ameno e divertido, valores relacionados coa igualdade, o respecto, a convivencia e a eliminación de estereotipos. Con iniciativas como “Abrazando a igualdade”, o Concello de Xove continúa apostando por achegar aos máis pequenos actividades educativas diferentes, propostas culturais e de lecer nas que a cultura, a diversión e a transmisión de valores van da man.
Félix Jorquera conversou co alcalde, Fran Cajoto; coa concelleira de Cultura e Facenda, Inés López; con Pura García, que é directiva de Acia Foz-CCA; con Carmen Alonso, presidenta do Celtas de Foz; e coa dona da cafetería Marexada, Palmira Andrade. Con eles fixo balance do verán, que todos valoraron de xeito positivo, e analizou os proxectos para os vindeiros meses.
Trátase dunha viaxe para dúas persoas con estancia de catro noites nun hotel de catro estrelas en réxime de todo incluído, voos e equipaxe. O sorteo tivo lugar o pasado mes de xuño.
A cita previa pode solicitarse a través do teléfono 981.928.080 ou da web 
A medida tamén fai que as familias perdan a gratuidad do comedor escolar, asumindo un gasto novo. O Concello reclama recuperar a parada mentres non exista unha alternativa segura e manter tanto o transporte como o comedor gratuíto, pedindo unha solución urxente que non prexudique ás familias de Mántaras.
