O Hospital da Costa moderniza as súas dotacións incorporando estacións de traballo médicas aos seus quirófanos
Este novo equipamento, para o que se investirán en torno a 70.000 euros, contará con unidades fixas e móbiles
Esta iniciativa forma parte do Plan Director de Sistemas e Tecnoloxías da Información, co que se quere acadar unha modernización do funcionamento do sistema que permita unha xestión máis eficiente e sostible
Burela, 14 de agosto de 2010.- O Hospital da Costa vai incorporar estacións de traballo médicas aos seus quirófanos, actualizando deste xeito as instalacións deste centro sanitario a través deste equipamento informático, que facilitará aos traballadores deste centro o desenvolvemento do seu labor profesional.
Este novo equipamento, para o que o Hospital burelense vai investir en torno a 70.000 euros, contará con unidades fixas -destinadas aos quirófanos dos servizos de Otorrinolaringoloxía e Traumatoloxía- e móbiles.
As estacións que o Hospital vai adquirir contan con conectividade wifi e inclúen avances na súa ergonomía, incluíndo un teclado máis cómodo de utilizar para os profesionais sanitarios, que poderán disfrutar deste xeito dunha maior operatividade nos quirófanos no manexo destes aparatos.
Estas novas dotacións enmárcase no compromiso da Xunta de Galicia por potenciar a sanidade pública e as súas infraestruturas no norte da provincia de Lugo. Así, tanto o Hospital da Costa como o Servizo Galego de Saúde están a facer unha firme aposta no eido das novas tecnoloxías da información e a comunicación (TICs) na atención sanitaria pública, xa que estes son instrumentos imprescindibles para facilitar a equidade e universalidade da mesma.
Así, a adquisición destas estacións forma parte do Plan Director de Sistemas e Tecnoloxías da Información, que ten como obxectivo levar a cabo unha modernización do funcionamento do sistema que permita unha xestión máis eficiente e sostible, situando sempre ao paciente como centro do sistema.
O Servizo Galego de Saúde dá así un paso máis no cumprimento do seu obxectivo de garantir unha sanidade pública de calidade, prestar uns servizos públicos próximos e eficientes e dispoñer de infraestruturas e equipamento tecnolóxico e moderno, axeitado ás necesidades asistenciais actuais e de futuro da poboación.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
