NOTA DE PRENSA
AS CRÍTICAS DOS SOCIALISTAS SO INTENTAN AGOCHAR O SEU MALESTAR CONTRA O GRUPO DE GOBERNO POR TER LOGRADO PARA O CONCELLO UN OBRADOIRO DE EMPREGO
* Os responsables locais aseguran que as recentes manifestacións da concelleira Lara Méndez e dos seus compañeiros de partido denotan a impotencia e incapacidade para facerse cargo de labores da súa competencia
Cervo, 25 de setembro de 2010.- A concelleira de Medio Ambiente de Cervo, Pilar Armada, saíu ao paso das criticas socialistas nas que acusaban ao Concello de realizar labores de limpeza nos viales provinciais do termino municipal cos alumnos do módulo de xardinería do Obradoiro de Emprego “Terras de Azul Cobalto”.
Para a voceira municipal, as manifestacións dos socialistas denotan “a impotencia e incapacidade” dos responsables socialistas na Deputación para facerse cargo de labores da súa competencia. Armada recalcou que o Concello vese na obriga de asumir esta labor “pola inacción e absoluta inoperatividade” dos compañeiros de partido dos socialistas cervenses na Deputación “e dos que forma parte importante a súa propia voceira”. Asegurou tamén que coas súas declaracións o PSOE local deixa en evidencia “a irresponsabilidade e vagancia” do ente provincial cando afirman que a Deputación xa abordou os traballos de mantemento da infraestrutura viaria do municipio a través da empresa concesionaria deste servizo.
“¿Entón, se eles mesmos din que a Deputación acaba de facer os traballos de limpeza das súas carreteiras no noso concello, como é que temos que ir nos a limpalas de novo? Isto so se pode explicar porque eles non se preocupan de facer ben o seu traballo e dálles igual como queden as estradas” recalcou Armada, quen asegurou tamén que “so faltaría que tivésemos á espera de responsables socialistas da Deputación para facer estes traballos, porque entón chegaríamos a estar nunha selva”.
Para a responsable de Medio Ambiente cervense as estradas do concello están en mal estado “e hai que actuar, e botarlle a culpa á empresa adxudicataria dos traballos non é a solución”.
DOENTES E RESENTIDOS
En opinión de Armada, o que lles ocorre aos socialistas “e en especial a algunha concelleira con cargo na Deputación” é que “están doentes, resentidos e con un certo malestar contra do equipo de Goberno local por ter conseguido materializar políticas de emprego que buscan dar saída e futuro laboral a un bo numero de desempregados do noso municipio” e asegurou que dende o Concello seguirán loitando para conseguir máis fomento do emprego “e para que ninguén nos torpedee o noso proxecto”.
A edición incorpora como novidade a primeira inmersión da imaxe da Virxe no porto, prevista para o 11 de xullo. O Día do Carmen, o 16, manterá os actos máis emblemáticos, como a Misa Solemne, a Procesión Mariñeira e a descarga pirotécnica. O programa inclúe verbenas, concertos, actividades infantís, o Día do Bollo e o desfile de Cabezudos. O Concello e SofiTapia animan á participación nunhas festas que volverán converter a vila nun punto de encontro. Os actos no Auditorio Municipal serán de entrada libre ata completar aforo.
Durante a súa estancia na capital, tiveron a oportunidade de coñecer o Senado, onde foron recibidos, entre outros representantes, polo senador lucense José Manuel Balseiro, veciño de San Cibrao e pola deputada no Congreso, Cristina Abades, que traballou durante anos na Casa do Concello. Balseiro deulles a benvida á Cámara e acompañounos nun percorrido polas súas principais dependencias, explicándolles o funcionamento da institución e o labor que desenvolven os senadores. O parlamentario agradeceu á asociación Terra-Mar a organización desta iniciativa, que contribúe a achegar as institucións aos cidadáns e a fortalecer os vínculos entre a Mariña e a representación que exerce a provincia de Lugo no Senado.
Ademais, a medida responde a razóns de seguridade e operatividade, xa que a presenza de público nestas xornadas impide que os camións de recollida poidan acceder e circular con garantías por esta zona. Durante eses cinco días, os contedores permanecerán instalados nos seus emprazamentos habituais para que a veciñanza e os visitantes poidan depositar neles os residuos. Ademais, o servizo de limpeza reforzará as tarefas nos puntos vinculados á celebración do festival. O Concello solicita a colaboración da cidadanía para manter os espazos públicos nas mellores condicións posibles.
"Este éxito é froito do teu esforzo, dedicación e constancia, e é un orgullo para todo o noso concello. Desexámosche moitos máis éxitos deportivos e que sigas representando a Cervo e ao Club Deportivo San Ciprián con tanta ilusión e talento", salientan desde o consistorio.
A mostra reúne imaxes tomadas en Galicia, Cataluña, Aragón, Andalucía, Senegal e Escocia, ofrecendo un percorrido pola biodiversidade e polos vínculos entre distintos ecosistemas. O fotógrafo, naturalista especializado en ornitoloxía, invita a contemplar a natureza cunha mirada pausada e consciente a través de 50 especies de fauna. Permanecerá aberta ata o 29 de xullo.
Con este xesto simbólico, expresou a súa solidariedade co pobo venezolano, trasladando o seu apoio ás familias das persoas falecidas, feridas e afectadas por unha traxedia que continúa deixando un elevado número de vítimas e miles de damnificados.
O obxectivo é facilitar que os mozos e mozas que o desexen poidan facer uso destas instalacións. A medida permitirá empregar o campo para a práctica deportiva e para a organización de partidos informais durante o período estival. Desde o Concello de Viveiro sublíñase a importancia de ofrecer espazos deportivos accesibles durante as vacacións de verán e de favorecer hábitos de lecer activo entre a mocidade.
