O director xeral de Competitividade e Innovación Tecnolóxica, Juan Maneiro, respondeu a diferentes preguntas na comisión 8ª de pesca e marisqueo
A Consellería do Mar destaca que a campaña do bonito deste ano está a ser a mellor dos últimos seis anos
As descargas deste túnido son a mediados de agosto un 51% superiores e o seu valor en lonxa supera nun 72% a media dos últimos seis anos
Mar publicará unha nova orde de bases para a concesión de axudas para a realización e proxectos piloto “con sistemas de avaliación aínda máis transparentes que os do bipartito”
A Consellería realizou a transferencia de crédito das partidas de pesca artesanal para desguace da frota na procura dunha xestión económica eficaz
Volver Imprimir Enviar
Santiago, 24 de setembro de 2010.- A Consellería do Mar, destaca que a campaña do bonito deste ano está a ser a mellor dos últimos seis anos. O director xeral de Competitividade e Innovación Tecnolóxica, Juan Maneiro, informou de que “a campaña do bonito do norte do presente ano incrementa de maneira espectacular os seus resultados respecto á media dos anos pasados por estas datas”. O director xeral sinalou que, segundo os datos de mediados agosto, as descargas deste túnido son un 51% superiores e o seu valor en lonxa supera nun 72% a media do período 2004-2009.
Con respecto ao total da campaña de 2009, Juan Maneiro indicou que “as descargas do que levamos desta campaña xa superan nun 21% as de 2009 ao final da costeira e o valor das vendas xa é un 7% superior”. Tamén destacou que, ata agora, o prezo medio baixou nun 11% “con toda probabilidade coma consecuencia do notable incremento dos kilos de peixe capturados este ano”, apuntou.
Ademais de dar conta dos resultados da campaña boniteira actual, o director xeral concretou as actuacións de promoción e apoio realizadas pola Consellería do Mar coa finalidade de contribuír á valoración deste produto. Unha delas é a implantación individualizada para cada exemplar capturado, dunha etiqueta que identifica as capturas dos buques que actúan de maneira responsable co medioambiente. No 2010 a Consellería repartiu máis de 250 mil etiquetas nos portos galegos vinculados a esta actividade. Ademais o director xeral citou a campaña Faino Bonito, dirixida fundamentalmente aos puntos de venda e que incide segundo lembrou Maneiro “naquelas características que mellor definen e diferencian o bonito do norte”.
Proxectos piloto
Por outra banda, sobre a non resolución dos expedientes presentados ao abeiro da orde do 20 de outubro de 2008 de concesión de axudas para a realización e proxectos piloto, Juan Maneiro lembrou que o prazo de presentación rematou en decembro de 2008 “cando Carme Gallego dirixía a daquela Consellería de Pesca e Asuntos Marítimos”. Salientou que cando o seu departamento accedeu á Xunta, a finais de abril de 2009, a anterior Consellería non publicara a orde de dotación de crédito para a realización dos proxectos piloto dese ano, cando a orde especificaba como data límite para a selección e resolución dos proxectos o 31 de maio.
Segundo espuxo o director xeral, “esta desastrosa tramitación do anterior goberno non fixo posible publicar a orde tampouco no ano 2009”. Maneiro aclarou ademais que, coa orde do 19 de maio de 2010, tamén se dá acollida aos proxectos presentados no ano 2008 e 2009, para o que “foi preciso realizar determinadas modificacións”, apuntou. Ademais o titular de Competitividade e Innovación Tecnolóxica aclarou que a Consellería do Mar publicará unha nova orde de bases “con sistemas de avaliación aínda máis transparentes” para regular a concesión deste tipo de axudas para o próximo ano 2011.
Xestión dos FEP
En canto á transferencia de crédito das partidas de pesca artesanal para desguace da frota, Juan Maneiro insistiu en que a consignación orzamentaria da orde para a medida 1.4 do FEP (Pesca costeira artesanal) é froito da distribución destes fondos realizada na anterior lexislatura e “a día de hoxe non nos quedaría máis que aplicala tal e cal está”. Este feito levaría, á vista da experiencia na tramitación das ordes acollidas a este fondos, á súa inexecución, polo que estes fondos foron destinados ás achegas para despezamentos. Esta elección foi levada a cabo en base a que “os únicos cambios orzamentarios que podemos facer son entre medidas dun mesmo eixo”, engadiu.
O director xeral informou de que a orde contou con 148 solicitudes presentadas, pero que “debido á complexidade da orde” non foi posible conceder ningunha das axudas ao resultar “non subvencionables” os conceptos solicitados. Neste sentido, Maneiro salientou que a nivel nacional se aprobou menos do 4% dos fondos destinados a esta medida, que é a de máis baixa porcentaxe de execución ao abeiro dos fondos FEP no conxunto de España. Foron estas as razóns, segundo indicou, polas que o propio bipartito non repetiu a convocatoria anual da orde en 2009 e no ano 2010, e engadiu que tamén se decidiu non convocala ante a posibilidade de expórse a non poder executar o orzamento dispoñible. O que fixo a Consellería do Mar, na procura dunha xestión económica eficaz, foi acumular o crédito dispoñible, de máis de 2´9 millóns de euros, á medida de paralización definitiva das actividades pesqueiras xa que era a única medida que non cubría as necesidades orzamentarias de todas solicitudes presentadas. Deste xeito, a Consellería asegúrase non perder os cartos.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
