NOTA DE PRENSA:
Gómez Besteiro destaca a aposta da Deputación pola “economía sostible”
– O titular provincial participou na inauguración da cuarta edición do congreso ForestSat que este ano reúne en Lugo a preto de 200 investigadores de 32 países
– No encontro, que se desenvolve ata o 10 de setembro, realizaranse 80 presentacións orais nas que se presentarán as técnicas existentes para a mellora da xestión forestal
O Presidente da Deputación, José Ramón Gómez Besteiro, participou este martes na inauguración da cuarta edición do congreso ForestSat 2010 “Ferramentas operacionais para o sector forestal en sectores remotos” que se desenvolve dende hoxe ata o 10 de setembro, e que reunirá en Lugo a preto de 200 persoas de 32 países. Durante o encontro, Gómez Besteiro destacou a aposta do organismo provincial pola “economía sostible, a mesma que o Presidente do Goberno de España resumiu como menos cemento e máis coñecemento. Quen coñecía a Deputación hai tres anos e a intenta recoñecer hoxe comprobará o xiro de 180 grados que lle demos neste senso”.
O titular provincial sinalou que o obxectivo da institución que preside é desenvolver económica e socialmente a provincia, apostando por proxectos destinados a converter o medio ambiente na oportunidade económica da provincia. Deste xeito, puxo como exemplos os programas europeos Lug02 – a través do que se desenvolve un XIS (Sistema de Información Xeográfica), se asesorou a xóvenes investigadores para constituir empresas de alimentación, se profesionalizou o turismo rural e medioambiental ou mesmo se executaron medidas para diminuir os impactos da carga gandeira-, o Pacto Provincial polo Emprego –co que se insertarán profesionalmente 540 desempregados da provincia-, e o Innova-TE –destinado a implantar a administración electrónica-.
Ademais do Presidente, no encontro tamén participaron o Alcalde de Lugo, José López Orozco, o Reitor da Universidade de Santiago de Compostela, Juan Casares Long, o Conselleiro de Medio Rural, Samuel Juárez Casado, e outros cargos universitarios.
80 ponencias orais
Durante a celebración de ForestSat expertos investigadores presentarán e disertarán sobre as técnicas e métodos de teledeteción que permiten a mellora da xestión forestal e do territorio. En total, realizaranse 80 ponencias orais. Ademais, co motivo do Xacobeo, o 10 setembro está programada unha visita turística a Santiago de Compostela; cidade declarada en 1985 Patrimonio da Humanidade pola UNESCO.
No congreso, que está organizado polo grupo de investigación e docencia do Laboratorio do Territorio (LaboraTe), a Universidade de Santiago Compostela e o Forest Research (Centro de Investigación Forestal situado en Edimburgo, presentaranse ferramentas de captura de información de datos xeoespaciais aplicados ó sector forestal e daranse as claves para mellorar a accesibilidade á información a través de novas técnicas cartográficas. Tamén se avaliará a densidade arbórea existente e se debaterá sobre os beneficios da biomasa e das enerxías renovables.
O grupo, composto por cinco mulleres e sete homes cunha media de 26 anos, foi recibido pola subdelegada do Goberno, Olimpia López, que lles agradeceu o compromiso co servizo público e destacou o papel esencial da Policía Nacional na seguridade cidadá. Oito axentes estarán na Comisaría de Lugo, dous en Monforte e dous en Viveiro. Ao finalizar as prácticas, escollerán destino definitivo segundo a puntuación obtida no proceso selectivo.
A iniciativa busca poñer en valor a diversidade cultural do municipio a través da gastronomía, convidando ás persoas de diferentes países a elaborar pratos típicos que se ofrecerán de forma gratuíta ao público. O Concello asumirá o custo dos ingredientes e asignará a cada participante un posto identificado co seu país de orixe. As inscricións poden realizarse ata o 29 de xullo enviando un correo a feiras@vilalba.es. Rouco chamou á participación para seguir construíndo unha Vilalba aberta e integradora, nunha feira que quere consolidarse como espazo de convivencia e dinamización da feira tradicional.
Ata o 4 de agosto poderán realizarse as renovacións, mantendo as tarifas aprobadas en asemblea: 200 € e 250 € para adultos, e acceso gratuíto para menores grazas ao convenio coa Fundación Imdecum, con opción voluntaria de abono infantil por 40 € con reserva de asento. A partir do 5 de agosto activaranse as novas altas. Os abonos poderán tramitarse a través de CLUBER ou presencialmente na oficina do club, con horario de mañá e tarde en xullo e só de mañá en agosto.
A Presidenta Carmela López destacou o valor deste produto emblemático da Mariña e o traballo do sector pesqueiro. Rocío Rivera e Herminia Pernas puxeron en valor a tradición mariñeira de Burela e o papel dos mariñeiros da Moncloa. O público degustou 450 tapas elaboradas con bonito nunha xornada que serviu de escaparate desta cita gastronómica e de convite a visitar Burela a próxima fin de semana.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
O campo de fútbol do Cascabeiro acolleu o pasado sábado a III Festa do Mexillón, organizada polo Celta Barreiros. Centos de persoas achegáronse a gozar dunha tarde de gastronomía e de música. En total foron servidas 670 racións entre veciñanza e visitantes, que saborearon mexillóns e lacón. Os organizadores amosasen satisfeitos da acollida: “estamos contentos pola boa resposta dos asistentes”. E tiveron palabras de agradecemento “para os Concellos de Barreiros e de Foz pola boa colaboración”.
