Nota de prensa:
UNHAS 12.000 PERSOAS PASARON POR BURELA AO LONGO DO VERÁN, O QUE SUPÓN UN INCREMENTO IMPORTANTE CON RESPECTO AO ANO PASADO. O CONCELLEIRO DE TURISMO FAI UNHA VALORACIÓN MOI POSITIVA.
Burela, 7 de setembro de 2010. Arredor de de 12.000 persoas pasaron por Burela ao longo do verán, o que supón un incremento importante con respecto ao ano pasado. O concelleiro de Turismo, José González Legazpi, fai unha valoración moi positiva destes datos e incide “na importancia do turismo, principalmente de proximidade e por tanto na potencialidade do Concello no seu avance cara a consecución dunha máis grande capacidade turística”.
O edil nacionalista sinala que “dende a oficina de turismo de Burela se ten rexistrado nestes pasados meses unha afluencia de visitantes de proporcións algo superiores ao pasado verán, representando en computo global que ao remate do mes de agosto estiveron interesándose polo concello de Burela e tamén pola comarca da Mariña, algo máis de 5.200 persoas, máis de 4.500 persoas as que visitaron o barco museo Reina del Carmen, polo que pasaron en algún só día máis de 150 visitantes, téndose dado tamén o caso dalgún fin de semana no que se superaron na oficina de turismo as 700 persoas”.
González Legazpi destaca que “a procedencia maioritariamente é da nosa comunidade autónoma, principalmente do eixe atlántico, seguida de Asturias e tamén é moi representativa a afluencia de persoas chegadas dende a capital de España, e do norte peninsular, concretamente de Cantabria e País Vasco, pero tamén de Castela-León ou Cataluña, e algún outro pais de ámbito internacional; destacar igualmente a mobilidade experimentada na área de autocaravanas, de distintas procedencias, principalmente da zona de Levante, o que representa evidentemente indicadores favorables para o afianzamento turístico do concello, que dentro dunha valoración na que se inclúan os movementos da area de autocaravanas podemos determinar que rematado o verán de 2010 pasaron por Burela unhas 12.000 persoas o que representa un incremento importante a respecto do pasado ano”.
O concelleiro de Turismo engade que “estes indicadores favorables, en tanto que determinan claramente o afirmativo resultado dos procesos que se veñen realizando cara a divulgación e participación en distintos certames e medios de influencia, que fan posible o achegamento de visitantes ao noso concello, así como a implantación de medios de intercomunicación e novas tecnoloxias para favorecer a nosa presenza, xunto co desenvolvementos de políticas encamiñadas á valorización e mellora dos recursos turísticos do Concello, xa que logo o turismo representa unha parte importante da economía municipal en canto que posibilita accións de desenvolvemento para os distintos sectores económicos de Burela”.
Durante esas xornadas realizaranse estudos xeotécnicos imprescindibles para planificar correctamente as actuacións previstas, o que require que a maquinaria e o persoal traballen directamente sobre a infraestrutura, impedindo o paso de vehículos. Recoméndase ás persoas usuarias empregar rutas alternativas durante o corte, que só permitirá o acceso ás dúas vivendas situadas na Barxa. O Concello pide desculpas polas molestias e agradece a colaboración da veciñanza.
Afirman que os accesos ao Campo da Festa resultan moi dificultosos, especialmente para persoas con carriños de nenos ou cadeiras de rodas. Critican que a obra se trasladase a esta zona xusto antes das festas, deixando outros tramos a medio facer e sen ter en conta as necesidades dun barrio que consideran “marxinado”. Sinalan tamén á alcaldesa como responsable de evitar esta situación. A veciñanza esixe un arranxo inmediato do acceso, aínda que sexa provisional, e a instalación dunha sinal luminosa na alambrada situada ao final da obra.
A actividade, dirixida pola especialista Nuria Torrado, ofreceu ás crianzas un espazo para desfrutar, moverse, xogar e aprender a conectar co seu corpo e coa respiración mediante exercicios e dinámicas adaptadas ás súas idades. No último día, a rexedora Dolores García Caramés achegouse para compartir un anaco cos participantes, escoitar as súas impresións e agradecer o traballo da monitora, incluso sumándose a algunhas das actividades. A proposta pecha cun moi bo sabor de boca, como unha experiencia para aprender, divertirse e medrar en movemento.
Ao longo destas semanas, arredor de 20 nenos e nenas iniciáronse e melloraron as súas habilidades neste deporte, desfrutando do exercicio, aprendendo e pasándoo en grande. O Concello agradece a participación da rapazada e o apoio das familias, e reafirma a súa aposta polo deporte e por ofrecer alternativas de ocio activo para os máis pequenos. A actividade estivo organizada polas Concellerías de Xuventude e Deporte e pola Oficina de Información Xuvenil.
A actuación estará a cargo da Coral Polifónica de Ribadeo coa colaboración do Coro Sagrado Corazón. A entrada solidaria ten un prezo de 6 euros e poderá adquirirse na billeteira do teatro o mesmo día, en horario de 12:00 a 13:30 e desde as 19:00 horas. O evento conta coa colaboración da AECC Lugo, o Concello de Ribadeo e o espazo cultural Castillo San Damian.
Trátase dun espazo seguro, educativo e dinámico, no que os máis pequenos poden comezar o día antes da entrada ás aulas. As solicitudes poden presentarse no Concello de Cervo ou na Casa da Cultura, e o servizo comezará o 9 de setembro. Cervo Madruga, un programa pensado para seguir apoiando ás familias do municipio.
A festa, organizada pola Asociación Alameda co apoio do Concello de El Franco, inclúe unha mesa redonda o venres 28 en El Fornello e, xa o sábado, un taller de baile infantil ás 21:00 h seguido das actuacións de El Cabazo, Herbamora, Dervish, Felpeyu e Ochobre. El Franco destaca o valor desta tradición e anima a veciños e visitantes a participar nun evento que leva máis de catro décadas celebrando música, baile e patrimonio cultural.