“Sargadelos es una organización pionera en la defensa de valores culturales y sociales, con una larga trayectoria histórica,(…), con un proceso industrial-artesanal (…) acción social en relación a los recursos humanos (comedor de empresa, conciliación vida laboral-familiar, personal mayoritariamente femenino) diseños basados en motivos relacionados con la tradición y cultura de Galicia con un origen y un significado, protección y defensa de valores gallegos, desarrollo sostenible, calidad, trabajo en equipo, etc.”.
Así define a dirección de Cerámica de Sargadelos a esta singular empresa enclavada no Concello de Cervo na Mariña de Lugo. E xa nesta declaración de principios resulta cando menos curioso que o seu compromiso coa cultura do noso país e a defensa dos seus valores non inclúan o uso do idioma propio da nosa terra.
Vendo esta contradición non é de estrañar que a dirección da empresa que fala dos seus traballadores nos seguintes termos, “el componente humano es la base de la producción y de la acción de la Fábrica de Sargadelos…”, logo, na práctica, trate aos empregados como o “problema” a solucionar.
A última negociación mantida nesta empresa mostrou ao comité de empresa e aos sindicatos alí representados a verdadeira faciana dos “novos xestores” de Sargadelos. Foi unha parodia de ERE de extinción onde o obxectivo non era buscar as solucións menos traumáticas para empresa e traballadores, o verdadeiro obxectivo foi facer unha “caza de bruxas” que apartara da empresa “aos que o merecen” (en palabras do mesmo conselleiro delegado) e coa que puidera demostrar a firmeza do “novo orden” establecido na empresa.
Se a IMAXE fai de Sargadelos unha empresa singular, e que lle da ese compoñente de exclusividade e de valor engadido á súa produción, moito me temo que estes novos xestores van ter que gastar moitos cartos en publicidade (moito mais do que van a “aforrar” en persoal) para lavar a imaxe que a golpe de ERE estanse a labrar.
Sargadelos necesita ser recoñecido por ser vangarda no deseño, na calidade, na cultura e no compromiso social e non por ser a primeira empresa que utiliza a nova reforma laboral para desfacerse por unha miseria de traballadoras e traballadores altamente cualificadas/os e que entregaron a vida enteira a ese proxecto empresarial.
Aínda están a tempo de rectificar e demostrarnos que efectivamente os “principios” que marcaron a filosofía desta empresa seguen a estar vixentes e non son so papel mollado. Os accionistas deben darse conta de que o futuro da empresa e a valoración da súa marca están ligados a esa imaxe de “empresa cultural e respectuosa “ que se lles supoñía. Tirar pola borda esa imaxe é tirar pola borda o seu máis valioso activo.
Xorxe Caldeiro Díaz
Destacou o labor da asociación xuvenil A Rumboia, que en poucas edicións converteu o evento nun referente cultural da Terra Chá e nun motor para o turismo e a economía local. O cartel inclúe Caamaño & Ameixeiras, Ulex, La Txama, Boyanka Kostova, Bea Fernandes e Lucasiito B2B Somiiux. Haberá tamén actividades para todas as idades —xogos, obradoiros, contacontos e artesanía— no campo da feira de Gontán, con entrada gratuíta.
O Parque María Cristina da Caridá volverá encherse de oficios, sabores, música e tradición os próximos días 4 e 5 de xullo
Son 15 os postos instalados nos que os asistentes poderán atopar complementos de moda e téxtis, marroquinaría, xoiaría, teas, sombreirería, bixutaría, xoguetes ou esmaltes. Esta feira está percorrer diversas localidades e cidades galegas para dar a coñecer o traballo dos artesáns galegos. Polo recinto pasaron o alcalde, Dani Vega, e a concelleira de Comercio e Turismo, Marta Saiz.
Desde o pasado martes desenvolvéronse distintas competicións deportivas, entre elas os tradicionais torneos 3x3 de fútbol e baloncesto e un campionato de xadrez, nos que participaron preto de 300 mozos e mozas. Villares sinalou que esta convocatoria “é xa un clásico na vila e axuda a proxectar a oferta do Espazo Xove, un punto de encontro para a mocidade que ao longo de todo o ano ofrece distintas propostas de lecer, formación e participación adaptadas aos seus intereses”.
O xoves haberá unha gran sardiñada no Campo da Pascua e o venres dedicarase ao Día do Neno con atraccións a prezos populares. A organización corre a cargo da Comisión de Festas de San Xoán de Covas coa colaboración das administracións locais e autonómicas.
O delegado gabou o traballo realizado polo Motoclub A Cadeira para dar continuidade a esta proposta logo do éxito do pasado ano, “deixando claro desde a primeira convocatoria o seu poder de atracción e o importante papel de dinamización económica e social que xogan iniciativas deportivas e lúdicas como esta”. Na programación destacan a subida nocturna hoxe ao monolito da Cadeir a, os simuladores de pilotaxe de moto GP e a exhibición de Stunt3Show mañá, ou unha ruta turística o domingo. Ademais, haberá sesións vermú, música en directo, sorteos de premios, acampada gratuíta -cuberta e exterior- e food trucks, entre outras actividades.
A edición deste ano incorpora un novo formato organizativo: as sesións vermú ampliaranse a tres horas na Praza da Constitución e todas as verbenas trasladaranse ao Campo da Feira para mellorar a loxística e facilitar a montaxe dos espectáculos, especialmente nun ano con formacións de gran formato. O programa musical combina orquestras, grupos e DJs para públicos de todas as idades, con citas destacadas como Panorama City, Paris de Noia, Los Satélites, Costa Dorada ou a xira campestre con diferentes propostas ao longo de varios días. Desde o Concello subliñan que as festas son un espazo de encontro para a veciñanza e para quen regresa a Vilalba nestas datas, e que o obxectivo é ofrecer unha programación equilibrada e pensada para que cada persoa atope o seu lugar nunhas patronais que forman parte esencial da identidade da vila.
