Nota de Prensa
A Deputación organiza o II Encontro de Cooperación
sobre a protección de datos nos Concellos da provincia
– Trátase da primeira vez que unha administración provincial en Galicia organiza unha xornada destas características
– Desenvolverase o 19 de outubro na que prestixiosos expertos debaterán sobre este asunto, que nalgúns casos, supón sancións cuantiosas e presentarase o primeiro estudo realizado sobre este tema da provincia
– Aprobados os plans de seguridade de seis zonas da Conservación da Rede Viaria, que afectan a 52 Concellos e a adxudicación ascende a preto de 15 millóns de euros
– Dentro do Plan Extraordinario de Obra Pública adxudicouse provisionalmente o polideportivo e piscina climatizada de Monterroso por valor de mais de 1,2 millóns de euros
O voceiro provincial socialista, Antonio Gato Soengas, anunciou este venres que o 19 de outubro o Salón de Actos da Deputación acollerá o II Encontro de Cooperación cós Concellos que terá como eixo central a protección de datos de carácter persoal nas entidades locais da provincia. Gato Soengas subliñou que “se trata da primeira vez que unha administración provincial en Galicia aborda con absoluto rigor este asunto”. Na xuntanza, darase a coñecer, ademais, o amplo estudo realizado en colaboración coa Universidade da Coruña, sobre este tema na provincia, co que a de Lugo se converte na única Deputación de Galicia que realiza unha diagone sobre a protección de datos nos Concellos.
O voceiro provincial socialista destacou que esta iniciativa forma parte do departamento de asistencia ós municipios, creado polo actual equipo de goberno e que se divide en tres grandes áreas: xurídica, económico-financieira e técnica. Esta última, estará integrada pola asistencia urbanística, novas tecnoloxías, xestión administrativa, xestión de recursos humanos, patrimonio, expropiacións, medio ambiente, arquivo e protocolo. “Fomos quen de conseguir que esta Deputación se coloque na mesma posición que outras Deputacións que dende hai tempo xa contan con este servizo”.
No Encontro, cuxa convocatoria saiu publicada hoxe no Boletín Oficial da Provincia (BOP), participará o mellor que existe en España en materia de protección de datos. É o caso de prestixiosos expertos a nivel nacional que traballan nas Deputacións de Barcelona e Xaén, nas Universidades de Sevilla e Coruña e mesmo a responsable da implantación da eadministración no Concello de Fene, quenes disertarán sobre este tema tan delicado que, nalgúns casos, supón sancións cuantiosas que, tal e como establece a lei, poden ir dende os 600 euros ós 600.000.
Non hai que esquecer que os municipios manexan moitos datos: padrón de habitantes, censos electorais, castastros, etc ,e nun uso indebido dos mesmos a lei é moi estricta. De aí a importancia deste encontro ó que están convidamos a Alcaldes, Concelleiros, empregados públicos da administración local e a todas as persoas que queiran asistir.
As inscricións para participar no Encontro poderanse facer ata o 14 de outubro, chamando ó 982 240 409, en liña na dirección: http:www.deputacionlugo.org/encontrocooperacion, ou mandando a solicitude ó correo electrónico: cooperacion@deputacionlugo.org.
Conservación da rede viaria da Deputación
Aprobáronse os plans de seguridade de 6 das 8 zonas da Conservación da Rede Viaria Provincial deseñada para o que resta de 2010 e ata 2012. Trátase das zonas 2, 3, 4, 5, 6 e 8, que suman 3.370 quilómetros e cuxa adxudicación ten un importe de 14.690.706 euros. O voceiro provincial socialista subliñou que se trata do último paso para que as empresas comecen a traballar nos 52 Concellos que inclúen as seis zonas.
“Reestruturamos a Conservación: pasamos de tela adxudicada en 13 zonas a 8. Deste xeito, ó disminuir o número de zonas a adxudicación saiun máis barata porque a mesma empresa encárgase de máis Concellos, o cal nos permitiu aforrar cartos que podemos destinar a outras inversións.”.
Complexo deportivo Monterroso
Dentro do Plan Extraordinario de Obra Pública, dotado con 60 millóns de euros, adxudicouse provisionalmente o polideportivo e piscina climatizada de Monterroso por valor de 1.204.284 euros. No complexo traballarán 20 efectivos e situarase no parque empresarial, nunha parceda de 4.600 metros cadrados.
O edificio divídese en tres volumes diferenciados, o de maior dimensión alberga o pavillón deportivo, que ocupa unha superficie de 2.939 metros cadrados. A piscina de 30 metros de longo por 15 de ancho, terá unha capacidade para 100 persoas. Tamén dispón de ximnasio e vestiarios. “Estou moi satisfeito porque era unha débeda histórica que tiña este Concello de máis de 4.000 habitantes”.
Un total de 32 participantes déronse encontro nesta segunda edición, demostrando o seu nivel e desfrutando dunha mañá de competición e compañeirismo. Os gañadores das diferentes categorías foron: Antón Pernas (Sub 8), David Bustabad (Sub 10), Xulio Pernas (Sub 12), Deivid Pérez (Sub 14), Manuel Castro (Sub 16) e Breixo Alvite (Sub 18). A alcaldesa de Cervo, Dolores García Caramés, entregou os trofeos e medallas aos vencedores. O Concello felicita a todas as persoas participantes polo seu esforzo e por contribuír ao crecemento do xadrez no municipio, reafirmando a súa aposta polo deporte, pola participación e por ofrecer novas oportunidades para gozar e aprender.
A proba , organizada polo Club Ciclista Viveiro, reuniu máis de 130 ciclistas e coroou as campioas galegas de todas as categorías femininas -desde infantil ata master-, e aos campions galegos de infantil e cadete. A Praza da Galeguidade acolleu a saída e meta da competición, que se desenvolveu nun circuíto estático de 18,9 quilómetros pasando polo Porto da Gañidoira, a 699 metros de altura.
Trátase de dous MG ZS Hybrid+ Comfort, equipados coa tecnoloxía híbrida autorrecargable Hybrid+, que permite combinar eficiencia e un menor consumo no uso habitual. Segundo os datos do fabricante para este modelo, presenta unhas emisións de entre 113 e 115 g/km de CO₂ e un consumo de combustible de entre 5 e 5,1 litros aos 100 quilómetros, segundo o ciclo WLTP. A adquisición supuxo un investimento de 51.848,50 euros, IVE incluído, financiado a través do Fondo de Compensación Ambiental correspondente ao ano 2026.
Contou con arredor de 90 expositores provintes de todos os puntos tanto de Galicia coma do resto de España e de varias partes do mundo, que exhibiron as súas pezas de tornería en madeira. Tamén acolleu a XVIII edición da Exposición CONtornos. Entre os participantes, destacou a presencia dun expositor provinte da cidade arxentina de Córdoba, así coma outros de Reino Unido, Francia e Portugal. Ata o domingo achegaronse a esta mostra internacional uns 5.000 visitantes, principalmente provintes de toda Galicia e tamén de Portugal.
O horario será o seguinte: Martes, 20 de outubro: de 9:00 a 13:30 horas e de 15:15 a 18:00 horas. Mércores, 21 de outubro: de 9:00 a 13:30 horas. As persoas interesadas poden solicitar cita previa a través do teléfono 981 92 80 80 ou da páxina web 
A competición celebrarase entre o 24 e o 27 de setembro en Las Vegas, e Julia Cabarcos emprenderá esta mesma tarde a viaxe cara aos Estados Unidos para afrontar a súa participación na categoría Women's Physique.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
