CIG ensino presentou a súa candidatura ás eleccións sindicais
Nota de prensa
A CIG-ENSINO PRESENTA A SÚA CANDIDATURA DA MARIÑA ÁS ELECCIÓNS SINDICAIS
No acto estivo presente o Secretario Nacional, Anxo Louzao
Burela, 26 de outubro de 2010.- Onte tivo lugar en Burela unha asemblea de delegados/as e afiliados/as da CIG-Ensino da Mariña para presentar a súa candidatura ás eleccións sindicais que se celebrarán o día 2 de decembro. Neste acto estivo o Secretario Nacional da CIG-Ensino, Anxo Louzao.
Anxo Louzao centrou a súa intervención na transcendencia que para o ensino público teñen estas eleccións cara a poñer freo ás regresións e recortes que o están a deteriorar gravemente, como comprobamos este ano na Mariña coa supresión de ciclos formativos e da modalidade presencial do Ensino de Adultos, coa privatización dos servizos de comedor ou coa eliminación de unidades de infantil e primaria. Así mesmo, afondou no rexeitamento da política lingüística da Consellaría de Educación, baseada na persecución e desprestixio do noso idioma aínda que o leve a despilfarrar 10 millóns de euros en cambiar libros de texto polo feito de estar en galego.
A CIG-Ensino preséntase a estas eleccións cun balance do traballo feito durante estes catro anos altamente positivo tanto polo papel destacado e imprescindíbel en toda a conflitividade e problemática no ensino, como en todas as melloras e acordos asinados: ampliación dos cadros de persoal en Infantil e Primaria, mellora dos horarios, mellora nas retribucións, pagas extras completas, regulamento e mellora das condicións dos itinerantes, ampliación de licenzas e permisos, avances para a conciliación laboral e familiar e outros que aumentaron a calidade do ensino público. Este é noso mellor aval cara a estas eleccións.
A CIG obtivera nas anteriores eleccións máis do 40% dos apoios entre o profesorado da Mariña. Agora, o obxectivo marcado pola CIG-Ensino nestas eleccións é a de incrementar a súa representación para ter maior poder de resolución e de incidencia para facer fronte ás medidas regresivas e antigalegas e para poder avanzar na consecución de mellores condicións de traballo do profesorado e dunha mellor calidade do ensino público. Por iso, a candidatura está formada por docentes avalados polo seu compromiso e traballo diario nos centros educativos e que representan á práctica totalidade dos colexios e institutos da Mariña.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
