Nota de Prensa
FERNANDO SUÁREZ EXPLICARÁ POLAS PARROQUIAS A CONVOCATORIA EXTRAORDINARIA DE AXUDAS PARA PROCEDER A CORREXIR IMPACTOS VISUAIS OU MEDIOAMBIENTAIS NOS CONCELLOS QUE FORMAN PARTE DA RESERVA DA BIOSFERA.
Ribadeo, 18 de outubro de 2010. O alcalde de Ribadeo, Fernando Suárez, explicará a partires do vindeiro venres polas parroquias a convocatoria extraordinaria de axudas posta en marcha pola asociación de concellos da reserva da biosfera río Eo, Oscos e Terras de Burón para proceder a correxir impactos visuais ou medioambientais.
Suárez Barcia explicou hoxe que “dentro destas importantes actuacións que temos xa aprobadas nas correspondentes xuntas directivas desta importante asociación de concellos da reserva de biosfera, 7 asturianos e 7 galegos, en función deste convenio asinado hai pouco onde diversificamos os 2 millóns de euros para investir en implantación de banda ancha e noutras cuestións, tamén designamos unha partida importante para facer algo similar ao que hai catro anos fixemos o Leader Ribadeo- Castropol e o Leader Oscos-Eo. Destinamos 600.000 euros para financiar unha parte importante do custe total de obras que axuden a correxir impactos visuais ou medioambientais existentes na actualidade para conseguir unha mellora do entorno tanto ambiental como paisaxística”. O rexedor sinalou que “isto está referido ao amaño ou demolición de construccións anexas á residencia habitual do solicitante, outorgándose especial relevancia á substitución de cubertas de fibrocemento (uralita), tamén hai outra liña clara de restauración de construcción de tipo tradicional ou que poidan ter interese etnográfico como palleiras, adegas, cabazos, etc, e unha terceira liña fórmana as obras de corrección de impactos visuais”.
Segundo Fernando Suárez “o interesante de todas estas axudas é que terán un límite máximo en diñero de 6.000 euros e unha posibilidade de financiación de ata o 50%. Aquí o único que a xente ten que ter claro é que o prazo para facer as solicitudes correspondentes remata o vindeiro 30 de novembro e que serán tratadas por estricto orde de rexistro de entrada nos concellos. Todas aquelas persoas propietarias dalgún cabazo, dalgún caseto que queiran demoler porque estorba ou porque xa non ten uso, aqueles que queiran remozar con lousa, con pedra ou que queiran lucir un caseto que teñen de ladrillo desde hai 30 anos… ese tipo de cousas poden ter financiación. Os interesados poden dirixirse á oficina de rehabilitación do Concello para obter máis información, pero que lembren que o prazo é limitado, entramos 14 concellos e cando se acabe a partida non haberá máis prórrogas”.
O alcalde de Ribadeo dará charlas explicativas polas parroquias do concello sobre estas axudas. A primeira será o vindeiro 22 de outubro ás 20:30 horas en Vilaselán, en Piñeiro terá lugar o domingo 24 de outubro ás cinco da tarde. As charlas seguirán o 25 en Vilaframil ás 20:30 horas, o 26 no Círculo Habanero da Devesa ás 20 horas e en Cinxe ás 21:30 horas, o 27 de outubro será en Piñeira ás 21:00 horas, en Ove o 28 ás nove da noite, en Vilausende o venres 29 tamén ás nove da noite e en Rinlo o 31 de outubro á saída da misa. As charlas do alcalde continuarán o 2 de novembro en Cedofeita ás nove da noite, o día 3 en Couxela ás nove da noite, o 4 de novembro ás 20:30 horas en As Anzas e ás 21:30 horas en Vilela, o día 5 será en Covelas ás nove da noite, o 7 de novembro en Remourelle á saída da misa, o 8 en Arante ás 21 horas e rematan o 9 de novembro tamén ás nove da noite en Noceda.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
Durante tres días desfrutan dun programa intenso de actividades na natureza: montaxe e desmontaxe do campamento, surf en Esteiro, tiro con arco, xincana e diversos xogos. A iniciativa está promovida polas Concellerías de Xuventude e Deporte xunto coa Oficina de Información Xuvenil.
Olimpia López, supervisou hoxe en Cospeito un control da campaña de velocidade da DGT, que busca previr sinistros nun verán de maior tráfico. Lembrou que a velocidade inadecuada está presente no 22 % dos accidentes mortais e apelou á responsabilidade dos condutores: cada km/h conta para salvar vidas.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
Estiveron acompañados polas técnicas de xuventude Mónica López Sanjurjo e Silvia Rodríguez Barreiro, para gozar das diferentes piscinas e tobogáns deste parque acuático. A viaxe estivo organizada polas Concellerías de Xuventude e Deporte e pola Oficina de Información Xuvenil dentro do programa Verán a Tope en Xove 2026.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
O evento, organizado pola Asociación Cultural Xuvenil O Castelo reuniu a numerosos veciños e visitantes e celebrouse durante catro días. A programación incluíu actuacións musicais, actos relixiosos, xogos tradicionais e unha comitiva da camións, coches e motocicletas que percorreron todas as parroquias deste concello mariñán.
