Nota de prensa:
FERNANDO SUÁREZ PIDE COLABORACIÓN VECIÑAL PARA LOCALIZAR AO AUTOR OU AUTORES DO INCENDIO QUE SE PRODUCÍA O PASADO SÁBADO NA ZONA DA VILAVELLA. O REXEDOR ASEGURA QUE O LUME FOI INTENCIONADO E EXPLICA QUE NON FOI A MÁIS GRAZAS Á RÁPIDA ACTUACIÓN DE PROTECCIÓN CIVIL.
Ribadeo, 4 de outubro de 2010. O alcalde de Ribadeo, Fernando Suárez, pide colaboración veciñal para localizar ao autor ou autores do incendio que se producía o pasado sábado na Vilavella. O rexedor asegura que foi intencionado e explica que non foi a máis grazas á rápida actuación de Protección Civil.
Suárez Barcia referíase hoxe “ao que debería ser unha anécdota, pero lamentablemente non o é. Refírome a este pequeno incendio que padecemos aquí na Vilavella o sábado pasado, que queimou unha superficie de aproximadamente 2.500 metros cadrados desde a N-642 hacia o mar xustamente na zona onde o Concello hai uns anos expropiou os terreos para poñelos a disposición de Costas e facer esa magnífica obra de recuperación da Vilavella, de creación dun sendeiro peatonal, de recuperación dun muiño de mareas…”.
O alcalde subliña que “isto debera ser unha anécdota, pero o que me preocupa é que xa é a terceira ou cuarta vez que nos últimos tempos hai algún conato de incendio sempre pola mesma zona, ou ben do lado de enriba da estrada ou do lado de abaixo e sempre na beira da estrada. Eu non debo acusar a ninguén, non o podo facer porque non o sei, se o subera debería poñelo en coñecemento da Garda Civil ou da Policía, pero o que sí digo é que é manifestamente intencionado ese conato de incendio. Parece que alguén desde algún vehículo tira algún obxecto incendiario e ata o de agora non houbo problemas, sempre as respostas dos medios do extinción foron moi boas, de feito este mesmo sábado cando chegaron os da Xunta, que o fixeron moi ben, xa estaba todo controlado polo persoal municipal de Protección Civil e polas dúas motobombas. Ribadeo débese sentir orgulloso de ter dúas motobombas, sobre todo esta nova porque non hai outra en toda A Mariña, con todos os respectos para os demáis Concellos”.
Fernando Suárez considera que “debe haber algunha mente perigosa, algún insensato ou algunha persoa que non está nos seus cabales que ten intención de que esa zona arda, non sabemos por qué xa que a parte de abaixo é do Concello e a parte de arriba é privada, os conatos prodúcense a un lado e a outro da estrada N-642. O que quero é pedirlle á poboación é que si ten algunha sospeita que o fagan saber ou ben á Polícia Local ou á Garda Civil porque con esta xente non hai que baixar a guardia, o sábado non pasou nada, pero tal e como sopraba o vento coas rachas do sur tivemos a sorte de que fora cara o mar, pero si fose na parte de arriba podería arder moita máis zona. Quérolle pedir colaboración á poboación para que no momento no que vexan algo raro o comuniquen ás autoridades competentes”.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continou con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
