Nota de Prensa
O BNG instará ao pleno municipal a acordar a petición de consignación orzamentaria suficiente para acometer no 2011 o dragado da presa de Rúa
O BNG acusou ao alcalde de Cervo de ocultar aos veciños a negativa da Xunta a dragar a presa de Rúa que estaba prevista no proxecto de abastecemento de auga a Cervo e Burela
A falta de dragado reduce a súa capacidade e para abastecer aos dous concellos por gravidade e obrigará a acudir ao bombeo dende mais do previsto inicialmente
Os nacionalistas temen que o incumprimento deste compromiso vaia incrementar o prezo dos recibos de auga
Cervo, 29 de outubro de 2010. O BNG de Cervo acusou ao alcalde de Cervo de ocultar aos veciños a negativa da Xunta de Galiza a executar o dragado da presa de Rúa tal como estaba contemplado no proxecto redactado en 1999 para garantir o subministro de auga aos concellos de Cervo e Burela após a segregación deste último en 1995. Os nacionalistas lembran que esta obra entre outras era parte da compensación para manter servizos en ambos municipios logo da segregación. O dragado da presa permitiría abastecer en condicións normais aos dous municipios por gravidade e só en casos excepcionais se acudiría ao bombeo dende o embalse de Río Covo polo importante incremento no gasto enerxético que podería ter repercusións no prezo dos recibos.
Os nacionalistas piden un acordo plenario que garanta a execución do proxecto de abastecemento na súa totalidade.
O BNG pedirá ao pleno municipal un acordo mediante o cal se solicita a consignación nos orzamentos 2011 da Xunta de Galiza dunha partida económica suficiente para acometer o dragado da presa de Rúa tal como estaba previsto no proxecto inicial de abastecemento de auga aos concellos de Cervo e Burela, tal como xa foi aprobado polo pleno de Burela.
Villares prefire tapar os incumprimentos da Xunta que defender os intereses dos seus veciños e veciñas.
Os nacionalistas cervenses esixiron ao goberno municipal que se poña ao servizo dos seus veciños e non traten de tapar o incumprimento por parte do actual goberno Xunta de Galiza dunha parte fundamental do proxecto de abastecemento aos concellos de Cervo e Burela no que se incluía o dragado da presa de Rúa para gañar capacidade e calidade da auga, permitindo en condicións normais o abastecemento por gravidade aos dous concellos desde este punto para evitar os importantes custes de bombeo dende o embalse de Río Covo, aos que so excepcionalmente se acudiría en caso de seca. “Si antes era fundamental o dragado en Rúa para gañar calidade na auga e evitar sobrecustes de explotación, agora debería ser igual e si hai cambios Villares ten que dar explicacións”.
Non executar o dragado en Rúa pode repercutir no prezo dos recibos por consumo ao incrementarse os custe de explotación.
A negativa da Consellaría de Medio Ambiente a executar o dragado incluído no proxecto inicial débese á obriga de transportar os lodos acumulados en Rúa a un xestor autorizado ao non permitirse o seu depósito nun vertedoiro, tal como estaba previsto con anterioridade, o que incrementa o proxecto en 1,7 millóns de euros. “Para o BNG o proxecto inicial debe ser executado na súa totalidade xa que coa calidade e salubridade da auga non valen recortes orzamentarios, mais tampouco cando estes recortes poden repercutir directamente nos petos dos usuarios do servizo”, sinalou o portavoz municipal nacionalista, Xoán Estúa. Neste sentido Estúa recalcou que os maiores custes de explotación, aínda sen cuantificar, serán os de bombeo dende a captación da presa de Río Covo ao depósito da Senra, que no proxecto inicial estaba previsto so excepcionalmente e si se incrementa o resultado derivará nun aumento dos recibos por consumo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continúa con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
Finalizado o encontro, de carácter privado, o Cónsul asinou no Libro de Ouro da Deputación e a Presidenta fíxolle entrega dun agasallo institucional. Trala xuntanza Carmela López manifestou a súa satisfacción porque “traballamos para avanzar en novas vías de colaboración, e en posibles proxectos que serven para reforzar a relación entre a Deputación e o veciño país de Portugal”.
