Nota de prensa:
AS OBRAS DO SANEAMENTO DA SENRA PODERÁN ESTAR REMATADAS ANTES DO PRÓXIMO VERÁN
Cervo, 19 outubro de 2010.- O alcalde de Cervo, o popular Alfonso Villares, ven de confirmar que deron comezo as obras do novo saneamento para o burgo da Senra. Segundo indicou o rexedor, a principios da pasada semana tivo lugar o levantamento da acta de replanteo desta nova infraestrutura e os traballos que se están a facer nestes momentos marchan a bo ritmo. “Polo de agora xa se levan instaladas un bo número de canalizacións ao longo de todo o traxecto polo que discorrerá a nova rede de sumidoiros que dará servizo a este núcleo de poboación” indicou Villares, quen adiantou que as obras poderían estar finalizadas antes do vindeiro verán.
ACTUACIÓNS
O alcalde cervense lembrou que esta actuación ten un presuposto de 465.000 euros financiados ao 100% pola Xunta de Galicia a través dun convenio de colaboración técnico-financeira subscrito o pasado mes de abril entre o Concello e a Consellería de Medio Ambiente, Territorio e Infraestruturas.
As obras consisten na construción dunha rede separativa e dunha planta depuradora de augas residuais para este o núcleo de poboación e tamén para o lugar da Pena, na parroquia de San Román de Vilastrofe. As actuacións recollen a instalación de colectores por gravidade, formando unha rede separativa de 2.875 metros de colectores de PVC para levar as augas residuais da Senra ata a depuradora principal con capacidade para 300 habitantes. Esta depuradora tamén se proxecta para recibir as augas da localidade da Pena, que actualmente carece de saneamento.
Alfonso Villares salientou a boa disposición do Goberno autonómico para levar adiante esta obra “fundamental e esencial para o noso concello, xa que para o equipo de Goberno local é prioritario que todos os núcleos de poboación do noso municipio dispoñan de infraestruturas básicas. Nese senso van encamiñadas unha gran parte das nosas reivindicacións á Xunta de Galicia e pouco a pouco vanse materializando” sinalou.
O alcalde tamén quixo agradecer a boa colaboración dos veciños da Senra “porque dende o primeiro momento se brindaron para conseguir materializar estes traballos e agora están tamén colaborando para que a obra discorra coa máxima dilixencia”.
Tras unha parada nas Pontes para contemplar o lago e lembrar o pasado industrial da zona, o grupo visitou Pontedeume, onde repasou a historia da liñaxe dos Andrade e percorreu unha vila chea de patrimonio e vitalidade. Pola tarde, no mosteiro de Sobrado dos Monxes, os participantes apreciaron o legado da orde do Císter e do barroco galego, e escoitaron parte dunha mostra de música coral. A entidade agradeceu as explicacións de Enrique Campos, secretario da ACFL, así como as achegas de Celia Castro sobre arquitectura medieval e a vida cisterciense.
A conselleira do Medio Rural acompañada polo director de Turismo de Galicia, Xosé Merelles, asistiu este sábado á feira e festas das San Lucas.
A mostra inaugúrase o luns 19 de outubro ás 12.00 horas na Casa da Cultura, onde permanecerá aberta ao público ata o 19 de novembro. A iniciativa, promovida polo Concello, ofrece unha selección de obras nas que o artista explora a cor, a luz e a expresión contemporánea, consolidando a súa traxectoria dentro deste movemento artístico.
Da man da FCAM Ribagorda está a coñecer establecementos comerciais que cumpriron corenta anos de vida e outros que se achegan aos cen. A Federación de Comercio A Mariña aproveita esta estadía do coñecido xornalista para amosarlle as potencialidades turísticas da comarca. José Ribagorda visitou a Basílica de San Martiño en Foz e o Centro de Interpretación da Faba en Lourenzá. A súa viaxe pola Mariña seguirá hoxe e mañá.
O paseo polas rúas da vila xunto as Sanluqueiras e Sanluqueiros e o pregón de Luis Rego marcaron o arranque oficial das feiras e festas mindonienses, que chegan este ano a edición 870. A Vicepresidencia da Deputación de Lugo colabora de forma estable e continuada coa Asociación As San Lucas de Mondoñedo, cunha achega da área de Cultura que este ano -coincidindo coa 870 edición- incrementou dos 20.000 aos 30.000 euros.
As estudantes recibiron o galardón “Pizza Chef Emergente”, un recoñecemento que destaca o talento das novas promesas da gastronomía e que supón un importante logro para o centro educativo e para a formación profesional da comarca.
A cita será o luns 19 de outubro, ás 17:30 horas, cun punto de encontro no peirao de San Cibrao. Ademais, os diferentes edificios municipais iluminaranse de cor rosa para sensibilizar á poboación sobre a importancia da detección precoz, fundamental para mellorar o prognóstico e a supervivencia das pacientes que padecen esta enfermidade.
