Noa de Prensa
PATRIMONIO ENCARGOU UN INFORME INDEPENDENTE SOBRE A PONTE DE ARANTE ANTE A FALTA DE ARGUMENTOS TÉCNICOS DA DEPUTACIÓN QUE XUSTIFIQUEN O SEU DERRUBAMENTO
§ A Xunta xa recibiu este documento, solicitado a un técnico cualificado, e desbloqueará a obra “á maior brevidade” para que os veciños poidan facer uso deste paso
Lugo, 7 de outubro de 2010.- A delegada territorial da Xunta, Raquel Arias, comunicou hoxe que a Dirección Xeral de Patrimonio tivo que recorrer a un informe técnico independente para coñecer as posibilidades de restaurar a Ponte de Arante, en Ribadeo, dado que a Deputación insistía no seu derrubamento sen xustificar dabondo tal solución.
A Dirección Xeral de Patrimonio resolverá á maior brevidade posible, unha vez que estude os argumentos a favor e en contra de substituír a actual estrutura por outra nova.
A delegada lembra que a Dirección Xeral de Patrimonio obrou en todo momento atendendo só a consideracións técnicas e pensando na mellor solución para esta infraestrutura, “todo o contrario do que fixo a Deputación, que en vez de contestar aos requirimentos da Xunta a través de informes, limitouse a protestar a través dos medios”.
A Xunta, resume Arias, “só require seriedade e rapidez á Deputación para que esta infraestrutura estea en perfectas condicións de uso canto antes”. Fronte a este actitude, “a Deputación opta por suscitar esta polémica sen razón ningunha, e insiste en demostrar desprezo polo noso patrimonio ao resistirse a admitir os reparos da Dirección Xeral”.
Arias aclara que a Deputación terxiversa ao afirmar que entregaron en xullo un informe xustificando o derrubamento da Ponte de Arante, en Ribadeo, cando o que achegou nesas datas foi a primeira –e única polo de agora- proposta de actuación sobre a infraestrutura, que deu lugar precisamente a que Patrimonio esixise informes técnicos que xustificaran esa solución.
Segundo os datos que obran na Dirección Xeral de Patrimonio, a Subdirección Xeral de Protección do Patrimonio Cultural -á vista do proxecto presentado- resolveu o 30 de xullo de 2010 “solicitar á Deputación Provincial de Lugo a xustificación da necesidade de demolición da ponte existente, xa que se considera que, de ser posible, é máis axustado conservar a estrutura de fábrica actual, reforzándoa”.
A Deputación contesta o 10 de agosto cun escrito no que insiste na súa proposta, carente de argumentos técnicos e que resulta claramente insuficiente para apoiar a solución do derrubamento, á vista do cal Patrimonio reitera a necesidade de razoar a proposta.
Paralelamente, a Dirección Xeral de Patrimonio encargou un informe a un técnico independente, emitido hai apenas unha semana e que conclúe “reafirmando a posibilidade que ten a ponte para ser restaurada, sen necesidade de construír outra ponte nova que estea fóra da escala do lugar e do entorno”.
Explica o informe que a ponte “ten o valor ambiental e paisaxístico de estar adaptado ao lugar, fronte á falta de adaptación da nova ponte proxectada” que propón “unha solución desacertada, apoiado en estribos de formigón e con vigas prefabricadas”. “Buscar alternativas a este tipo de solucións –engade- que sirvan de exemplo a outros casos, convértese nunha necesidade”
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
