Nota de prensa
Valioso punto do Ribadeo ante o imbatido Cidade de Ourense (0-0)
Como todo enfrontamento sen goles, de eslamiado e aburrido pódese cualificar o encontro do sábado no municipal ribadense entre o Panificadora del Eo Ribadeo FSF e o Cidade de Ourense. Con todo, as ribadenses foron as máis beneficiadas ao conseguir manter a súa portería a cero e sumar un punto na súa necesitada conta, ante un todopoderoso Cidade de Ourense, segundo clasificado que aínda non coñece a derrota.
O partido foi dun claro dominio visitante, sendo dono do balón, pero unha vez máis, as ribadenses incomodaron e obstaculizaron o xogo das ourensás coa súa tónica de ceder terreo ao rival esperándoo en media cancha e cunha defensa presionante a partir desa liña. No transcurso do encontro, as ribadenses tutearon as das Burgas e o partido entrou nunha onda de ocasións en ambas as porterías, que en ningún momento chegaron a materializarse.
A lucense Arancha Arias foi a nova cara nas filas mariñás como última incorporación. Fichada a semana pasada, é unha xogadora con experiencia que sen dúbida achegará estabilidade ao equipo.
Próxima xornada. O Panificadora del Eo é o cuarto equipo en canto a número de goles encaixados, polo que as súas xogadoras deberán manter un alto grao de concentración o vindeiro sábado na pista do líder, Leis Pontevedra FS (multiusos A Xunqueira, 16.30 horas), que ata o momento só coñece a vitoria.
Provincial masculino. O Ribadeo FS volveu gañar a domicilio, esta vez en Castroverde por un apertado 4 a 5. Con estes 3 novos puntos e a derrota do Becerreá, suman 10 os mariñáns e ascenden á terceira praza. O Navia FS será o próximo rival dos ribadenses, que chegará desde a novena praza.
Ficha técnica
Panificadora del Eo-Ribadeo FS: Carla, Eva, Elvira, María e Fátima, cinco inicial; tamén xogaron Iria, Yoli, Arancha, Marta e Vanessa.
Cidade de Ourense: Bárbara, Olga, Lía, Milagros, María, cinco inicial; tamén xogaron Cristina, Tere, Greta, Sabela e Dana.
Tarxetas amarelas: Fátima polo Ribadeo FSF e Greta polo Cidade de Ourense
Árbitros: Aparicio Carrasco e Antón Menéndez (anotador), da delegación lucense
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continúa con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
Finalizado o encontro, de carácter privado, o Cónsul asinou no Libro de Ouro da Deputación e a Presidenta fíxolle entrega dun agasallo institucional. Trala xuntanza Carmela López manifestou a súa satisfacción porque “traballamos para avanzar en novas vías de colaboración, e en posibles proxectos que serven para reforzar a relación entre a Deputación e o veciño país de Portugal”.
