Nota de prensa:
A XUNTA E AGESTIC ACHEGAN AS CLAVES DO NEGOCIO DIXITAL AOS EMPRESARIOS DE CINCO POLÍGONOS INDUSTRIAIS DA PROVINCIA
* A delegada territorial, Raquel Arias, subliñou a importancia de “estimular unha cultura da innovación” e facer ver ás pequenas e medianas empresas que as novas tecnoloxías resultan “imprescindibles para ser competitivos”
Lugo, 9 de novembro de 2010.- A delegada territorial da Xunta, Raquel Arias, acompañada polo presidente da Asociación Galega de Empresas TIC (Agestic), José María López Bourio, presentou hoxe a campaña Difundetic Pemes, que se desenvolverá en 20 polígonos industriais de Galicia, entre eles os de Foz, Begonte, Meira, Chantada e Sarria.
A actividade, que chegará a máis de 100 empresarios lucenses, baséase nun servizo móbil de demostración tecnolóxica, no que un técnico consultor impartirá coñecementos básicos sobre o DNI electrónico, a factura electrónica e a firma dixital, para qué serven na súa xestión empresarial e, en consecuencia, coma poden rendibilizar un proceso de cambio nas súas tarefas diarias.
É un servizo móbil de cercanía, baixo o concepto de “cara a cara”, evitando desprazamentos dos participantes. Está habilitado para traballar con grupos reducidos (ata 8 persoas), e equipado con ordenadores.
A delegada territorial sinalou a importancia de “estimular unha cultura da innovación e facer ver ás Pemes que as novas tecnoloxías da información e da comunicación, o software e as aplicacións de xestión, responden xa a un concepto de servizo esencial e resultan imprescindibles para ser competitivos”.
Arias afirmou que esta campaña redundará “na mellora dos niveis de penetración dos modernos modelos de xestión nas pequenas e medianas empresas”, que tradicionalmente teñen máis complicado o acceso ás novas vías de comunicación ao contar con poucos medios “ou estar alonxadas dos lugares onde se imparten con maior facilidade programas formativos”.
Este programa enmárcase dentro das liñas de actuación da Secretaría Xeral de Modernización para impulsar a difusión da sociedade da información. Neste sentido, Arias lembrou que este organismo financia con preto de 1 millón de euros (970.727 euros) varios proxectos orientados a fomentar o emprego das TIC.
Sen dúbida o proxecto máis ambicioso é o Plan de Banda Larga de Galicia, para o que se destinan só en Lugo arredor de 13 millóns de euros nos orzamentos do 2011, e que comezou a despregarse precisamente pola Ribeira Sacra.
A día de hoxe, segundo lembrou a delegada, Retegal xa ten realizado as labores de construción e adecuación das 17 torres que porá a disposición do operador beneficiario e está realizando o despregamento da rede de fibra óptica na provincia de Lugo.
Estímase que a finais de novembro se inicie a comercialización en 9 concellos do sur de Lugo, o que suporá que xa máis 21.000 habitantes poidan acceder a finais de novembro a un servizo de banda larga de calidade. E antes da fin de 2010, posibilitarase o acceso á banda larga a través de redes sen fíos a máis de 34.000 habitantes de 1.800 núcleos de poboación do sur de Lugo.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
