Nota de prensa
FERNANDO SUÁREZ DENUNCIA QUE A XUNTA ESTÁ A ENVIAR REQUERIMENTOS AOS PAIS E NAIS DOS NENOS DA GARDERÍA PARA QUE XUSTIFIQUEN QUE TRABALLAN DURANTE O NADAL E ASÍ TER DEREITO A LEVALOS AO CENTRO NESAS DATAS. O REXEDOR DI QUE A MEDIDA É ILEGAL E PIDE A INMEDIATA RECTIFICACIÓN DE TRABALLO E BENESTAR.
Ribadeo, 12 de novembro de 2010. O alcalde de Ribadeo denuncia que a Xunta está a enviar requerimentos aos pais e nais dos nenos da gardería co fin de que xustifiquen que traballan durante o nadal para así ter dereito a levar aos meniños ao centro nesas datas. Fernando Suárez di que isto nunca pasou en Ribadeo e pide a inmediata rectificación da conselleira de Traballo e Benestar.
O rexedor aludiu “ao aluvión de queixas que me están a chegar dos pais e nais dos nenos que van á escola infantil de Ribadeo, que é titularidade da Xunta. Nunca tal pasou na nosa vila e confío en que recapaciten sobre o que están a facer”. Suárez Barcia explicou que “desde a Xunta se están a enviar unha serie de requerimentos aos pais para que presenten xustificantes de traballo, de que eles seguen a traballar durante o nadal para teren dereito a continuar levando os nenos á gardería durante esas datas”.
O alcalde considera que “se trata de algo ilegal, iso non o contempla a orde de 11 de marzo de 2010 que regula o acceso ás escolas infantís. Aí dise que ten que haber un mínimo de 15 nenos de 0 a 3 anos para que se poidan manter abertos en períodos especiais estes centros e aquí estánlles a dicir que ten que haber un mínimo do 25% e esas contas para nada son así. E o que é máis grave, os pais e nais teñen que pagar a mensualidade enteira e aínda encima lles están a dicir que senon hai un mínimo de xente van pechar a escola durante o nadal”.
Suárez Barcia engadiu que “todo o mundo sabe que a situación económica non é boa, pero non é de recibo que nun servizo tan importante de conciliación da vida laboral e familiar saian con este tipo de supostos recortes, supoño que será para aforrar luz ou calefacción porque a nómina das traballadoras terán que pagala igual. Non nos parece adecuado”.
O rexedor ribadense manifestou que “xa está ben que teñen paralizada a nova escola infantil de 0 a 3 anos. Hai poucos días que o responsable na materia tiña na cabeza facer esta obra, pero díxome que tiña poucos cartos e que entón quedaba aprazada. Xa está ben, porque hai dous anos que o Concello cedeu os terreos para facer esta nova escola infantil. E agora é inaudito que os pais e nais que teñen a sorte de levar aos nenos a esta gardería teñan que buscar xustificación para algo que na orde reguladora non está contemplado. Paréceme indignante e esixo unha rectificación inmediata á titular da Consellería de Traballo de Benestar porque esto nunca pasou en Ribadeo”.
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
