Nota de prensa
O BNG DE FOZ SOLICITA A DEVOLUCIÓN DO CANON DIXITAL ABONADO POLO CONCELLO AO SGAE
“Segundo a sentenza do Tribunal Europeo, o canon estábase cobrando inxustamente”
Foz, 20 de novembro de 2010.- O BNG leva unha moción ao próximo pleno co fin de reclamar a devolución do canon dixital xa abonado ás empresas proveedoras e ás entidades que o xestionan, unha vez que se cuantifiquen as cantidades totais abonadas polo Concello de Foz.
A Orde PRE/1743/2008, de 18 de xuño, estabeleceu a relación de equipos, aparellos electrónicos e outros soportes materiais suxeitos ao pagamento da compensación equitativa por copia privada, as cantidades aplicábeis a cada un deles e a distribución entre as diferentes modalidades de reprodución. Compensación que a cidadanía coñece como “canon dixital”, de pagamento obrigado para todos os usuarios e usuarias dos devanditos equipos e soportes electrónicos.
No pasado mes de outubro a Sala Terceira do Tribunal de Xustiza da Unión Europea ditou sentencia firme a respecto do canon dixital, fallando que “a aplicación indiscriminada do canon por copia privada, en particular en relación cos equipos, aparatos e soportes de reprodución dixital que non se puxeran a disposición de usuarios e usuarias privados e que estean manifestamente reservados a usos distintos á realización de copias privadas, non resulta conforme á Directiva 2001/29”; isto é, que o chamado canon dixital non pode cobrarse ás administracións públicas.
O Concello de Foz utiliza un importante número de equipos e dispositivos afectados todos eles polo canon dixital e que se utilizan exclusivamente para as funcións relacionadas coas actividades que lle son propias e cos contidos xerados polo propio Concello. Actividades que non teñen nada que ver cos contidos suxeitos a dereitos de propiedade intelectual.
Para o BNG e tendo en conta o escenario actual, cunha situación económica precaria dos concellos, resulta intolerable que por enriba fosen penalizados con este canon totalmente improcedente e inxusto e a favor dunhas entidades de xestión de dereitos de autor (como a SGAE) moi lonxe de ser transparentes e cuns métodos de actuación extensivamente cuestionados.
En agarda da transposición á lexislación do Estado da sentenza do Tribunal de Xustiza da Unión Europea o BNG solicita para aprobar en Pleno as seguintes propostas:
1. Proceder á cuantificación das cantidades abonadas en concepto de canon dixital correspondente aos soportes e equipos adquiridos polo Concello, empresas municipais e outras entidades dependentes dende a entrada en vigor da Orde PRE/1743/2008 até a transposición á lexislación estatal da sentenza do Tribunal de Xustiza Europeo.
2. Reclamar, ás empresas provedores e ás entidades de xestión de dereitos de propiedade intelectual, a devolución do canon dixital xa abonado resultante da citada cuantificación.
3. Instar á Xunta de Galiza a que actúe como referente para outras administracións e empresas afectadas e, xa que logo, poña en marcha os mecanismos necesarios para reclamarlle ás entidades de xestión de dereitos da propiedade intelectual a devolución das cantidades abonadas pola Administración galega en concepto do canon dixital.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continou con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
