Nota de prensa
O BNG DE FOZ SOLICITA QUE O PP INCLÚA NOS ORZAMENTOS DO 2011 OBRAS PRIORITARIAS PARA O CONCELLO
A maioría das inversións solicitadas son de servizos sociais como a Residencia, o servizo de urxencias ou a ampliación da escola infantil
Foz, a 5 de novembro de 2010.- O BNG de Foz acaba de remitir ao seu Grupo Parlamentar as emendas aos Orzamentos da Xunta para o ano 2011 para que se inclúan nos mesmos a realización de obras totalmente prioritarias para o Concello. A maioría destas obras son de carácter social e xa estaban comprometidas pola Xunta en distintas lexislaturas.
A primeira das emendas fai referencia á construcción dunha Residencia dotada de Centro de Día, xustificada entre outras razóns pola gran demanda de prazas existente na vila, por ser Foz o único concello sen este servizo, por estar comprometida polo anterior goberno da Xunta e por estar ademais avalada esta petición por todos os grupos da corporación municipal. A partida orzamentaria coa que se dota esta proposta sería de 800.000 euros coa previsión de comezar as obras no próximo ano e telas rematadas no horizonte de 2013.
As outras dúas emendas prioritarias que o BNG presenta están ligadas ás melloras sanitarias. Unha delas sería dotar ao Centro de Saúde co servizo de urxencias que a Foz se lle negou no seu momento por motivos estrictamente partidistas. O servizo de urxencias a parte de ser unha demanda veciñal reiterada no tempo aparécese como un servizo necesario para unha poboación que está a altura de outras localidades que si o teñen como Ribadeo, Viveiro ou Mondoñedo. Coa dotación deste servizo de urxencias conseguiríase desconxestionar o PAC de Burela, cada vez máis masificado e mellora a asistencia sanitaria na Mariña. A outra das emendas vai destinada a ratificar, a través da asignación de partidas, o servizo de ambulancia medicalizada que ten a súa base en Foz, dado que non aparece reflectida nin na Memoria nin nos propios Orzamentos. A dotación orzamentaria prevista destinada a estes servizos fan un total de 750.000 euros.
Así mesmo, o BNG propón unha emenda que ten que ver cos servizos de benestar e que acaba de ser aprobada por todos os grupos municipais no último pleno: a ampliación da Escola Infantil e que consiste en acondicionar o piso superior do edificio e pechar a terraza. Estas obras teñen un custe aproximado de 200.000 € e significaría poder darlle este servizo educativo e asistencial ás 26 familias que están en lista de agarda.
Finalmente, tamén se inclúen outras partidas que aínda que menores significarían a creación de emprego e impulsar o atractivo turístico e comercial de Foz. Entre elas está a creación dun Centro Comercial Aberto, unha iniciativa avalada pola ACIA de Foz pero que non conta coa vontade política da Xunta ao eliminar as axudas a estes programas. Para este fin o BNG propón achegar a cantidade de 100.000 euros. E outra das emendas é poñer en marcha o Centro de Interpretación do Románico na Casa Reitoral de San Martiño de Mondoñedo, obra que está xa rematada e que só falta dotala de persoal e mobiliario. A emenda vai acompañada dunha partida de outros 100.000 euros.
Como emenda derradeira está a construcción de 50 vivendas de protección pública cunha dotación de 300.000 euros, para facilitar o acceso á vivenda de moitas familias e xoves que non teñen esta posibilidade ademais de crear emprego nun sector moi castigado pola crise económica.
En definitiva, o BNG presenta unhas emendas que en vez de recortar en servizos públicos e sociais inviste neles como única alternativa de manter e ampliar o estado de benestar e de crear postos de traballo no noso Concello. Esperamos sinceiramente que a maioría destas propostas vaian adiante por ser, entre outras razóns, moi necesarias e estar avaladas por todos os partidos, incluído o PP.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continúa con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
Finalizado o encontro, de carácter privado, o Cónsul asinou no Libro de Ouro da Deputación e a Presidenta fíxolle entrega dun agasallo institucional. Trala xuntanza Carmela López manifestou a súa satisfacción porque “traballamos para avanzar en novas vías de colaboración, e en posibles proxectos que serven para reforzar a relación entre a Deputación e o veciño país de Portugal”.
