Nota e prensa
O BURELA FSF VOLVE Á COMPETICIÓN ANTE O NOVEL ORVINA
O Burela FSF Pescados Rubén regresa á competición este sábado na pista do CD Orvina KE, conxunto que loita por adaptarse á categoría na súa primeira tempada na elite, dende os postos baixos. O pavillón pamplonés Ezkaba acollerá a oitava xornada entre navarras e burelás a partir das 19.30 horas.
Tras a semana de descanso da División de Honra, o cadro laranxa encara esta cita con novos ánimos, recuperado da carga física, para non desprenderse do ecuador clasificatorio e asentarse nas prazas de Copa; as pupilas de Javier Pardeiro ostentan a sétima praza, con 10 puntos, empatadas co sexto, Cajasur Córdoba, e o oitavo, Natudelia.com Zaragoza. O Orvina, pola contra, é penúltimo; un só punto o distancia do farol vermello, o Campillos (3).
Nesta xornada, as burelistas encontraranse cun rival xa coñecido, co que xa compartiron a División de Prata hai dúas tempadas, cuxa forza, ata o momento, reside na casa. Os 4 puntos das pamplonesas son froito dun empate, ante o UCAM Murcia (2-2), e unha vitoria, ante o Zaragoza (4-3); na última cita perderon por un contundente 5-1 en Valladolid.
Derbi galego. Vista Alegre acollerá o segundo derbi galego da tempada na décimo terceira xornada, ante o Cidade das Burgas, o 13 de novembro.
As estudantes recibiron o galardón “Pizza Chef Emergente”, un recoñecemento que destaca o talento das novas promesas da gastronomía e que supón un importante logro para o centro educativo e para a formación profesional da comarca.
O percorrido comeza nun lugar simbólico: as pontes sobre o río Sor, que unen as provincias da Coruña e Lugo e marcan un dos vértices do territorio lucense. Con esta iniciativa, Guido Guía propón unha travesía pola diversidade paisaxística, histórica e humana da provincia, destacando a riqueza dos seus espazos naturais, monumentos e comunidades.
O delegado subliñou o importante papel que realiza o tecido social para conseguir melloras en beneficio da veciñanza e dinamizar social e culturalmente a localidade. Neste sentido, lembrou que a Xunta impulsa o movemento asociativo a través de apoios para o acondicionamento dos seus locais ou para o desenvolvemento de actividades.
A cita será o luns 19 de outubro, ás 17:30 horas, cun punto de encontro no peirao de San Cibrao. Ademais, os diferentes edificios municipais iluminaranse de cor rosa para sensibilizar á poboación sobre a importancia da detección precoz, fundamental para mellorar o prognóstico e a supervivencia das pacientes que padecen esta enfermidade.
O domingo 20 de decembro a Praza César Chavarría acollerá de 11:00 a 20:00 horas unha nova edición do Mercadiño de Nadal organizado polo Concello de Lourenzá, “unha cita para desfrutar do ambiente destas datas e compartir unha xornada especial na nosa vila”, anuncia a alcaldesa, Rocío López. O prazo de inscrición para instalar cun posto xa está aberto e a participación é totalmente gratuíta. As solicitudes poden facerse ata o 16 de decembro nas oficinas do Concello de Lourenzá ou a través do teléfono 982.121.006.
Durante 45 minutos, tres malabaristas —Pablo Reboleiro, Aitor Garuz e Santiago Montero— mergúllanse nun caos divertido onde ninguén manda e todo flúe entre xogos de poder, equilibrios imposibles e humor. A obra amosa como, no mundo dos malabares, romper os patróns establecidos pode levar a descubrir que a verdadeira maxia está en aprender a xogar xuntos.
No encontro, abordáronse temas como a posibilidade de colaborar na mellora da formación dos traballadores, destacando a importancia que ten ese aspecto neste sector estratéxico para Galicia. Tamén se trocaron puntos de vista relativos ás condicións laborais dos profesionais do mar.
