Nota de prensa:
A Confederación Intersindical Galega non asinou o novo ERE de Sargadelos
O venres ás 15:30 horas tivo lugar o encontro entre a Dirección da empresa e o Comité de Empresa na Fábrica de Sargadelos en Cervo para negociar o novo ERE temporal de reducción de xornada. A Dirección da empresa fixo entrega neste acto da documentación pertinente. As condicións propostas para este novo ERE, isto é, duración de 1 ano, redución do 20% da xornada anual e nº de afectados (93) xa foran anticipadas pola Dirección e aceptadas polo conxunto dos traballadores en asemblea celebrada o 17 de novembro.
Para a CIG o ERE de suspensión temporal é a mellor opción, e de feito recordóuselle á Dirección da Empresa que a proposta alternativa dos sindicatos ante o ERE de extinción era unha redución de plantilla mediante xubilacións anticipadas e unha redución de xornada para o resto do persoal. A CIG reiterou a súa petición de que fosen readmitidas as oito persoas que foron despedidas en aplicación do ERE de Extinción que vai quedar en suspenso. Recalcou que seguirá a defender esta postura en todos os ámbitos, pois é inxusto que sufran as consecuencias dun ERE que resulta moi cuestionable como se demostra nas argumentacións do recurso de alzada contra o mesmo presentado pola CIG. A empresa non debería esperar a que dende a administración se lle obrigue a readmitir a esas persoas, debería tomar a iniciativa voluntariamente pois o mais xusto é que o esforzo pola viabilidade da empresa se reparta entre toda a plantilla por igual e non se lle cargue a maior parte ás oito compañeiras e compañeiros despedidas.
As condicións do novo ERE foron ratificadas na asemblea que se celebrou as 18h. tras finalizar a reunión coa Dirección. Posteriormente, ás 19 h., reuniuse novamente a Dirección co Comité para redactar a acta de peche do período de consultas. A CIG, na súa intervención, solicitou que a acta recollese a nosa postura a respecto das readmisións e que se nos dese un prazo de 48h para poder revisar a documentación entregada esa mesma tarde pola Dirección. Tanto Dirección coma os outros sindicatos presentes no Comité negáronse a concedernos esas peticións, motivo polo cal vímonos obrigados a non asinar a acta. A actitude dos outros sindicatos non nos sorprendeu excesivamente pois é habitual que teñan máis presa por pechar as negociacións que a propia Dirección, e en canto á readmisión dos despedidos para eles é un tema “superado”. De feito xa non participan das concentracións dos xoves nas que pedimos a readmisión e por se quedaba algunha dubida, tiveron a “xentileza” de pedirlle á empresa para os despedidos unha figuriña como se lles da aos que se xubilan. Sen comentarios. Pero, en canto pospoñer a sinatura, non acabamos de entender esta decisión, pois non existe unha urxencia tal que impida ese mínimo aprazamento (o ERE inicia a súa aplicación en xaneiro do 2011). Consideramos que sería unha irresponsabilidade pola nosa banda asinar o peche deste período negociador renunciando á nosa obriga de analizar os centos de folios da documentación aportada horas antes pola Dirección.
Foi para nos a constatación de que se antepoñen certos intereses sobre o que debería ser o primordial, e que se deixou escapar, e xa van moitas, outra oportunidade de avanzar xuntos na busqueda de solucións que despexen o futuro da empresa e dos seus empregados.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
