Nota de prensa
O BNG PIDE EXPLICACIÓNS AO ALCALDE POR CERTIFICAR E RECEPCIONAR O REMATE DUNHAS OBRAS INICIADAS NO MES DE AGOSTO E PARADAS DENDE SETEMBRO
O alcalde deu por rematada unha obra en Río Covo derivada de un convenio co IGVS deixándoa sen facer e con todos os refugallos amontoados na rúa
O goberno municipal xoga con lume certificando o remate de obras sen finalizar para cobrar as subvencións
Cervo, 30 de decembro de 2010. O BNG denunciou o abandono por parte do concello de Cervo dunha obra a medio facer na Urbanización Río Covo deixando os refugallos amontoados na rúa e co proxecto de execución parado dende o mes de setembro, a pesar do cal foi certificado o seu remate e recepcionada oficialmente, remitindo o 22 de decembro a documentación ao Instituto Galego da Vivenda e Solo para xustificar o convenio por importe de 106.246 euros asinado para o seu financiamento. Os nacionalistas denuncian que polo medio quedan prexudicados os residentes entre as rúas once e trece da urbanización que quedan sen as obras de accesibilidade executadas e coa porta da casa chea de entullos e restos de demolición. Os nacionalistas ademais acusan ao alcalde de xogar con lume porque xa sería a segunda vez que certifica o remate de obras inacabadas para cobrar subvencións.
Convenios que non se cumpren e obras a medio facer que mellor foi non empezar.
O pasado 21 de abril o alcalde de Cervo asinaba un convenio co Instituto Galego da Vivenda e Solo(IGVS) mediante o cal o concello de Cervo renunciaba á titularidade dunha vivenda de promoción pública á que tiña dereito de acordo co artigo 63.3 do Decreto 257/2007 de Réxime Xurídico de Vivendas de Promoción Pública a cambio do financiamento por importe de 106.246,96 euros de diferentes actuacións no concello de Cervo, “entre elas obras de mellora de accesibilidade e supresión de barreiras arquitectónicas na travesía entre as rúas once e trece da Urbanización Río Covo” . Durante o pasado mes de agosto daban inicio estas obras coa demolición de xardineiras e accesos no referido lugar, paralizándose no mes de setembro sen que os operarios volveran a continualas, e deixando a travesía con todos os entullos de obra no mesmo lugar e coas obras sen rematar a pesar da insistencia dos veciños da zona.
Danos físicos por falta de iluminación e travesía intransitábel pola acumulación de entullos e fochancas.
Os nacionalistas denuncian a desastrosa situación na que deixaron esta travesía, con entullos acumulados, fochancas e ausencia de iluminación que “xa causaron algún accidente a residentes na zona”, o portavoz municipal nacionalista Xoán Estúa, acusou ao goberno municipal cervense “de ser o responsábel último de calquera accidente que suceda e esixiu o remate inmediato destas obras que para deixalas como están mellor non ter empezado”. O nacionalista lembrou que “no proxecto de execución non só estaba a execución das obras, tamén a retirada do entullo e nin unha cousa nin outra sen ten feito”.
Cos documentos na mao o sucedido con este proxecto e de xulgado de guarda.
Os nacionalistas advirten que á vista da documentación onde figura o convenio asinado entre o alcalde de Cervo e o IGVS, “cos seus condicionantes” e a xustificación emitida e asinada polo alcalde e outros que recolle: “as certificacións un, dous e tres e definitiva”, “a recepción da obra” onde se “certifica a efectiva execución da obra en consonancia co proxecto básico”; e evidente vista a situación na que quedou a travesía entre as rúas once e trece da Urbanización Río Covo, “que non se cumpre o convenio e hai falsidade tanto nas certificacións emitidas como na acta de recepción da obra”. Estúa di que “en canto a este tipo de falsidades en Cervo chove sobre mollado, xa tivemos outro caso igual con un camiño en Espiñeirido e parece que non se aprende”.
Non queremos xudicializar a vida política pero esixiranse ao alcalde explicacións e o remate inmediato das obras
Aínda así, “os nacionalistas non son partidarios de xudicializar a vida política e limitaranse a pedir explicacións pormenorizadas sobre este asunto” e pedir ao goberno local que busque os recursos necesarios para acometer o remate destas obras no prazo mais breve posíbel.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
