Nota de prensa
PERSOAL DA XUNTA ULTIMA OS TRABALLOS DE LIMPEZA DA LU-862 AO SEU PASO POR VIVEIRO PARA NORMALIZAR A CIRCULACIÓN ESTA TARDE
* A delegada territorial, Raquel Arias, comprobou in situ na mañá de hoxe os traballos levados a cabo para regularizar o tránsito tralos desprendementos acontecidos nas últimas horas por mor das fortes choivas na zona
Viveiro, 23 de decembro de 2010.- Persoal da Consellería de Medio Ambiente, Territorio e Infraestruturas traballa dende a tarde de onte para normalizar o estado da estrada LU-862 tralos dous desprendementos que se produciron en sendos puntos da vía ao seu paso por Viveiro. A estrada permanece aberta ao tráfico, dado que os derrubamentos só obrigaron a peches parciais, que durante a xornada de hoxe afectaron a un dos carrís da estrada.
Neste momento a calzada está libre de material, e ao longo da tarde está previsto rematar coas labores de limpeza e retirada de escombros da cuneta para deixar a vía en perfecto estado e os dous carrís dos que dispón a carretera en uso.
A delegada territorial da Xunta, Raquel Arias, desprazouse ata a localidade de Viveiro para comprobar in situ o estado da vía LU-862 (Ferrol-San Cibrao) despois dos desprendementos ocorridos nas últimas horas a causa das fortes choivas.
O primeiro dos desprendementos ocorreu na tarde de onte no punto quilométrico 92, preto do Alto do Cruceiro. Foi o de maior incidencia, xa que impediu a circulación durante unhas horas. O persoal de conservación de estradas da Xunta de Galicia respondeu con prontitude á emerxencia, logrando restablecer a normalidade na calzada xa de madrugada.
En torno á 1.30 horas da madrugada desprazáronse a un novo punto conflitivo, ao ter coñecemento a Consellería de que tivera lugar outro derrubamento na mesma estrada, neste caso preto da saída da localidade de Viveiro, na marxe dereita da vía.
Nesta ocasión non foi preciso impedir a circulación de vehículos, xa que en todo momento permaneceu aberto un dos dous carrís. No primeiro momento os operarios retiraron os escombros da calzada, labor que remataron a primeira hora da madrugada, retomando esta mañá os traballos de limpeza nas marxes da estrada.
Raquel Arias subliñou “a dilixencia coa que actuaron os servizos da consellería”, adoptando as medidas de seguridade precisas para o tráfico e restablecendo a normalidade en apenas unhas horas.
A representación terá lugar este sábado día 18, ás 19:30 horas, no local social da Asociación de Veciños de Marzán, un dos destinos habituais nas xiras anuais da compañía. O Centiño mantén así a tradición de visitar este espazo, onde agarda compartir co público unha tarde divertida e chea de humor. A agrupación teatral continúa así coa difusión da súa nova obra, que segue a percorrer diferentes escenarios da comarca.
Dezaoito locais hostaleiros de Ribadeo, Rinlo e Vilaframil ofrecerán diversas preparacións ata o vindeiro domingo: en escabeche, en salpicón, en empanada, ao allo, á prancha, en albóndega, etc… Todas as propostas poden consultarse nas redes sociais de Acisa Ribadeo, que agradece “unha vez máis o apoio da OPP do Porto de Burela, que nos doou 90 quilos de cabala para estas xornadas, produto que entregamos de xeito gratuíto aos locais participantes. Achegámoslles así unha parte do peixe que empregarán nesta nova cita gastronómica na que tamén colabora o Concello de Ribadeo”. Ata o porto, ao restaurante Marinero, se achegaron este mediodía o director territorial da Consellería de Mar, Alexandre Piñeiro, as concelleiras ribadenses Montse Seijo, Elena Sierra e Begoña Sanjurjo, a presidenta de Acisa, Carmen Cruzado, o xerente do colectivo empresarial, Jesús Pérez, e o técnico de Acisa, Jorge Fernández, que puideron degustar as elaboracións realizadas por este establecemento hostaleiro.
Durante a xornada Lionel compartirá a súa experiencia no mundo da escrita, dando a coñecer os seus procesos creativos e as temáticas que caracterizan os seus libros. O acto incluirá un coloquio participativo cos asistentes do club onde poderán preguntar e intercambiar opinións co autor sobre o libro lido “A raíña das velutinas”.
O sábado terá lugar no Casino o III Showcooking, con cociña en directo e maridaxe de viños. O público poderá votar os seus pinchos favoritos e participar no sorteo dunha noite no hotel Marqués de Riscal. A entrega de premios será o luns 20 ás 19:00 h. O Concello e Destino Navia animan a veciños e visitantes a gozar desta cita gastronómica.
Haberá degustación diaria de ostras na carpa do porto. Concertos, showcookings, visitas guiadas e actividades mariñeiras. Lancha pola ría, exposición de maquetas e concurso fotográfico #somoslasostra2026, ademais propostas especiais en Acueo, La Casilla e Restaurante Peñalba.
A etapa, cun percorrido duns 150 quilómetros, partiu arredor das 11:30 horas e rematou en Barreiros, atravesando concellos como Xermade, Muras, Viveiro ou Foz. A proba reúne a equipos do ciclismo profesional internacional e sitúa a provincia de Lugo como escenario dunha das citas deportivas máis destacadas do calendario. O Goberno colabora no desenvolvemento da carreira a través das Forzas e Corpos de Seguridade do Estado, que velan polo correcto desenvolvemento da proba e pola seguridade de participantes e afeccionados.
As persoas interesadas poden anotarse ata o 24 de abril na Casa do Concello (Cervo) ou na Casa da Cultura (San Cibrao). A actividade está dirixida a persoas pensionistas empadroadas no municipio. Trátase dunha xornada pensada para compartir, celebrar e desfrutar en comunidade.
