Nota de prensa
Besteiro recibe ós 18 beneficiados das becas Lug02 que dende xaneiro se formarán en empresas europeas
– O Presidente adiantoulles a cidade na que, durante 4 meses, obterán experiencia profesional especializada a custe cero
– Segundo os perfís académicos e demandas, 2 dos participantes permanecerán en Hamburgo, 3 en Praga, 3 en Belfast, 3 en Florencia, 3 en Viena, e 4 en Lisboa
– Logo, durante 8 meses, porán en práctica os coñecementos adquiridos en empresas lucenses onde recibirán 1.000 euros ó mes. Posteriormente, poderán facelo como emprendedores nunha provincia 100% medioambiental
O Presidente da Deputación, José Ramón Gómez Besteiro, recibiu este xoves no Pazo de San Marcos ós 18 xóvenes titulados lucenses que resultaron beneficiados das primeiras becas medioambientais da provincia. Trátase dunha iniciativa que se enmarca dentro de Lug02, o programa medioambiental dotado de 5 millóns de euros, -cofinanciado nun 70% con fondos da Unión Europea e nun 30% polo organismo provincial-, posto en marcha para xerar riqueza na provincia mediante a posta en valor da 3 Reservas da Biosfera e O Courel.
Esta actuación, que conta cun presuposto de 950.000 euros, busca crear novos postos de traballos e oportunidades económicas, ó tempo que facer fronte ó despoboamento demográfico que sufre a provincia, a través da aposta polo medioambiente como “a nosa oportunidade económica”, e a formación dos novos profesionais.
Deste xeito, todos os beneficiados son mozos de Lugo titulados dende o 2007 en enxeñerías, licenciaturas, ou diplomaturas relacionadas coa economía verde tales como Ciencias Ambientais, Ciencias do Mar, Bioloxía, Industriais, Agrónomos, Química, Minas ou Turismo. As bolsas de emprego da Deputación ofrécelles a oportunidade de adquirir primeiro, experiencia profesional especializada durante 4 meses nos países europeos de maior proxección: Reino Unido, Italia, República Checa, Portugal, Alemaña e Austria. Logo, durante os seguintes 8 meses, farano en entidades das 3 Reservas da Biosfera e do Courel.
Oportunidades laborais a custe cero
Coas primeiras becas Lug02, estes profesionais verán incrementar as oportunidades de inserción laboral ó formarse en entidades de Europa onde se están a aplicar innovadoras técnicas de explotación medioambiental de xeito sostible. A Deputación asume todos os custes de ida e volta, aloxamento, manutención, así como os gastos dos organismo de acollida na cidade de destino supoñéndolles un custe cero. A maiores, poñerán en práctica os coñecementos adquiridos como bolseiros en empresas lucenses onde ademais, recibirán 1.000 euros ó mes. Posteriormente, poderán facelo como emprendedores nunha provincia 100% medioambiental, onde o 55% da súa superficie é Reserva da Biosfera avalada pola UNESCO, que conta con máis de 100 quilómetros de costa, e de 800 quilómetros de Camiños de peregrinación.
Cidades de destino
Gómez Besteiro adiantou ós 18 xóvenes as cidades europeas nas que, tendo en conta o seu perfil académico e a súa demanda, recibirán formación. Deste xeito, 14 dos beneficiados estarán, dende o 21 de xaneiro e ata o 13 de maio, nas seguintes cidades: Hamburgo (2), Praga (3), Belfast (3), Florencia (3), e Viena (3). Pola súa banda, os 4 restantes participantes nesta iniciativa permanecerán en Lisboa dende o 23 de xaneiro ó 14 de maio.
O Presidente explicoulles que a Deputación os asesorará durante toda a súa estancia, e anuncioulles que xa durante os primeiros días de estancia realizarán varias entrevistas de traballo en diferentes empresas. Da mesma forma, o titular do organismo provincial quixo agasallalos cun exemplar de Km0.Deputación de Lugo, o primeiro libro que recolle a riqueza medioambiental da provincia na súa totalidade mediante 127 rutas, e un DVD sobre as Reservas da Biosfera.
A eucaristía, un dos actos centrais das festas patronais de Foz, continuou coa tradicional procesión e coa ofrenda floral en memoria das persoas falecidas no mar. A mandataria provincial formou parte da comitiva xunto a numerosos veciños e veciñas, visitantes, membros da corporación municipal e a pregoeira desta edición, María Nelle Castro Neira, focense moi vinculada ás festas desde a infancia.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
Villares gabou o traballo realizado e subliñou que “a implicación do tecido social e dos veciños e veciñas é clave para transmitir as tradicións que forman parte da nosa identidade e reforzar os vínculos da comunidade”. Na xornada principal deste xoves destacou a ofrenda floral na honra dos mariñeiros falecidos. O venres e o sábado celebraranse o Festival Folklórico Internacional e o Festival Folklórico Infantil respectivamente, organizados polo Grupo Mistura.
O Concello de Ribadeo atende así a petición realizada pola Asociación Provincial de Empresarios de Hostelería e Turismo de Lugo, que solicitou permisividade neste sentido aos 67 Concellos da provincia de Lugo. Ademais o Concello autorizou a instalación dunha pantalla na praza de Porcillán. A petición foi realizada pola Asociación Cultural Festas do Carme.
Este ano, como novidade, as crianzas participantes neste programa están a desfrutar de sesións de inglés dunha forma lúdica, dinámica e divertida, grazas á colaboración da English School de San Cibrao. A través de xogos, cancións, actividades participativas e moita creatividade, os nenos e nenas reforzan a aprendizaxe do inglés nun ambiente distendido, fomentando a comunicación, a curiosidade e a confianza para expresarse noutra lingua.
A mostra reúne imaxes tomadas en Galicia, Cataluña, Aragón, Andalucía, Senegal e Escocia, ofrecendo un percorrido pola biodiversidade e polos vínculos entre distintos ecosistemas. O fotógrafo, naturalista especializado en ornitoloxía, invita a contemplar a natureza cunha mirada pausada e consciente a través de 50 especies de fauna. Permanecerá aberta ata o 29 de xullo.
O Grupo Sargadelos adquiriu todos os bens inmobles, maquinaria e fondo de comercio de Burelarte S.L. As naves, de máis de 3.000 m² e os terreos anexos, con máis de 4.000 m², destinaranse a ampliar e mellorar a capacidade produtiva das empresas do grupo. Ademais, Sargadelos integrará a maior parte da plantilla de Burelarte e tentará manter viva a marca BurelaRTe, recoñecida pola súa calidade no gres porcelánico, sempre que a autoridade laboral o permita.
