Nota de prensa
A DELEGACIÓN DE CULTURA CONVOCA O CERTAME PARA O DESEÑO DO CARTEL DO ANTROIDO 2011. O PRAZO DE PRESENTACIÓN DOS TRABALLOS ESTÁ ABERTO ATA O 4 DE FEBREIRO.
Burela, 19 de xaneiro de 2011. A Delegación de Cultura de Burela convoca o certame para o deseño do cartel do Antroido 2011. O prazo de presentación dos traballos remata o vindeiro 4 de febreiro e as obras recibidas exporanse do 7 ao 11 tamén de febreiro na Casa da Cultura.
Ao certame poderanse presentar todas as persoas que así o desexen. Os deseños serán orixinais, sen límite de cores ou técnicas e co seguinte texto Antroido Burela 2011. Os traballos deben presentarse en tamaño DIN A4 e, preferiblemente, tamén en soporte informático nun arquivo de imaxe. Con cada cartel, xuntarase, en sobre pechado o nome, apelidos e telefono do/a autor/a do mesmo.
A Delegación de Cultura informa que haberá un único premio consistente na publicación do cartel gañador como cartel oficial do Antroido 2011. O Concello de Burela non se responsabiliza dos danos que os deseños poidan sufrir nos actos de recepción e exposición así como da perda ou roubo dos mesmos. Os traballos pasarán a ser propiedade do Concello.
O prazo de presentación dos traballos remata o venres día 4 de febreiro. As entregaranse na Casa do Concello (Rúa Eijo Garay nº20- 27880 Burela). As obras exporanse dende o luns 7 de febreiro até o venres 11 na Casa da Cultura. Os deseños presentados ao certame someteranse a un proceso de votación popular aberto a todo o mundo. Poderase votar na Casa da Cultura no período de exposición dos deseños en horario de 18 a 20 h. O fallo farase público o luns 14 de febreiro. Desde o departamento municipal de Cultura lembran que a participación no concurso implica a plena aceptación destas bases.
O Parque María Cristina da Caridá volverá encherse de oficios, sabores, música e tradición esta fin de semana, días 4 e 5 de xullo.
Xunto a este grupo de alumnos e profesores estiveron o alcalde, Dani Vega, e a concelleira de Seguridade, Montse Seijo.
A edición incorpora como novidade a primeira inmersión da imaxe da Virxe no porto, prevista para o 11 de xullo. O Día do Carmen, o 16, manterá os actos máis emblemáticos, como a Misa Solemne, a Procesión Mariñeira e a descarga pirotécnica. O programa inclúe verbenas, concertos, actividades infantís, o Día do Bollo e o desfile de Cabezudos. O Concello e SofiTapia animan á participación nunhas festas que volverán converter a vila nun punto de encontro. Os actos no Auditorio Municipal serán de entrada libre ata completar aforo.
Durante a súa estancia na capital, tiveron a oportunidade de coñecer o Senado, onde foron recibidos, entre outros representantes, polo senador lucense José Manuel Balseiro, veciño de San Cibrao e pola deputada no Congreso, Cristina Abades, que traballou durante anos na Casa do Concello. Balseiro deulles a benvida á Cámara e acompañounos nun percorrido polas súas principais dependencias, explicándolles o funcionamento da institución e o labor que desenvolven os senadores. O parlamentario agradeceu á asociación Terra-Mar a organización desta iniciativa, que contribúe a achegar as institucións aos cidadáns e a fortalecer os vínculos entre a Mariña e a representación que exerce a provincia de Lugo no Senado.
Ademais, a medida responde a razóns de seguridade e operatividade, xa que a presenza de público nestas xornadas impide que os camións de recollida poidan acceder e circular con garantías por esta zona. Durante eses cinco días, os contedores permanecerán instalados nos seus emprazamentos habituais para que a veciñanza e os visitantes poidan depositar neles os residuos. Ademais, o servizo de limpeza reforzará as tarefas nos puntos vinculados á celebración do festival. O Concello solicita a colaboración da cidadanía para manter os espazos públicos nas mellores condicións posibles.
"Este éxito é froito do teu esforzo, dedicación e constancia, e é un orgullo para todo o noso concello. Desexámosche moitos máis éxitos deportivos e que sigas representando a Cervo e ao Club Deportivo San Ciprián con tanta ilusión e talento", salientan desde o consistorio.
A mostra reúne imaxes tomadas en Galicia, Cataluña, Aragón, Andalucía, Senegal e Escocia, ofrecendo un percorrido pola biodiversidade e polos vínculos entre distintos ecosistemas. O fotógrafo, naturalista especializado en ornitoloxía, invita a contemplar a natureza cunha mirada pausada e consciente a través de 50 especies de fauna. Permanecerá aberta ata o 29 de xullo.
