Nota de prensa
Ribadeo FSF 0-5 Funeraria Apóstol
O ano non empezou ben para o Panificadora del Eo-Ribadeo FSF, que caeu derrotado o sábado pasado, por 0-5, no partido adiantado correspondente á 18ª xornada de Autonómica ante o Funeraria Apóstol de Santiago.
As visitantes adiantáronse rapidamente con dous goles nos minutos 3 e 5. Posteriormente, no 12, as ribadenses encaixaron o terceiro nunha desafortunada xogada que acabou coa porteira local Carla lesionada.
Na segunda parte o Panificadora, con máis corazón que cabeza, puxo cerco á portería do Funeraria e así mantivo as santiaguesas pechadas durante 18 minutos. A entrega das xogadoras locais non foi recompensada no marcador e pagaron o esforzo realizado nos dous últimos minutos nos que as visitantes conseguiron o 0- 5 definitivo.
As ribadenses seguen sen atoparse coa boa finalización e aínda que os tantos encaixados non difiren dos de equipos situados na parte alta da clasificación, certo é que en goles a favor é o segundo equipo menos goleador.
O Funeraria, terceiro clasificado, demostrou en Ribadeo que pode ser un dos candidatos con opcións ao ascenso a Prata.
Provincial masculina. Con baixas importantes, o Ribadeo FS finaliza a primeira volta e perde en Viveiro a segunda praza ao caer derrotado por 3-1.
Provincial feminina. O Xoula-Ribadeo FS sumou tres novos puntos como local ao derrotar o Relúa-Xermade por 4-2 o domingo. O equipo mariñán é agora quinto, con 9 puntos.
Ficha técnica
Panificadora del Eo-Ribadeo FS: Carla, Eva, Marta, María e Fátima, cinco inicial; tamén xogaron Iria, Sabela, Elvira, Toñi, Yoli e Vanessa.
Funeraria Apóstol FS: Nerea, Belén (2), Montse, Alba e Tere (1), cinco inicial; tamén xogaron Ángela Nogueira (1), Antía (1), Mar, Ángela Otero e Cecilia.
Árbitros: José García Vila e Vanessa Fernández Fernández (anotador), da delegación lucense. Mostraron cartóns amarelos a Eva, Toñi e Vanessa, polas locais, e Nerea, Belén e Montse, polas visitantes.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
Foron os propios implicados quen contactaron co 112 Galicia pasada a medianoite deste domingo. O vehículo no que viaxaban saíuse da vía na LU-132, en Cabarcos, Barreiros. A posición na que quedou o coche, inclinado sobre un terraplén, complicou o acceso dos profesionais de Urxencias Sanitarias de Galicia-061, por iso, os xestores do Centro Integrado de Artención ás Emerxencias de Galicia avisaron aos Bombeiros de Barreiros. Finalmente, só tiveron que rescatar a un dos dous ocupantes, o copiloto, e, para iso, tiveron que cortar os asentos. Do mesmo xeito, o equipo médico só trasladou a unha persoa.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
O público, totalmente entregado de principio a fin, amosouno cos intensos e prolongados aplausos que acompañaron toda a actuación. Ao remate, os asistentes expresaron o seu desexo de poder gozar no futuro de novos concertos do artista, que sen dúbida volverán entusiasmar ao público.
Villares subliñou o éxito de convocatoria do evento, que reúne cada ano a numerosos participantes e afeccionados en Ribadeo, “aproveitando o atractivo da ría e do seu porto deportivo para atraer visitantes e complementar co deporte a súa ampla oferta de natureza, patrimonio e gastronomía”. A presente edición estivo dedicada á figura de Leopoldo Calvo-Sotelo, con motivo do centenario do nacemento do que fora presidente do Goberno e alcalde honorario do municipio. Ademais das regatas de vela en distintas categorías, celebráronse bautizos de buceo, charlas ou un concurso de pesca, entre outras actividades.
Na xuntanza preténdese analizar a execución das obras, o comportamento da empresa responsable, a problemática dos accesos durante as Festas de Xunqueira e solicitar ao Concello de Viveiro que faga público o proxecto definitivo.
A marcha partirá ás 12:30 horas diante do Concello, percorrerá as rúas peonís do centro e rematará novamente na casa consistorial, onde se lerá un manifesto. A plataforma chama a mobilizarse cunha mensaxe clara: cada bomba destrúe vidas e cada silencio convértenos en cómplices. Defenden que é o momento de saír á rúa para esixir o fin da violencia, o respecto aos dereitos humanos e a liberdade do pobo palestino, lembrando que a presenza das persoas manifestantes é a voz de quen hoxe non pode falar. A convocatoria péchase cun triplo chamamento: non á guerra, non ao silencio e non á indiferenza.
