Nota de prensa
A XUSTIZA PON DE MANIFESTO A PERSECUCIÓN POLÍTICA QUE EFECTÚA O ALCALDE DE CERVO
Unha sentenza exculpa a un axente de policía que fora sancionado por Villares en base a unha denuncia anónima
CERVO, 10 DE XANEIRO. A portavoz do Grupo Municipal Socialista de Cervo, Lara Méndez, considera que a Xustiza vén de pór de manifesto a “caza de bruxas” que está a facer o alcalde, Alfonso Villares, quen “con motivación unicamente partidista pretende vulnerar impunemente os dereitos dos veciños”.
A portavoz socialista refírese así á sentenza do Xulgado do Contencioso-Administrativo número 1 de Lugo, que dá a razón a un axente de policía que fora sancionado cun apercibimento por parte do Alcalde a raíz dunha acusación de deixación de funcións anónima.
A setentenza fai fincapé na imposibilidade de efectuar un procedemento sancionador baseado nunha denuncia anónima. Asemade, incide en que o axente sancionado foi despoxado dos seus dereitos de defensa, xa que en ningún momento se efectuaron as probas pertinentes que poderían determinar con claridade a veracidade ou falsedade das acusacións supostamente efectuadas ó respecto do desempeño do seu labor.
Actuación dictatorial
Así pois, Lara Méndez afirma que esta sentenza demostra unha vez máis “o carácter dictatorial e arbitrario” da xestión do Alcalde de Cervo, “que se dedica a castigar ós veciños que non comulgan coa súa maneira de facer política”.
“Resulta curioso que o Alcalde fala dunha persecución política nos medios de comunicación, cando aquí o único que persegue politicamente é o señor Villares, como xa puxo de manifesto noutras ocasións, ó perseguir a unha familia por defender o que cre que é seu, nese caso o tránsito polo camiño do Espiñerido”, argumenta Lara Méndez.
A portavoz dos socialistas cervenses explica que no caso do axente o Alcalde tomou unha resolución sen comprobar os feitos denunciados, xa que “impuxo a sanción en base a unha denuncia anónima, vulnerando os seus dereitos básicos, e sen permitirlle utilizar os medios de proba convenientes para a súa defensa, e sen que se fixese ningunha averiguación”.
Engade que “o que vemos claramente é que este señor realiza unha caza de bruxas cara ós seus propios veciños, como é no caso dos veciños de Espiñerido, deixándoos sen acceso rodado á súa vivenda, ou agora no caso do axente, impoñendo unha sanción inxusta”.
“Esta actitude dictatorial e antidemocrática que ten o noso ilustre Alcalde non é a propia do máximo mandatario do noso Concello, porque realmente non exerce en nome propio, senón no nome dun pobo”, recorda a socialista. Méndez conclúe que “a xustiza acaba de dar un varapau ó Concello de Cervo e, concretamente, a Alfonso Villares”.
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
