Nota de prensa
Máis de 10 colectivos da Mariña inician a celebración do Ano Castelao con musica e lectura de textos do de Rianxo.
A Mariña homenaxea a Castelao o Domingo en Foz.
O vindeiro 30 de Xaneiro ás 13:00h nos xardíns Conde de Fontao de Foz diversos colectivos da Mariña celebrarán un acto de homenaxe a Daniel Castelao con motivo do 125 aniversario do seu nacemento e que responde a vontade de boa parte do movemento cultural galego de adicar a este ano ao grande creador e patriota galego. O acto vai consistir na lectura duns textos de Castelao a cargo de Xosé Paleo, presidente do Comité de Empresa de Alcoa, María Xosé Viamonte ,Delegada Sindical de Sargadelos e o pintor Celso Dourado así como nunha actuación musical a cargo da Asociación A Subela. Segundo indicou Xoán Ramón Fernández Pacios “ o formato do acto, pretende responder dunha banda o espírito do Banquete de Conxo e da toda nosa tradición de unir as forzas do traballo e da cultura, a par que singulariza a propia concepción da cultura de Castelao, non entendida como un luxo para minorías, e pon en valor a propia figura do rianxeiro ao unir ámbitos a priori sen vinculación”.
O acto que esta organizado entre outros colectivos polo Observatorio Mariña pola Igualdade, Francisco Lanza de Ribadeo, Ollomao de Barreiros, Buril de Burela, A Pomba do Arco de Foz, ou Mariña Patrimonio pretende ser unha xornada de festa e divulgación da obra de Castelao e en definitiva do noso patrimonio cultural “Castelao é tan grande que é capaz de unir a colectivos tan diversos como os que organizamos o acto, posto nada que ten a ver con Galiza lle alleo ao noso compatriota até o punto que foi capaz de facer de Galiza todo un mundo” afirmou Pacios que lembrou que “Castelao é un todo e nada se lle escapa na súa obra está presente desde a denuncia da opresión de clase ou de xénero, a loita polo idioma, ou a historia do país, ou o propio atraso e a dependencia de Galiza, porque todo iso é a realidade que conforma a nosa nación “ recalcou Pacios.
O presidente da Pomba do Arco anunciou que “co acto do Domingo iniciamos unha xeira que vai ocupar ao asociacionismo cultural galego e por suposto ao da Mariña, de divulgación, explicación e coñecemento de Castelao. Aínda que tan presente entre nós Castelao é un grande descoñecido, xa sexa a súa produción literaria, artística, ensaística así como a súa labor social e político. A proposta do movemento asociativo da Mariña para 2011 e facer, logo de Castelao, un veciño máis e nesa dirección desenvolveremos diversos actos ao longo do ano xa sexan por parte das asociacións xa sexan por parte do conxunto de asociacións da Mariña que a esta altura nos agrupamos na federación Galiza Cultura que convoca o 30 de Xaneiro a mesma hora que o acto de Foz, actos en máis de 30 cidades e comarcas de Galiza”.
Xa por último Pacios convidou a todos os veciños da Mariña a participar neste acto de homenaxe a Castelao co que se arranca o ano conmemorativo do 125 aniversario do seu nacemento.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
O deputado galego Francisco Millán Mon explicoulles o día a día da súa actividade nesta cámara e a importancia da Unión Europea para Galicia e viceversa. Desde a dirección do centro agradecen “a súa exposición e o trato dispensado ao alumnado e profesorado desprazado a Bruxelas”. Neste 2026 cúmprense 40 anos da adhesión de España á Comunidade Económica Europea, así se denominaba naquel momento. O IES de Ribadeo é Escola Mentora do Programa Escolas Embaixadoras do Parlamento Europeo.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
A mostra, aberta na sala de exposicións do Auditorio Municipal de luns a venres entre as 18:00 e as 22:00 horas, reúne preto de 30 obras de artistas emerxentes e consolidados, ofrecendo diversas miradas sobre a paisaxe, a identidade, a memoria e a realidade contemporánea. A alcaldesa, Marta Rouco, destacou o valor de que Vilalba forme parte desta programación compartida e o impacto positivo que supón para a actividade cultural local.
No acto impuxéronlles o birrete e entregáronlles diploma e orla. Despois cantaron unha canción para as familias asistentes. Houbo moitos aplausos e algunhas lágrimas de emoción.
A saída será ás 10:00 desde El Bao, con autobuses ás 9:00 desde Navia, e a chegada arredor das 16:30 seguida dunha festa na dársena. As inscricións estarán abertas do 31 de maio ao 12 de xuño na Casa do Deporte ou en liña por 7 €. O Concello anima a participar nesta cita que combina natureza, deporte e convivencia.
