Nota de prensa
NOTA DE PRENSA DO GMPP DE BURELA
Barcia considera que “hai que eliminar gastos superfluos e investir máis en servicios sociais”.
O portavoz dos populares visita o Centro San Aníbal e reitera o compromiso da Xunta no seu funcionamento.
O PP reunirase mañán, venres, coa Asociación de Amigos da Banda e con veciños no bar “Don Jamón”.
A Xunta de Galicia continuará colaborando co Centro San Aníbal tal e como o vén facendo nestes dous últimos anos, porque o traballo que se está a facer desde o Centro e o servicio que presta, son indispensables e insustituibles no concello de Burela. Estas manifestacións fíxoas o portavoz do Grupo Municipal do Partido Popular (GMPP) de Burela, José María González Barcia, logo de visitar no día de hoxe o Centro que rexentan a congregación relixiosa de Hijas del Divino Cielo.
Barcia lembrou que o proxecto para a construcción do centro naceu durante o goberno municipal do PP burelés, e que as obras comenzaron precisamente co PP gobernando o concello burelés, que en todo momento apoiou o proxecto, xestionando axudas das administracións públicas, como as que prestou a Deputación de goberno popular, e ante outras institucións financieiras.
José María González Barcia indicou que a Xunta de Núñez Feijoo concedeu no ano 2010 unha axuda de vintecinco mil euros para o funcionamento do Centro, o que confirma o compromiso da Xunta cos servicios sociais. Barcia foi máis aló, e manifestou que o concello de Burela, de chegar o PP ó goberno municipal, buscará a definición dun ámbito de colaboración co Centro San Aníbal, porque efectivamente este Centro é un complemento impresicindible para os servicios sociais municipais. “Será bon, indicou Barcia, eliminar algún gasto superfluo que se está a producir nestes momentos e investir máis en servicios sociais”.
Por outra banda, o portavoz do PP tamén se reuniu hoxe con representantes do Clube Baloncesto Burela e reiterou, unha vez máis, que o bipartito non está a cumplir os compromisos adquiridos en 2007. Así, lamentou o retraso no pago das contías contempladas nos convenios para a temporada 2009-2010, e considerou absolutamente negativo para a liquidez dos clubes con escolas deportivas que ainda non se saiba nada dos convenios para a temporada 2010-2011, que xa está sobrepasando o seu ecuador e os clubes seguen sen saber nada sobre as posibles contías a percibir.
Os populares reuniranse mañán, venres, coa Asociación de Amigos da Banda e tamén manterán unha reunión con veciños no bar “Don Jamón”. Deste xeito, aseguran os populares, “achegamos a nosa mensaxe ós cidadáns, recollemos as súas suxerencias, buscamos solucións ós problemas entre todos, e facemos a vida social que tanto lle disgusta a certas persoas que son incapaces de falar con máis de dous ó mesmo tempo”.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
