Nota de prensa
Barreiro: “o mellor para Mondoñedo é que o Partido Popular recupere a maioría absoluta”
Mondoñedo, a 20 de xaneiro de 2010.- O presidente dos populares lucenses asegurou hoxe durante a presentación de Elena Candia como cabeza de lista ás vindeiras eleccións municipais “que o mellor para Mondoñedo é, sen ningunha dúbida, que o Partido Popular recupere a maioría absoluta”.
José Manuel Barreiro argumentou esta afirmación indicando que o bipartito mindoniense adicouse “exclusivamente” a endebedar ó concello e “a vivir das rendas herdadas do Partido Popular porque durante estes case catro anos non hai ningunha actuación relevante que sexa resultado da súa xestión propia e encamiñada a xerar riqueza, fixar poboación e mellorar a calidade de vida dos veciños”.
Na súa opinión, unha “mostra inequívoca” da “nula capacidade de traballo, concordia e ideas” do equipo de goberno é que a mediados do mes de xaneiro de 2011 o concello aínda está a funcionar co orzamento prorrogado do 2009. “Esto é o que dan de si os matrimonios de conveniencia de nacionalistas e socialistas ou de socialistas e nacionalistas, que o mesmo dá”, asegurou. “Non lles importa o benestar dos veciños, o único que lles importa e asegurarse o sillón. Fixérono durante a súa etapa na Xunta e estano a facer na Deputación de Lugo: pouca xestión e moito despilfarro, seguindo ó pe da letra o modelo Zapatero que, hai que decilo claramente, está a arruinar o país e, o que é peor, hipotecando o futuro de todos a moitos anos vista”.
Barreiro, tras salientar que en 2007 o PP quedouse a “só un puñado de votos” de acadar o quinto concelleiro, insistiu na idea de que o vindeiro mes de maio “non nos chega con gañar. Temos que arrasar porque, do contrario, os perdedores xuntaranse para facer goberno e para seguir preocupándose moito de si mesmo e moi pouco dos veciños ós que representan e teñen a obriga de defender”.
O presidente dos populares lucenses explicou que ó bipartito mindoniense “encheuselle a boca dicindo que ían poñer ó día a contabilidade do concello, que lle ían sacar os colores ó goberno do PP que os precedeu, pero a realidade é que unha cousa é o que dixeron na campaña e outra moi distinta o que fixeron: a auditoría aínda hoxe está por presentar, pese a complementalo no seu programa electoral e eso que Elena Candia e os seus compañeiros do grupo municipal popular apremiaronos para que a fixeran. Se non actualizaron as contas como prometeron, por algo será e será que non estaban tan mal como dicían”.
“Outra cousa será”, engadiu, “cando toque facer balanzo dos seus catro anos de goberno e se saiba realmente a cánto ascende a débeda do concello”. “Esa tarefa tocaralle facela a Elena a partir do mes de maio porque os veciños de Mondoñedo decátanse perfectamente de que non están os tempos para desaproveitar oportunidades nin para malgastar os cartos, e estou seguro de que ela actuará con responsabilidade e será capaz de volver a poñer a Mondoñedo no bo camiño, de xerar ilusión e de colocar a este concello na senda do progreso e do futuro”, concluiu.
Elena Candia López
Naceu en Mondoñedo o 3 de febreiro de 1978. Está solteira.
É licenciada en Dereito e traballa no sector asegurador.
Entrou a formar parte da corporación de Mondoñedo en 2003, asumindo a área de servizos sociais e promoción do emprego. En 2007 xa encabezou a candidatura do Partido Popular.
A representación terá lugar este sábado día 18, ás 19:30 horas, no local social da Asociación de Veciños de Marzán, un dos destinos habituais nas xiras anuais da compañía. O Centiño mantén así a tradición de visitar este espazo, onde agarda compartir co público unha tarde divertida e chea de humor. A agrupación teatral continúa así coa difusión da súa nova obra, que segue a percorrer diferentes escenarios da comarca.
Dezaoito locais hostaleiros de Ribadeo, Rinlo e Vilaframil ofrecerán diversas preparacións ata o vindeiro domingo: en escabeche, en salpicón, en empanada, ao allo, á prancha, en albóndega, etc… Todas as propostas poden consultarse nas redes sociais de Acisa Ribadeo, que agradece “unha vez máis o apoio da OPP do Porto de Burela, que nos doou 90 quilos de cabala para estas xornadas, produto que entregamos de xeito gratuíto aos locais participantes. Achegámoslles así unha parte do peixe que empregarán nesta nova cita gastronómica na que tamén colabora o Concello de Ribadeo”. Ata o porto, ao restaurante Marinero, se achegaron este mediodía o director territorial da Consellería de Mar, Alexandre Piñeiro, as concelleiras ribadenses Montse Seijo, Elena Sierra e Begoña Sanjurjo, a presidenta de Acisa, Carmen Cruzado, o xerente do colectivo empresarial, Jesús Pérez, e o técnico de Acisa, Jorge Fernández, que puideron degustar as elaboracións realizadas por este establecemento hostaleiro.
Durante a xornada Lionel compartirá a súa experiencia no mundo da escrita, dando a coñecer os seus procesos creativos e as temáticas que caracterizan os seus libros. O acto incluirá un coloquio participativo cos asistentes do club onde poderán preguntar e intercambiar opinións co autor sobre o libro lido “A raíña das velutinas”.
O sábado terá lugar no Casino o III Showcooking, con cociña en directo e maridaxe de viños. O público poderá votar os seus pinchos favoritos e participar no sorteo dunha noite no hotel Marqués de Riscal. A entrega de premios será o luns 20 ás 19:00 h. O Concello e Destino Navia animan a veciños e visitantes a gozar desta cita gastronómica.
Haberá degustación diaria de ostras na carpa do porto. Concertos, showcookings, visitas guiadas e actividades mariñeiras. Lancha pola ría, exposición de maquetas e concurso fotográfico #somoslasostra2026, ademais propostas especiais en Acueo, La Casilla e Restaurante Peñalba.
A etapa, cun percorrido duns 150 quilómetros, partiu arredor das 11:30 horas e rematou en Barreiros, atravesando concellos como Xermade, Muras, Viveiro ou Foz. A proba reúne a equipos do ciclismo profesional internacional e sitúa a provincia de Lugo como escenario dunha das citas deportivas máis destacadas do calendario. O Goberno colabora no desenvolvemento da carreira a través das Forzas e Corpos de Seguridade do Estado, que velan polo correcto desenvolvemento da proba e pola seguridade de participantes e afeccionados.
As persoas interesadas poden anotarse ata o 24 de abril na Casa do Concello (Cervo) ou na Casa da Cultura (San Cibrao). A actividade está dirixida a persoas pensionistas empadroadas no municipio. Trátase dunha xornada pensada para compartir, celebrar e desfrutar en comunidade.
