Nota de prensa
NEVES CANDO ASEGURA QUE O BIPARTITO BURELÉS INVESTIU NOS TRES ÚLTIMOS ANOS MÁIS DE 180.000 EUROS EN EQUIPAMENTOS NO AUDITORIO MUNICIPAL, “MOITO MÁIS DO DESTINADO A ESTE FIN POLO PP NOS 15 ANOS QUE ESTIVO Á FRONTE DO CONCELLO”.
Burela, 20 de xaneiro de 2010. A tenente de alcalde e concelleira de Cultura, Neves Cando, asegura que o bipartido burelés investiu nos tres últimos anos máis de 180.000 euros en equipamentos no auditorio municipal. A edil nacionalista sinala que é moito máis do destinado a este fin polo PP nos quince anos que estivo á fronte do Concello de Burela.
Neves Cando referíuse hoxe ás informacións verquidas estes días polo PP de Burela sobre a suposta de perda de subvencións no ámbito cultural, “o PP de Burela e en concreto o seu portavoz, o señor González Barcia, non se enteran de nada con respecto a este tema porque sinxelamente non están por aquí nin se lles espera. O señor González Barcia déixase caer por Burela un par de días e como alma en pena rondando polo Concello e á busca da noticia lee cousas aquí e alá, pero non se entera de nada. Con respecto á subvención da que fala sobre equipamentos culturais a súa ingnorancia no tema é moita, porque como alguén lle recordou no concerto de aninovo da Banda de Burela, que se celebrou o 7 deste mes, había catro anos que non acudía a este evento o señor González Barcia, ao igual que o seu equipo que tampouco frecuenta as actividades culturais de Burela e descoñecen os equipamentos que temos”.
A concelleira de Cultura dixo que “como non o sabe ou non lle interesa sabelo voulle contar que durante os anos 2007, 2008 e 2009 dotamos ao auditorio municipal do equipamento necesario e requerido pola rede de teatros e auditorios da Xunta para poder optar á súa oferta cultural. Fíxose un investimento importante, máis de 60.000 euros na cabina e equipamentos de son, en iluminación e na pantalla xigante Canon para proxeccións e tamén en cuestións de accesibilidade e seguridade como a renovación total da escaleira de emerxencia e das portas de seguridade e a adecuación dos accesos á biblioteca, á Casa da Cultura e á sala de arte para persoas con mobilidade reducida. Éstas últimas obras supuxeron unha inversión por importe de máis de 120.000 euros, por certo investimentos en accesibilidade e seguridade que non foran capaces de facer ou non quixo facer nunca o PP en 15 anos de goberno”. Cando subliñou que “fixemos un investimento en tres anos que superou os 180.000 euros, moitísimo máis que os 15 anos xuntos de goberno do PP en Burela. E todo isto deixou o noso auditorio e a Casa da Cultura en xeral en condicións óptimas para o desenvolvemento das actividades culturais programadas e cofinanciadas pola Xunta e coas dotacións mínimas e incluso máis que esixe a propia Xunta para este tipo de espazos culturais”.
A edil nacionalista pídelle ao portavoz do PP que “deixe de buscar a noticia fácil porque non a hai e que participe máis da vida social do pobo e non como fai agora desesperadamente o seu portavoz o señor González Barcia, que durante catro anos estivo escapado de Burela, ben asentado no seu ben remunerado sillón da Deputación e que agora anda ás presas e falando polas esquinas ás agochadas para ver si pilla algunha noticia, pero o pobo de Burela xa sabe o que hai e quen son e xa non traga coas súas mentiras”.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continúa con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
Finalizado o encontro, de carácter privado, o Cónsul asinou no Libro de Ouro da Deputación e a Presidenta fíxolle entrega dun agasallo institucional. Trala xuntanza Carmela López manifestou a súa satisfacción porque “traballamos para avanzar en novas vías de colaboración, e en posibles proxectos que serven para reforzar a relación entre a Deputación e o veciño país de Portugal”.
