Nota de prensa
A Deputación convoca as primeiras bolsas de artesanía e deseño, dotadas con 12.000 euros cada unha
– As axudas están destinadas a aumentar as vendas coa actualización do catálogo e produtos dos artesáns lugueses, axudar ás familias cos custes de formación dos seus fillos, rendibilizar a unión da artesanía co deseño de moda, innovar produtos artesanais e potenciar a fábrica de Sargadelos,
– O Presidente e o Alcalde de Lugo presentaron as cinco bolsas, que suman un total de 60.000 euros e poden solicitarse dende este mércores ata o día 1 de marzo
– Orozco ofreceu colaboración económica para que a Xunta cumpra coa súa palabra e poña ó servizo dos artesáns e deseñadores os locais rehabilitados da Tinería
Froito das actividades conxuntas que uniron no 2010 os Aniversarios da Muralla e do Centro de Artesanía e Deseño, Deputación e Concello de Lugo comezaron a traballar nun novidoso programa de bolsas co obxectivo de potenciar o emprego no sector do deseño e a artesanía. Para aproveitar o potencial de Escolas de Arte como a Ramón Falcón e a longa tradición artesanal da provincia, o Presidente da Deputación e o Alcalde de Lugo, José Ramón Gómez Besteiro e José López Orozco, presentaron este luns o primeiro programa de bolsas dirixidas a estudantes, recén titulados e profesionais vinculados á artesanía e deseño da provincia. Cada unha das cinco categorías estará dotada con 12.000 euros e terá unha duración dun ano.
A iniciativa finánciase a través do Centro de Artesanía e Deseño (CENTRAD) como medida de apoio e estímulo para conservar e potenciar o deseño e a artesanía, un sector económico moitas veces esquecido polas administracións. “Ducias de lugueses marchan a Cataluña ou Madrid na busca de futuro neste sector, onde ademais existen bolsas que lles permiten iniciarse na súa profesión”, explicou o Presidente. “De todos é coñecido o papel da Deputación de Lugo no apoio ó sector da artesanía desde que inaugurou o CENTRAD o 10 de maio de 1995. Hoxe somos capaces de presentar un novo e ilusionante proxecto e executalo de inmediato: tan áxil que o prazo para solicitar as axudas comeza este mércores e rematará o día 1 de marzo”. Pola súa banda, López Orozco salientou que esta iniciativa impulsa “un nicho de emprego e un sector importante para o futuro económico de Lugo”. Neste senso, lembroulle á Xunta o seu compromiso para pór a disposición dos veciños os locais rehabilitados na zona da Tinería, e ofreceu “a colaboración económica do Concello mediante o Plan Urban para que o Goberno galego poña ó servizos dos artesáns e deseñadores lucenses” este espazos. Isto redundaría, “na posta en valor do sector artesanal e desta zona da capital. A austeridade non nos pode levar á pobreza, senón a potenciar medias coma estas bolsas ou os locais da Tinería”.
O programa contempla cinco becas, que suman 60.000 euros, destinadas a:
1. Aumentar as vendas dos artesáns lugueses. A base de datos co catálogo de artesáns da Consellería de Industria non está actualizada. É imprescindible facer un estudo de campo para actualizar o rexistro de artesáns así como dos produtos que poden ofrecer ó consumidor, requisitos imprescindibles para aumentar as vendas. Os bolseiros poden ser investigadores, historiadores, documentalistas, artesáns…
2. Axudar ás familias cos custes de formación. A formación en Artes non é habitual nos programas educativos, excepto nalgún caso de cerámica. Isto esixe un enorme esforzo económico ás familias cando un dos seus fillos necesita continuar cos seus estudios ou especializarse, xa que o máis habitual é ter que facelo fóra de Galicia.
3. Facer rendible o traballo en equipo de deseñadores de moda ou complementos e artesáns. Esta unión ten na actualidade excelentes resultados que Deputación e Concello queren ampliar en Lugo. A fusión é unha nova vía de negocio que ten moitas posibilidades como nicho de emprego.
4. Innovar os produtos artesanais. Moitos artesáns lugueses traballan dun modo tradicional e descoñecen como aproveitar as tecnoloxías. Mellorar os procedementos de traballo, desde a creación do produto ata a posta a venda, é o obxectivo desta bolsa aberta tamén a perfís como deseñadores industriais, artesáns, investigadores, informáticos, etc.
5. Potenciar a fábrica de Sargadelos. A Deputación amosou de moitas formas o seu apoio incondicional á fábrica de Sargadelos, en Cervo, unha firma de deseño e creación de porcelana con máis de dous séculos de historia vencellados á cultura galega en tódolos eidos da creatividade. A fábrica recibiu con gran interese esta nova oferta da institución provincial para que deseñadores ou artesáns podan ter no centro unha bolsa de estudos no sector da cerámica.
As condicións requeridas para beneficiarse das axudas son: estar empadronado na provincia ou ter nacido en Lugo; ser maior de idade; ter experiencia ou estudos valorables no sector; ser un profesional que desempeñe a súa actividade en relación con algún aspecto que poida incidir directa ou indirectamente no desenvolvemento dalgunha das especialidades artesanais ou de deseño recoñecidas oficialmente en Galicia; ou posuír a Carta de Artesán, de ser o caso. A concesión das bolsas ten retorno económico para a Deputación xa que o CENTRAD aproveitará o coñecemento dos bolseiros unha vez que estén formados.
As becas outorgaranse en réxime de concorrencia competitiva e os interesados deben completar o correspondente impreso –que pode descargarse na web www.centrad.org- e entregalo entre este mércores e o día 1 de marzo no Rexistro Xeral do INLUDES (con enderezo Rúa da Muralla, 140) ou por calquera dos medios previstos na Lei de Réxime Xurídico das Administracións Públicas e do Procedemento Administrativo Común. As bases reguladoras do programa de axudas poderá consultarse este martes no Boletín Oficial da Provincia (BOP) e na páxina web do CENTRAD.
Criterios para a selección
Unha vez que se avalíen as peticións recibidas, publicaranse os listados provisionais de admitidos e establecerase un prazo para alegacións. Unha Comisión de Valoración propoñerá una listaxe de beneficiarios. Seguidamente, abrirase un proceso de selección en función dos seguintes criterios: o nivel curricular, que poderá puntuar ata 40 puntos sobre 100; o proxecto de actuación para o que se solicita a subvención, que puntuará ata 30 puntos, e unha entrevista persoal, cun máximo de 30 puntos. O prazo para a resolución definitiva rematará, como máximo, o 1 de maio. Os resultados definitivos expoñeranse sempre no taboleiro de anuncios do INLUDES e na web www.deputacionlugo.org
A representación terá lugar este sábado día 18, ás 19:30 horas, no local social da Asociación de Veciños de Marzán, un dos destinos habituais nas xiras anuais da compañía. O Centiño mantén así a tradición de visitar este espazo, onde agarda compartir co público unha tarde divertida e chea de humor. A agrupación teatral continúa así coa difusión da súa nova obra, que segue a percorrer diferentes escenarios da comarca.
Dezaoito locais hostaleiros de Ribadeo, Rinlo e Vilaframil ofrecerán diversas preparacións ata o vindeiro domingo: en escabeche, en salpicón, en empanada, ao allo, á prancha, en albóndega, etc… Todas as propostas poden consultarse nas redes sociais de Acisa Ribadeo, que agradece “unha vez máis o apoio da OPP do Porto de Burela, que nos doou 90 quilos de cabala para estas xornadas, produto que entregamos de xeito gratuíto aos locais participantes. Achegámoslles así unha parte do peixe que empregarán nesta nova cita gastronómica na que tamén colabora o Concello de Ribadeo”. Ata o porto, ao restaurante Marinero, se achegaron este mediodía o director territorial da Consellería de Mar, Alexandre Piñeiro, as concelleiras ribadenses Montse Seijo, Elena Sierra e Begoña Sanjurjo, a presidenta de Acisa, Carmen Cruzado, o xerente do colectivo empresarial, Jesús Pérez, e o técnico de Acisa, Jorge Fernández, que puideron degustar as elaboracións realizadas por este establecemento hostaleiro.
Durante a xornada Lionel compartirá a súa experiencia no mundo da escrita, dando a coñecer os seus procesos creativos e as temáticas que caracterizan os seus libros. O acto incluirá un coloquio participativo cos asistentes do club onde poderán preguntar e intercambiar opinións co autor sobre o libro lido “A raíña das velutinas”.
O sábado terá lugar no Casino o III Showcooking, con cociña en directo e maridaxe de viños. O público poderá votar os seus pinchos favoritos e participar no sorteo dunha noite no hotel Marqués de Riscal. A entrega de premios será o luns 20 ás 19:00 h. O Concello e Destino Navia animan a veciños e visitantes a gozar desta cita gastronómica.
Haberá degustación diaria de ostras na carpa do porto. Concertos, showcookings, visitas guiadas e actividades mariñeiras. Lancha pola ría, exposición de maquetas e concurso fotográfico #somoslasostra2026, ademais propostas especiais en Acueo, La Casilla e Restaurante Peñalba.
A etapa, cun percorrido duns 150 quilómetros, partiu arredor das 11:30 horas e rematou en Barreiros, atravesando concellos como Xermade, Muras, Viveiro ou Foz. A proba reúne a equipos do ciclismo profesional internacional e sitúa a provincia de Lugo como escenario dunha das citas deportivas máis destacadas do calendario. O Goberno colabora no desenvolvemento da carreira a través das Forzas e Corpos de Seguridade do Estado, que velan polo correcto desenvolvemento da proba e pola seguridade de participantes e afeccionados.
As persoas interesadas poden anotarse ata o 24 de abril na Casa do Concello (Cervo) ou na Casa da Cultura (San Cibrao). A actividade está dirixida a persoas pensionistas empadroadas no municipio. Trátase dunha xornada pensada para compartir, celebrar e desfrutar en comunidade.
