Nota de prensa
AO PANIFICADORA ESCÁPASELLE O EMPATE NO ÚLTIMO SUSPIRO
Un partido moi igualado se viviu o sábado no municipal de Vimianzo entre o Fisober FSF e o Panificadora do Eo, da décimo novena xornada de Autonómica, no que as ribadenses a punto estiveron de traer algo positivo para A Mariña.
Transcorría o minuto 10 cando Sabela puxo o Ribadeo por diante, cun potente tiro desde 18 metros que a porteira local Paula non conseguiu deter. Uns 5 minutos máis tarde a local Patricia subiu a igualada nun descoido defensivo das ribadenses.
Con 1-1 volveu o partido. Durante a segunda parte os dous equipos buscaron ansiosos a vitoria, con numerosas ocasións, ata que no minuto 29 foi o Fisober, por mediación de Barca, o que tomou distancias nunha contra cando máis cerco puñan as mariñás. A partir de aquí, o Ribadeo sacou valor e intensificou o seu dominio, froito do cal, preto de cumprirse o minuto 38, Nuria envía ás mallas unha bonita xogada ben levada polas ribadenses Marta e Eva.
Parecía que o 2-2 sería un resultado xusto e final, ata que a falta de 1 minuto, unha desafortunada xogada de Nuria permitiu a Patricia facerse co balón e subir o segundo gol na súa conta particular, que supuxo o 3-2 definitivo para as de Vimianzo.
O vindeiro sábado o Panificadora recibirá o Mesón Río Ulla (19.15 horas), un dos equipos que poden ser accesibles para as aspiracións das ribadenses a manter a categoría.
Ficha técnica
Panificadora del Eo-Ribadeo FS: Vanessa, Nuria (1), Eva, Marta e María, cinco inicial; tamén xogaron Sabela (1), Iria, Toñi, Sofía, Elvira e Carla.
Fisober FSF: Paula, Patricia (2), Elsa, Ana e Alba, cinco inicial; tamén xogaron Andrea, Barca (1) e Eva.
Árbitros: Vicky Mosquera Enjamio e Irene Lojo del Río (cronometradora), da delegación de Santiago. Mostraron dobre cartón amarelo a Carla, do Panificadora.
Provincial masculino. O Ribadeo FS conseguiu unha folgada vitoria (7-1) ante o Samos FS, resultado que o mantén na cuarta posición, con aspiracións á loita polo ascenso a Autonómica.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continúa con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
Finalizado o encontro, de carácter privado, o Cónsul asinou no Libro de Ouro da Deputación e a Presidenta fíxolle entrega dun agasallo institucional. Trala xuntanza Carmela López manifestou a súa satisfacción porque “traballamos para avanzar en novas vías de colaboración, e en posibles proxectos que serven para reforzar a relación entre a Deputación e o veciño país de Portugal”.
