Nota de prensa:
O CONCELLEIRO DE TURISMO VALORA COMO MOI POSITIVA A PRESENZA DE BURELA NA FEIRA XANTAR DE OURENSE.
Burela, 7 de febreiro de 2011. O concelleiro de Industria, Comercio e Turismo, José González Legazpi ,valora de xeito moi positivo a presenza de Burela en Xantar 2011.
O edil nacionalista destaca “a exitosa participación en Xantar 2011 do Concello de Burela onde o pasado sábado tivo lugar o día máis significativo para a nosa vila, xunto con Asturias e Lisboa”. González Legazpi tamén subliñou “a degustación do bonito de Burela, preparado polos profesionais do Centro de Hostalaría Villamarín, un acto no que participou o conselleiro de Presidencia, Alfonso Rueda, xunto con autoridades doutros países e concellos, e unha degustación que tivo unha importante acollida de público e un resultado extraordinario na súa preparación, a xulgar polos presentes que saborearon o preciado príncipe azul”.
O concelleiro de Turismo tamén aludiu “á intensidade de visitas ao stand de Burela durante todo o certame, así como á importancia do acordo acadado co Consello Regulador da Denominación de Orixe Monterrei e ao intercambio de consideracións sobor da importancia da divulgación turística para os concellos, as necesidades de apoio cara a consecución das políticas positivas neste ámbito, así como sobre a celebración da festa do bonito en Burela no mes de agosto á que convidaron ás autoridades presentes e demáis participantes en Expourense”.
González Legazpi tamén destaca “a decisión da Delegación de Turismo de participar no I Concurso de Carteis das Festas Gastronómicas Galegas, que tivo lugar no mesmo recinto de Expourense e no que Burela estivo representada co cartel da Feira do Bonito 2010 aportado pola S.C. Ledicia, asociación á que agradecemos especialmente esta deferencia e que obtivo un interesante segundo premio”.
O responsable de Industria, Comercio e Turismo considera que “alí onde se atopa o xamón da dehesa de Extremadura, a repostería de Asturias ou mesmo as catas de viños franceses, por poñer uns exemplos, non pode faltar e debe de estar o bonito de Burela. Iso nos favorece cara á potenciación da nosa gastronomía e valoriza ao concello como destino turístico de forma importante dentro da nosa comarca e determina tamén a nosa presenza nos medios vencellados a este interesante Salón Galego da Gastronomía e do Turismo e por tanto afianza as nosas posibilidades de desenvolvemento”.
Legazpi engade que “seguiremos dende esta Delegación a desenvolver políticas cara á consecución dun escenario competitivo en materia turística convencidos de que, a pesares da situación actual de transformación económica, unha parte importante da sociedade seguirá a dedicar parte dos seus recursos ao sector turístico no ámbito da súa diversidade e por tanto o concello de Burela debe atoparse dentro dese escenario positivo para a potenciación do seu turismo gastronómico, cultural e histórico primordial para as economías dos municipios e relevante para Burela cara ao seu distinguido posicionamiento dentro da comarca de A Mariña”.
Resultou gañador na categoría A, destinada a participantes de até 14 anos, Daniel Franco Fernández. Na categoría B, para maiores de 14 anos, a obra seleccionada foi a presentada por Maite Fernández Cendoya.
O Parque María Cristina da Caridá volverá encherse de oficios, sabores, música e tradición esta fin de semana, días 4 e 5 de xullo.
Xunto a este grupo de alumnos e profesores estiveron o alcalde, Dani Vega, e a concelleira de Seguridade, Montse Seijo.
A edición incorpora como novidade a primeira inmersión da imaxe da Virxe no porto, prevista para o 11 de xullo. O Día do Carmen, o 16, manterá os actos máis emblemáticos, como a Misa Solemne, a Procesión Mariñeira e a descarga pirotécnica. O programa inclúe verbenas, concertos, actividades infantís, o Día do Bollo e o desfile de Cabezudos. O Concello e SofiTapia animan á participación nunhas festas que volverán converter a vila nun punto de encontro. Os actos no Auditorio Municipal serán de entrada libre ata completar aforo.
Durante a súa estancia na capital, tiveron a oportunidade de coñecer o Senado, onde foron recibidos, entre outros representantes, polo senador lucense José Manuel Balseiro, veciño de San Cibrao e pola deputada no Congreso, Cristina Abades, que traballou durante anos na Casa do Concello. Balseiro deulles a benvida á Cámara e acompañounos nun percorrido polas súas principais dependencias, explicándolles o funcionamento da institución e o labor que desenvolven os senadores. O parlamentario agradeceu á asociación Terra-Mar a organización desta iniciativa, que contribúe a achegar as institucións aos cidadáns e a fortalecer os vínculos entre a Mariña e a representación que exerce a provincia de Lugo no Senado.
Ademais, a medida responde a razóns de seguridade e operatividade, xa que a presenza de público nestas xornadas impide que os camións de recollida poidan acceder e circular con garantías por esta zona. Durante eses cinco días, os contedores permanecerán instalados nos seus emprazamentos habituais para que a veciñanza e os visitantes poidan depositar neles os residuos. Ademais, o servizo de limpeza reforzará as tarefas nos puntos vinculados á celebración do festival. O Concello solicita a colaboración da cidadanía para manter os espazos públicos nas mellores condicións posibles.
"Este éxito é froito do teu esforzo, dedicación e constancia, e é un orgullo para todo o noso concello. Desexámosche moitos máis éxitos deportivos e que sigas representando a Cervo e ao Club Deportivo San Ciprián con tanta ilusión e talento", salientan desde o consistorio.
