Nota de prensa
A Deputación inicia en Viveiro e Portomarín o reparto de equipos informáticos ós Concellos do Innova-TE
– A distribución do material (ordenadores, portátiles, impresoras, servidores e pantallas multimedia de información) é un paso clave para consolidar o despregue da Administración Electrónica
– O presidente provincial e o alcalde viveirense asinaron o convenio polo que a Deputación transfire unha axuda extraordinaria de 40.000 euros para facer da Semana Santa “a mellor de Galicia”
– Gómez Besteiro anunciou que a Xunta de Goberno aprobará este venres obras de saneamento e abastecemento no municipio mariñano por valor de 220.000 euros, que estarán executadas en tres meses e coas que se manteñen 20 postos de traballo
O reparto de 361 unidades de equipamento tecnolóxico ós 50 Concellos adheridos ó programa Innova-TE da Deputación de Lugo comezou en Viveiro e Portomarín, unha dotación imprescindible para consolidar o despregue da Administración Electrónica e cofinanciada ó 70% pola Unión Europea. Recibiron de xeito totalmente gratuíto ordenadores de sobremesa, portátiles, impresoras e pantallas multimedia, respostando ás necesidades máis urxentes. O Presidente provincial, José Ramón Gómez Besteiro, fixo entrega do material en Portomarín e continuou en Viveiro a distribución que está condicionada a que os entes locais demostren a súa implicación na e-Administración. Deste xeito, deben ter aprobada ou en exposición pública a ordenanza municipal imprescindible para poñer en marcha a Administración Electrónica e dar validez legal ós 79 trámites telemáticos que os veciños poderán realizar co seu Concello grazas ó programa da Deputación.
A través do Innova-TE, a Deputación mercou exactamente aqueles equipos que, segundo unha auditoría previa, eran estritamente necesarios nos Concellos para garantir a implantación total e eficaz da Administración Electrónica. O material a distribuír en 50 municipios é: 136 ordenadores, 100 portátiles, 43 impresoras, 32 servidores e 50 pantallas multimedia de información. A súa compra, distribución e instalación ten un presuposto de 1,4 millóns de euros, “un aforro moi importante para os Concellos”, destacou Besteiro.
Por comarcas, a distribución é:
1. A Mariña: 35 ordenadores de sobremesa; 18 portátiles; 10 impresoras; 4 servidores e 9 pantallas.
2. A Montaña: 23 ordenadores de sobremesa; 20 portátiles; 9 impresoras; 8 servidores e 10 pantallas.
3. Ribeira Sacra: 9 ordenadores de sobremesa; 16 portátiles; 6 impresoras; 5 servidores e 8 pantallas.
4. Terra Chá: 33 ordenadores de sobremesa; 20 portátiles; 9 impresoras; 6 servidores e 10 pantallas.
5. Lugo: 10 ordenadores de sobremesa; 8 portátiles; 3 impresoras; 4 servidores e 4 pantallas.
6. Sarria: 18 ordenadores de sobremesa; 14 portátiles; 6 impresoras; 5 servidores e 7 pantallas.
7. A Ulloa: 8 ordenadores de sobremesa, 4 portátiles e 2 pantallas.
Apoio decidido á Semana Santa
O Presidente provincial e o alcalde de Viveiro, Melchor Roel, asinaron este martes o convenio en virtude do cal a Deputación concede unha axuda extraordinaria de 40.000 euros ó Concello para colaborar no financiamento dos actos da Semana Santa. Besteiro cumpre deste xeito a promesa que fixo o 15 de febreiro tras manter unha reunión cos membros da propia Xunta de Confrarías e co rexedor vivariense. Integrantes de varias confrarías estiveron presentes no acto de firma do acordo.
Esta achega sen precedentes, aprobada o pasado venres pola Xunta de Goberno, supón o 25% do presuposto total da celebración e con ela, o organismo provincial quere, en coordinación co Concello, facer da Semana Santa de Viveiro “a máis grande de Galicia e contribuír a que sexa declarada de Interese Turístico Internacional”, afirmou Besteiro.
Precisamente, á proposta do Presidente, os grupos provinciais amosaron no pleno do mes de febreiro o seu apoio unánime a que a festividade reciba este recoñecemento, que sen dúbida merece pola súa tradición, a calidade das súas imaxes e procesións, e a multitude de visitantes que atrae. A cidade do Landro recibe de feito nestes días a unhas 30.000 persoas, duplicando a súa poboación, e os hoteis chegan ó 100% da ocupación. O programa da Semana Santa será presentado o próximo día 8 de abril no Pazo de San Marcos.
Melloras en saneamento e traídas
Gómez Besteiro anunciou por outra banda que a Xunta de Goberno deste venres aprobará dúas obras de saneamento por valor de 219.053 euros que se acometerán no Concello mariñano no marco do Plan Complementario provincial. Consisten na dotación de servizos de saneamento e abastecemento en Caserío e Pallaregas, que teñen 61.632,65 euros de presuposto e un prazo de execución de tres meses, e de saneamento en Granxas e Trasposta, que custan 157.420,07 euros e finalizarán tamén en tres meses. Coa súa execución, a Deputación contribúe a manter 20 postos de traballo.
Trátase das dúas primeiras actuacións adxudicadas, de tódalas previstas no Concello de Viveiro dentro do Plan Complementario, dotadas cun orzamento de 1 millón de euros. Outras quince obras están xa tramitadas, polo que en vindeiras semanas empezaranse novos traballos na localidade.
Bruno Arca, alumno de 1º Ciclo Medio de Cociña, acadou un 4º posto no Combiguru Challenge celebrado en Venecia os días 8 e 9 de maio. O concurso consiste en realizar unha serie de probas na APP da compañía, famosa polos seus fornos. Os seleccionados van a Venecia para participar no concurso no cal teñen que preparar un prato e unha sobremesa durante tres horas, sempre empregando os fornos da marca. Os dous días de concurso inclúen visitas guiadas pola cidade de Venecia e formacións con cociñeiros de prestixio como Paolo Casagrande, do Restaurante Lasarte de Barcelona con tres estrelas Michelin.
O viveirense será adxunto a presidencia e asesor do suízo Phip Waeffler no comité técnico internacional de Pentatlón Moderno para os vindeiros catro anos e co visto e prace da UIPM, onde se desempeña como Oficial de Operacións de Eventos e programa de formación de adestradores dentro da Unión.
O conselleiro do Mar visitou este venres a Feira Náutico Pesqueira que se celebra ata o sábado.
Este xoves recibíuse unha comunicación da Casa Real, felicitando pola consecución da Copa da Raíña 2025.
'50 anos de cultura - 50 anos de historia' pode verse nas Escolas Vellas de Cervo.
Unha cita á que a institución provincial achega 10.000€ para a súa organización e que reuniu a centos de persoas na Praza do Concello trabadense para degustar este prato típico do municipio. Carlos López destacou a colaboración da institución provincial a esta “cita senlleira, que pon en valor unha cultura gastronómica capaz de atraer visitantes ao noso territorio”. Destacou o traballo que fai o Concello mariñán por enxalzar este produto, tamén chamado faragullos que se elabora con touciño, ovos, leite, fariña e auga.
O delegado territorial da Xunta en Lugo, Javier Arias felicitou o pasado sábado, 3 de maio, a Reyco polos seus 30 anos de traxectoria no sector do transporte por estrada. Un exemplo de empresa lucense que medra con rigor, compromiso e aposta pola calidade "Desde a Xunta de Galicia seguimos apoiando ao sector con medidas para modernizar frotas, dixitalizar procesos e mellorar a formación dos profesionais". "O transporte é clave para o futuro económico de Galicia e empresas coma esta son parte dese avance", apuntou.
