Nota de prensa
González Barcia: “a Consellería do Mar, sensible con EXPOMAR”.
Aporta a celebración da Feira, indica o candidato popular.
Burela, 28 de abril de 2011.- O candidato do PP burelés á alcaldía, José María González Barcia, manifestou hoxe a súa satisfacción porque a Consellería do Mar aporte a través dun convenio vinte mil euros para a celebración de EXPOMAR o presente ano 2011.
González Barcia indicou que en varias reunións mantidas co sector náutico-pesqueiro “percibimos que había unha certa preocupación pola falla de iniciativa da presidencia da Fundación para conseguir fondos para a celebración da Feira este ano 2011”. O presidente da Fundación EXPOMAR é o alcalde de Burela.
Desde o PP burelés, dixo Barcia, manifestamos ante a Consellería do Mar o noso parecer sobre a financiación de EXPOMAR, trasladamos a preocupación existente; en todo momento atopamos unha grande receptividade por parte da Consellería do Mar a estas suxerencias, ainda a pesares de atoparnos metidos de cheo nunha crise económica do calibre da que estamos vivindo. Cremos, asegurou Barcia, que a Consellería soubo estar á altura das circunstancias, de aí que esa implicación directa da Xunta se plasme a través do indicado convenio.
González Barcia afirmou que a Fundación EXPOMAR necesita urxentemente unha revitalización, porque nestes catro anos a xestión levada a cabo pola presidencia da mesma foi nula, e só se usou á Fundación para que figurara como editora de revistas, co descoñecemento do seu patronato, que só serven para despilfarrar cartos e tentar facerlle a campaña ó PSOE.
PP de Burela.
As estudantes recibiron o galardón “Pizza Chef Emergente”, un recoñecemento que destaca o talento das novas promesas da gastronomía e que supón un importante logro para o centro educativo e para a formación profesional da comarca.
O percorrido comeza nun lugar simbólico: as pontes sobre o río Sor, que unen as provincias da Coruña e Lugo e marcan un dos vértices do territorio lucense. Con esta iniciativa, Guido Guía propón unha travesía pola diversidade paisaxística, histórica e humana da provincia, destacando a riqueza dos seus espazos naturais, monumentos e comunidades.
O delegado subliñou o importante papel que realiza o tecido social para conseguir melloras en beneficio da veciñanza e dinamizar social e culturalmente a localidade. Neste sentido, lembrou que a Xunta impulsa o movemento asociativo a través de apoios para o acondicionamento dos seus locais ou para o desenvolvemento de actividades.
A cita será o luns 19 de outubro, ás 17:30 horas, cun punto de encontro no peirao de San Cibrao. Ademais, os diferentes edificios municipais iluminaranse de cor rosa para sensibilizar á poboación sobre a importancia da detección precoz, fundamental para mellorar o prognóstico e a supervivencia das pacientes que padecen esta enfermidade.
O domingo 20 de decembro a Praza César Chavarría acollerá de 11:00 a 20:00 horas unha nova edición do Mercadiño de Nadal organizado polo Concello de Lourenzá, “unha cita para desfrutar do ambiente destas datas e compartir unha xornada especial na nosa vila”, anuncia a alcaldesa, Rocío López. O prazo de inscrición para instalar cun posto xa está aberto e a participación é totalmente gratuíta. As solicitudes poden facerse ata o 16 de decembro nas oficinas do Concello de Lourenzá ou a través do teléfono 982.121.006.
Durante 45 minutos, tres malabaristas —Pablo Reboleiro, Aitor Garuz e Santiago Montero— mergúllanse nun caos divertido onde ninguén manda e todo flúe entre xogos de poder, equilibrios imposibles e humor. A obra amosa como, no mundo dos malabares, romper os patróns establecidos pode levar a descubrir que a verdadeira maxia está en aprender a xogar xuntos.
No encontro, abordáronse temas como a posibilidade de colaborar na mellora da formación dos traballadores, destacando a importancia que ten ese aspecto neste sector estratéxico para Galicia. Tamén se trocaron puntos de vista relativos ás condicións laborais dos profesionais do mar.
