Nota de prensa
A Deputación aproveita a gran afluencia de xente da Semana Santa de Viveiro para divulgar a e-Administración
– Veciños e visitantes poden coñecer hoxe e mañá na aula de formación itinerante do programa Innova-TE como facer trámites vía Internet, cun importante aforro de tempo e diñeiro, e familiarizarse co uso das novas tecnoloxías
– Besteiro estivo este sábado na carpa @, aberta na explanada do pavillón deportivo de Covas, en horario de 12:00 a 14:30 e de 16:30 a 22:00
– A instalación ofrece moi diversas actividades para todas as idades, como obradoiros formativos, xogos, sorteo de material tecnolóxico imprescindible para usar a Administración Electrónica, e simuladores de última xeración
– O Presidente confirma que a Xunta de Goberno adxudicará o luns as obras de acondicionamento do CENIMA, novas dotacións para a piscina municipal e a mellora da rede viaria municipal de Foz
A Deputación de Lugo continúa esta fin de semana en Viveiro a súa campaña de divulgación e concienciación sobre a Administración Electrónica aproveitando a gran afluencia de xente que se concentra na cidade con motivo da celebración da Semana Santa. O organismo provincial terá instalada hoxe e mañá na explanada do pavillón deportivo de Covas a carpa @, que mostra dunha maneira directa, sinxela e amena como funciona a e-Administración e a súas vantaxes. O seu horario de apertura é de 12:00 a 14:30 e de 16:30 a 22:00 horas.
O Presidente Provincial, José Ramón Gómez Besteiro, acompañado polo Alcalde, Melchor Roel, visitou este sábado a aula itinerante de formación, que forma parte do programa Innova-TE, desenvolvido pola Deputación con fondos europeos para implantar a Administración Electrónica no propio ente provincial e nos Concellos. As persoas que se achegan a ela poden aprender como realizar trámites a través de Internet, dunha maneira máis áxil e eficaz, e cun importante aforro de diñeiro e tempo. A moderna instalación, de 230 metros cadrados, cor vermella e forma de @, familiariza ademais ós cidadáns co uso das novas tecnoloxías. Para elo ofrece un amplo abano de orixinais actividades pensadas para tódalas idades, como obradoiros, xogos, sorteos de diverso material tecnolóxico imprescindible para usar a e-Administración, e mesmo simuladores de última xeración.
Esta é a segunda parada da carpa na cidade do Landro trala súa estancia o pasado mes de agosto, durante as festas patronais. Naquela ocasión, na que tamén estivo aberta dous días, recibiu a uns 13.700 visitantes. A primeira e obrigada parada da aula é un taller de DNI electrónico, a chave que deben utilizar os usuarios para acceder á Administración Electrónica e facer trámites on line. Logo de realizar este obradoiro, cuxos asistentes reciben un diploma acreditativo, os visitantes poden participar en sorteos de diverso material tecnolóxico, como lectores de DNI, chaves USB, ebooks (lectores de libros electrónicos) e netbooks (ordenadores portátiles de baixo custe e reducidas dimensións).
Nesta carpa pioneira tamén hai novas actividades que non se realizaran ata o momento en Viveiro, como unha pantalla táctil co libro guía das rutas do programa Km0 da Deputación; así como o denominado espazo “365”, unha aplicación de apoio escolar para nenos e pais, na que, entre outras opcións, poden crear o seu propio “avatar”; e unha aplicación de realidade aumentada, estas dúas últimas cedidas por Movistar. Como verdadeiro espazo tecnolóxico, a @ conta con sinal wifi gratuíta para conectarse a Internet, grazas á colaboración da empresa Vodafone.
Dispón ademais dunha pista de baile virtual, na que pequenos e maiores poden simular distintos escenarios e pasos de danza grazas a un ordenador e unha pantalla de plasma. Esta actividade é unha colaboración do Centro de Innovación Social “In Lugo”, un servizo pioneiro no Noroeste de España impulsado pola Deputación que se dedica á innovación empresarial no campo do benestar social.
Experiencias empresariais
A aula formativa do Innova-TE dá a coñecer así mesmo as experiencias de empresas da provincia que implantaron con éxito as novas tecnoloxías no seu modelo de negocio tradicional. Nesta ocasión, as firmas participantes son Porco Celta da Fonsagrada e a adega Vía Romana de Chantada, que expoñen a súa actividade e produtos, e ofrecen degustacións.
Obras Xunta de Goberno
Durante a visita á carpa formativa, o Presidente tamén confirmou que a Xunta de Goberno do vindeiro luns aprobará a adxudicación de novas obras na Mariña. Trátase, concretamente, do acondicionamento de salas de exposición e cafetería do CENIMA, a instalación de “spa” na piscina municipal, así como do equipamento de infraestruturas básicas e mellora da rede viaria municipal con aglomerado, no municipio de Foz. Estas actuacións inclúense dentro do convenio de 1 millón de euros do Plan Extraordinario de Obra Pública, subscrito co rexedor do municipio mariñano, José María García Rivera. En total, estas obras suman 230.000 euros. Gómez Besteiro tamén indicou que avanzan a bo ritmo as do campo de fútbol de herba artificial e que o resto das actuacións, que o organismo provincial executará no marco deste acordo, están en proceso de adxudicación.
Asimesmo, tanto Gómez Besteiro como o Alcalde viveirense participaron na Festa de Pascua de Covas, na que ademais de artesanía e produtos autóctonos, contou cunha degustación de mexillón. En total, unhas 800 persoas se deron cita na cita festiva coa que a organización recauda fondos para a celebración das festas tradicionais desta localidade.
Os servizos sanitarios trasladaron ao hospital a tres persoas implicadas nunha colisión frontal en Castro de Rei. Unha delas tivo que ser excarcerada polos Bombeiros de Vilalba. Contra as 11:15 horas, un particular informou ao 112 Galicia dun choque entre dous vehículos no quilómetro 71 da N-640, á altura da parroquia de Viladonga. Desde o punto, os alertadores sinalaron que unha persoa permanecía atrapada. Desde o Centro Integrado de Atención ás Emerxencias activouse un operativo no que participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada. Os bombeiros liberaron á persoa, que foi trasladada xunto con outros dous feridos ao hospital en ambulancia.
A viaxe, enmarcada no proxecto «Relevo Xeracional: O Futuro do Mar» e organizada en colaboración co GALP Itsas Garapen Elkartea, permitiu achegarse a iniciativas como Kofradia Basque Seafood, a Escola de Pesca de Ondarroa, AZTI, Albaola ou o Itsas Museo de Donosti, así como a proxectos vinculados directamente á actividade pesqueira e á divulgación, incluíndo o uso de realidade virtual. O intercambio con Euskadi permitiu coñecer modelos que combinan formación, investigación, transmisión do coñecemento e modernización do sector, contribuíndo a identificar novas vías para facilitar a incorporación da mocidade á actividade pesqueira e garantir a continuidade das comunidades costeiras galegas.
A artista, referente da música popular galega, conectou cun público diverso que gozou dunha sesión vermú marcada por máis de trinta anos de traxectoria. O concerto serviu tamén como despedida e recoñecemento a Valentín González e Viviana Pérez, que deixan a organización da comisión de festas tras dúas décadas. O deputado de Mocidade, Daniel García, destacou a importancia da implicación veciñal para manter vivas as celebracións que fortalecen a identidade comunitaria e reafirmou o apoio da Deputación ás redes asociativas e á programación cultural en galego. A actuación forma parte da iniciativa provincial para achegar música tradicional e en galego a todos os públicos.
Cómpre sinalar que este produto conta cun distintivo de calidade diferenciada, a Indicación Xeográfica Protexida Faba de Lourenzá, un dos 36 selos recoñecidos en Galicia que amparan a súa excelencia. Neste sentido, a Xunta vén de lanzar a nova marca Aquí Sabemos, coa que se busca reforzar o coñecemento e a identificación por parte dos consumidores dos produtos alimentarios galegos protexidos por figuras de calidade diferenciada.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
O evento ofrecerá mel, produtos de tempada, artesanía, gastronomía e outras propostas locais. O Concello do Valadouro mantén aberto o prazo de inscrición para persoas e empresas expositoras, que poden presentar a súa solicitude na sede electrónica ou nas oficinas do Centro Socio-cultural, Xuvenil e da Terceira Idade “Manuel Lourenzo” ata o martes 6 de outubro, ou ata completar os postos dispoñibles.
Neste espazo radiofónico Félix Jorquera falou coa alcaldesa de Lourenzá, Rocío López; co concelleiro de Cultura, Manuel Arango; con José Cuadrado, presidente da Indicación Xeográfica Protexida Faba de Lourenzá e pregoeiro desta edición da festa; co chef Pedro Barreira; e con Antonio Irimia, presidente do club VespaFaba & Clásicos, de Lourenzá. Por diante queda toda unha fin de semana chea de actividades arredor da faba de Lourenzá. Os organizadores animan a acudir a esta cita.