Nota de prensa
COMUNICADO DO GRUPO DE GOBERNO DO CONCELLO DE CERVO
Desde o Goberno de Cervo queremos agradecerlle ao Goberno español a través das súas distintas competencias co noso concello a súa moi boa disposición cos veciños de Cervo;
-Acaba de chegarnos unha notificación esixíndonos o pago de unha multa de 5.579,67 euros por poñer uns colectores soterrados enfronte da Praia do Torno, colectores que se puxeron en lugar dos que sempre houbo hasta entón -que estaban postos encima da calzada e desde logo cun impacto visual moito máis forte cos que ahora están-. Daquela, o Estado español, a través do seu servizo de Costas, ameazou con multar ao Concello, en lugar de resolver o asunto dun xeito dialogante como debería de ser entre dúas administración públicas. Pero non, desde o goberno de España é preferible recadar diñeiro multando. E así acaban de facer cos veciños de Cervo.
-Por outra parte, gracias á Tesouería Xeral da Seguridade Social por esixirnos aos cervenses o pago dos honorarios de avogados do propio Estado por un montante total de 19.000 euros. E todo por un asunto como foi á reparcelación dos terreos cercanos ao Hospital da Costa. Un asunto feito fai cerca de 20 anos e onde agora os socialistas que están gobernando España denuncian ao Concello de Cervo por facer mal esa reparcelación. É curioso que daquela os responsables da súa resolución foron tamén gobernos do Psoe tanto no estado español como no goberno do concello de Cervo. E polo tanto, o que agora denuncia que está mal feito é outro goberno socialista no estado español coa diferencia de que no goberno de Cervo está o PP. E o peor de todo é que desde esa o hospital está no concello de Burela e o Concello de Cervo non é competente para resolver.
Ante estes feitos é de agradecerlle ao goberno socialista de España a súa moi boa disposición e dilixencia con estes asuntos .Os veciños de Cervo saberán agradecérllelo a eles e tamén aos seus representantes locais no concello de Cervo. A súa intermediación con estes asuntos desde logo que debeu ser clave para chegar a estas conclusións.
É significativo tamén indicar a súa moi boa disposición noutro asunto de interese para tódolos veciños de este Concello. Desde o Concello de Cervo levamos cerca de 2 anos pedindo únicamente unha firma para poder utilizar os locais baleiros da casa do mar de San Ciprián. Solo pedimos unha firma. Non pedimos ningún solo euro. Ao contrario, xa que desde o Concello nos faríamos cargo do mantemento da Casa do Mar. Pero debe ser que como neste asunto non se recada ningún diñeiro deben de telo aparcado para resolvelo noutro momento. Xa que é moito máis interesante recadar que poñer a disposición dun Concello e dos seus veciños uns locais que están baleiros desde fai 2 anos.
Ás 15:15 horas deste martes, un particular solicitou asistencia sanitaria tras a caída dun raio no lugar de Castro de Igrexa (Cazás, Xermade). Varias persoas sentiron os efectos da descarga eléctrica e unha delas quedou atolada. Tras dar aviso ao Servizo de Urxencias Sanitarias de Galicia-061, Garda Civil e Protección Civil, a persoa afectada foi evacuada consciente ao Hospital Universitario Lucus Augusti.
A viaxe, enmarcada no proxecto «Relevo Xeracional: O Futuro do Mar» e organizada en colaboración co GALP Itsas Garapen Elkartea, permitiu achegarse a iniciativas como Kofradia Basque Seafood, a Escola de Pesca de Ondarroa, AZTI, Albaola ou o Itsas Museo de Donosti, así como a proxectos vinculados directamente á actividade pesqueira e á divulgación, incluíndo o uso de realidade virtual. O intercambio con Euskadi permitiu coñecer modelos que combinan formación, investigación, transmisión do coñecemento e modernización do sector, contribuíndo a identificar novas vías para facilitar a incorporación da mocidade á actividade pesqueira e garantir a continuidade das comunidades costeiras galegas.
Os servizos sanitarios trasladaron ao hospital a tres persoas implicadas nunha colisión frontal en Castro de Rei. Unha delas tivo que ser excarcerada polos Bombeiros de Vilalba. Contra as 11:15 horas, un particular informou ao 112 Galicia dun choque entre dous vehículos no quilómetro 71 da N-640, á altura da parroquia de Viladonga. Desde o punto, os alertadores sinalaron que unha persoa permanecía atrapada. Desde o Centro Integrado de Atención ás Emerxencias activouse un operativo no que participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada. Os bombeiros liberaron á persoa, que foi trasladada xunto con outros dous feridos ao hospital en ambulancia.
A artista, referente da música popular galega, conectou cun público diverso que gozou dunha sesión vermú marcada por máis de trinta anos de traxectoria. O concerto serviu tamén como despedida e recoñecemento a Valentín González e Viviana Pérez, que deixan a organización da comisión de festas tras dúas décadas. O deputado de Mocidade, Daniel García, destacou a importancia da implicación veciñal para manter vivas as celebracións que fortalecen a identidade comunitaria e reafirmou o apoio da Deputación ás redes asociativas e á programación cultural en galego. A actuación forma parte da iniciativa provincial para achegar música tradicional e en galego a todos os públicos.
Cómpre sinalar que este produto conta cun distintivo de calidade diferenciada, a Indicación Xeográfica Protexida Faba de Lourenzá, un dos 36 selos recoñecidos en Galicia que amparan a súa excelencia. Neste sentido, a Xunta vén de lanzar a nova marca Aquí Sabemos, coa que se busca reforzar o coñecemento e a identificación por parte dos consumidores dos produtos alimentarios galegos protexidos por figuras de calidade diferenciada.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
O evento ofrecerá mel, produtos de tempada, artesanía, gastronomía e outras propostas locais. O Concello do Valadouro mantén aberto o prazo de inscrición para persoas e empresas expositoras, que poden presentar a súa solicitude na sede electrónica ou nas oficinas do Centro Socio-cultural, Xuvenil e da Terceira Idade “Manuel Lourenzo” ata o martes 6 de outubro, ou ata completar os postos dispoñibles.
