Nota de prensa
O Bloque Nacionalista Galego de Barreiros propón un debate público entre os tres grupos políticos que aspiran á alcaldía de Barreiros.
O BNG de Barreiros ven de formular unha proposta ao resto dos candidatos á alcaldía para celebrar no Centro Sociocultural Manuel Díaz Sampedro un acto público consistente nun debate donde se analice a situación actual do concello, tanto a nivel económico, urbanístico e tamén a nivel de xestión municipal, e se contrasten as diferentes propostas que os tres partidos aportan para gobernar o concello de Barreiros.
“Nunha sociedade democrática, o debate e a confrontación de ideas e programas debe ser algo normal e habitual, e os veciños e veciñas de Barreiros teñen dereito a coñecer de primeira man as propostas dos grupos que pretenden gobernar o concello, nun debate serio e constructivo”. Afirmou o candidato do BNG á alcaldía de Barreiros Antonio Veiga.
“O BNG está pola confrontación de ideas, nunca pola confrontación de persoas, porque da confrontación de ideas sempre saen novas e interesantes propostas que deberan levarse a cabo independentemente de quen as propoña e independententemente de quen vaia gobernar o concello”, afirman os nacionalistas de Barreiros.
O BNG agarda que esta proposta sexa ben recibida polos outros grupos políticos e se poida concretar en breves dias a data de celebración deste debate que tamén é agardado por moitos veciños e veciñas que queren saber cales son as propostas dos aspirantes á alcaldía para mellorar as diferentes áreas de actuación do concello: a economía e o emprego, a xestión municipal, o urbanismo, as infraestruturas, a zona rural, os servizos sociais, a cultura e o deporte, a mocidade e o ensino ou o turismo e o medio ambiente.
Desde o BNG de Barreiros tamén se anuncia que o próximo venres 29 de abril presentarase a candidatura coa que concurren ás eleccións municipais os nacionalistas de Barreiros. Será ás 9 da noite no novo Centro Sociocultural manuel Díaz Sampedro.
Os servizos sanitarios trasladaron ao hospital a tres persoas implicadas nunha colisión frontal en Castro de Rei. Unha delas tivo que ser excarcerada polos Bombeiros de Vilalba. Contra as 11:15 horas, un particular informou ao 112 Galicia dun choque entre dous vehículos no quilómetro 71 da N-640, á altura da parroquia de Viladonga. Desde o punto, os alertadores sinalaron que unha persoa permanecía atrapada. Desde o Centro Integrado de Atención ás Emerxencias activouse un operativo no que participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada. Os bombeiros liberaron á persoa, que foi trasladada xunto con outros dous feridos ao hospital en ambulancia.
A viaxe, enmarcada no proxecto «Relevo Xeracional: O Futuro do Mar» e organizada en colaboración co GALP Itsas Garapen Elkartea, permitiu achegarse a iniciativas como Kofradia Basque Seafood, a Escola de Pesca de Ondarroa, AZTI, Albaola ou o Itsas Museo de Donosti, así como a proxectos vinculados directamente á actividade pesqueira e á divulgación, incluíndo o uso de realidade virtual. O intercambio con Euskadi permitiu coñecer modelos que combinan formación, investigación, transmisión do coñecemento e modernización do sector, contribuíndo a identificar novas vías para facilitar a incorporación da mocidade á actividade pesqueira e garantir a continuidade das comunidades costeiras galegas.
A artista, referente da música popular galega, conectou cun público diverso que gozou dunha sesión vermú marcada por máis de trinta anos de traxectoria. O concerto serviu tamén como despedida e recoñecemento a Valentín González e Viviana Pérez, que deixan a organización da comisión de festas tras dúas décadas. O deputado de Mocidade, Daniel García, destacou a importancia da implicación veciñal para manter vivas as celebracións que fortalecen a identidade comunitaria e reafirmou o apoio da Deputación ás redes asociativas e á programación cultural en galego. A actuación forma parte da iniciativa provincial para achegar música tradicional e en galego a todos os públicos.
Cómpre sinalar que este produto conta cun distintivo de calidade diferenciada, a Indicación Xeográfica Protexida Faba de Lourenzá, un dos 36 selos recoñecidos en Galicia que amparan a súa excelencia. Neste sentido, a Xunta vén de lanzar a nova marca Aquí Sabemos, coa que se busca reforzar o coñecemento e a identificación por parte dos consumidores dos produtos alimentarios galegos protexidos por figuras de calidade diferenciada.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
O evento ofrecerá mel, produtos de tempada, artesanía, gastronomía e outras propostas locais. O Concello do Valadouro mantén aberto o prazo de inscrición para persoas e empresas expositoras, que poden presentar a súa solicitude na sede electrónica ou nas oficinas do Centro Socio-cultural, Xuvenil e da Terceira Idade “Manuel Lourenzo” ata o martes 6 de outubro, ou ata completar os postos dispoñibles.
Neste espazo radiofónico Félix Jorquera falou coa alcaldesa de Lourenzá, Rocío López; co concelleiro de Cultura, Manuel Arango; con José Cuadrado, presidente da Indicación Xeográfica Protexida Faba de Lourenzá e pregoeiro desta edición da festa; co chef Pedro Barreira; e con Antonio Irimia, presidente do club VespaFaba & Clásicos, de Lourenzá. Por diante queda toda unha fin de semana chea de actividades arredor da faba de Lourenzá. Os organizadores animan a acudir a esta cita.