Nota de prensa
Basanta chama a participar para facer xustiza unindo aos focegos arredor dos principios democráticos
Foz homenaxea o 1º de Maio aos represaliados do franquismo.
Foz a 29 de abril de 2011.- O Bloque Nacionalista Galego vai homenaxear o vindeiro Domingo 1 de Maio ás 18:00 h na Praza de Foz ao pé da placa instalada na antiga Praza de Abastos a todos aqueles veciños que dedicaron os seus esforzos a construír un Concello mellor e que sufriron os rigores da represión franquista, simplemente por destacar no seu apoio a aquel programa de reforma e benestar social que representou a República.
Segundo destacou Xoán Carlos Basanta, que convidou a todos os veciños de Foz a acudir a este acto “un acto que está por riba dos partidos e das ideoloxías e que o único que pretende e facer xustiza unindo aos focegos arredor dos principios democráticos” e que recordou que os nacionalistas difundiron estes días unha folla informativa sobre o acto entre a poboación do Concello, a data escolleuse pola “significación política do 1º de Maio e por atoparnos das vésperas do 75 aniversario do alzamento militar franquista que puxo remate a un período cheo de esperanzas e progreso social para o noso Concello e deu inicio a un calvario para moitos conveciños nosos que loitaran por unha sociedade máis xusta e democrática”.
Os nacionalistas indicaron que “existe unha débeda moral e tamén política con todos estes homes e mulleres, unha débeda que xurde do seu compromiso cos valores da democracia e da xustiza social pero tamén unha débeda imposto polo silencio social ao que foron sometidos polos 40 anos de franquismo. Uns eran socialistas, outros comunistas, outros anarquistas, tamén os había nacionalistas e simplemente republicanos, o franquismo tildounos como “os roxos” e así chegaron até nos. Independentemente da súa posición ideolóxica, quédanos o seu exemplo, o exemplo de quen estaban dispostos a morrer e sufrir polas súas ideas e non dos que querían vivir das súas ideas”.” Nun momento coma este de desfiguración dos valores democráticos, de consideración da política non coma un servicio público, senón como unha vía para a defensa do particular, de renuncia fronte aos poderosos e non de aposta polas maiorías sociais, estes homes e mulleres son para nos espello e tamén vieiro” recalcan os nacionalistas.
O candidato do BNG a Alcaldía, Xoán Carlos Basanta, afirmou que “a II República que se alongou desde Abril do 31 a Xullo do 36 significou en Foz a apertura de novas escolas e comedores infantís, a implantación da xornada laboral de 8 horas, o xurdimento dos primeiros clubs deportivos e sociedades culturais, a realización de importantes obras públicas pero sobre todo un novo réxime no que os focegos do común se converteron en donos do seu destino. Unha II República que coincidiu historicamente cunha crise do capitalismo semellante a presente, pero na contra de acometer recortes sociais, os diferentes gobernos, tamén o goberno local de Foz, actuou como panca para crear emprego, apostou pola educación e a sanidade e tentou amortiguar os efectos da mesma entre os máis desfavorecidos. Esta é a herdanza que nos deixan e a herdanza pola que nos queremos transitar”.” A súa forza era a dos valores, a dos principios, a das conviccións. Foron fieis a eles mesmos e ao que representaban e non se dobregaron. Ddestes valores, destes principios, destas conviccións son das que hoxe precisamos porque non só outro Foz, outro mundo é posíbel senón tamén que é necesario” rematou Basanta.
Xan Carlos González Basanta
Portavoz Municipal do BNG
659132834
Listado de represaliados de Foz
Andrés García Ferreiro, fusilado en Coruña o 15 de Marzo de 1937.
María do Carme Pérez e García, asasinada na Areoura o 5 de Outubro de 1936.
Ramiro Fernández Dorrego (Ramiro de Poza), detido entre 1936 e 1941.
Xosé Mel Pérez, Alcalde detido na prisión de Monforte.
Amalio Rodríguez Rodríguez (Amalito O Reloxeiro), membro do V Regimiento, detido entre 1939 e 1941.
Francisco Fuente Riego, (Paco de Santa Cilla), Alcalde do Frente Popular, detido e multado.
Francisco Seijas Basanta (O Petrulo), detido e multado.
Xosé Paz García (Pepe da Pena), detido e multado con 60.000 pts.
Ramón Couto Couto (Ramón da Villa Modesta), V Regimiento, detido entre 1939 e 1941.
Manuel Camba Costa (O Bernizador), detido e multado.
Xosé Paz Vázquez (Pepito da Pena), detido e posteriormente exiliado en Francia.
Ramón García García (Ramón O Zapateiro), detido e multado.
Antonio Martínez Castiñeira (Antonio de Eusebia), detido e multado.
Benigno Beltrán Ares (Benigno da Calzona), suspendido de emprego e desterrado a Asturias.
Francisco Fernández López (Francisco do Taller), multado.
Xosé Ramón Rodríguez Vázquez( O Rosino), multado.
Xosé Ramos García. Decomisada a pensión que cobraba por un fillo morto na Guerra durante dous anos.
Ramón Teijeira Posada (Ramón do Montañés), detido e multado.
Ramón Martínez Villarino (Gómez), detido e multado.
Pablo Díaz Iáñez, multado.
Tomas Ramón López Leitón (Don Ramón da Botica), multado.
Ramón Bargo Estúa, multado.
Rosendo Campos Osorio, detido e multado.
Leonardo Uría, detido e multado.
Manuel Campo, multado.
Amando Pardiñas, multado.
Xosé Antonio Fernández (O Xuez), multado.
Máximo Causo, Presidente da Confraría de Pescadores, detido, multado e desterrado a Bilbao.
Valentín Eijo, carteiro de Fazouro, apartado do emprego definitivamente e multado.
Xosé Fernández Fernández, carteiro de Santa Cilla, apartado do emprego definitivamente e multado.
Benito Tarrón Bargo, carteiro, apartado do emprego definitivamente e multado.
Alfredo López, mestre de Ribela, suspendido do maxisterio.
Francisco López, multado.
Xosé López, detido e multado.
Antonio Neira Alonso (Bambolia), detido.
Xosé Rodríguez Canoura,detido.
Xosé María Sánchez Blanco, detido.
Antonio Díaz Ortiz, detido.
Ocorreu escasos minutos despois das 15 horas deste domingo, e foron recollidos pola embarcación Salvamar Shaula, de Salvamento Marítimo. Atopábanse subidos a unha balsa inchable na praia de Basteira, na Pedra (Cariño), foron arrastrados pola corrente e eran incapaces de retornar á beira. Dúas persoas metéronse na auga tratando de rescatalos, sen éxito. Ao final, a embarcación de rescate de Salvamento Marítimo recolleu aos menores e levounos ilesos ata o porto de Cariño. Ademais de a Salvamento Marítimo, desde o 112 Galicia informouse ao Servizo de Gardacostas de Galicia e aos axentes da Garda Civil.
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
O evento incluirá espicha, queimada, brujo con conjuro e sesión DJ. O prezo é de 50 euros por persoa, con reserva previa no 611 185 336 e prazas limitadas. A organización lembra que “el 12 de agosto cuando caiga la noche la celebración continúa en Los Olivos… la noche culminará con una queimada elaborada por el Brujo Gonzalo, seguida de una sesión DJ para poner el broche final a una jornada inolvidable”.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
