Nota de prensa
“O que nos queda aos veciños da Mariña de Lugo é rezar, para non quedar enfermos” afirmou Veiga
O BNG considera escandalosas as listas de espera do Hospital da Costa.
O Bloque Nacionalista Galego considerou autenticamente escandalosas as cifras referidas das listas de espera tanto en cirurxía como en consultas que fixo públicas a Consellaría de Sanidade e da que se fan eco diferentes medios de comunicación na medida que sitúan ao Hospital da Costa en segundo lugar nas listas de espera en consultas e en segundo lugar en cirurxía, só por detrás de POVISA, se ben este centro non forma parte do sistema público. “O que nos queda aos veciños da Mariña de Lugo é rezar, para non quedar enfermos” afirmou Veiga que denunciou “que non é de recibo que os veciños da Mariña teñan que agardar segundo afirma Sanidade 66 días de media para facer unha consulta e 103 días para someterse a unha operación”.
O Responsábel Comarcal do BNG afirmou que “nin a maquillaxe á que a Xunta de Galiza somete estas cifras, o que nos fai pensar que os datos da espera prolongase máis días, son capaces de agochar a evidencia do deterioro da sanidade no Hospital da Costa, posto que para someterse a unha operación hai que agardar 23 días máis dos seguinte na lista que son os Clínicos Universitarios de Coruña e Vigo.Pero hai máis porque supera en 28 días a media do SERGAS e dáse un aumento na espera en cirurxía en relación cos últimos dados de 15 días máis”. Segundo o Portavoz Nacionalista “estas cifras, que na nosa opinión están sometidas a rebaixa, poñen enriba da mesa que a intención da Xunta de Galiza é deteriorar a calidade asistencial do centro da Mariña, na perspectiva de desmantelalo a fin de que o novo Hospital de Lugo asuma de xeito progresivo as competencias do Hospital da Costa”·
Veiga que convidou a todos os veciños da Mariña a que entren na páxina web da Consellaría de Sanidade para que comproben a situación de marxinación que se crea na Mariña en relación con outros centros galegos, considerou que as explicación que ven de dar sobre esta situación o Xerente do Hospital “á máis de escandalosas son escusas de mal pagador”. “Non é de recibo que o Sr. Insúa pretenda extraer algún dado positivo dos números que ven de presentar, primeiramente porque no caso de ciruxía a pesar do medre das peonadas hai un aumento nos días de espera, en segundo lugar porque os tempos de agarda nas consultas superan en 11 días a media do SERGAS, en terceiro lugar porque os tempos de espera en consultas de uroloxía ou endocrinoloxía superan os 100 días”. “Falar de mellora na sanidade na Mariña con estes números como fai Ínsua e simplemente un insulto a cada un dos cidadáns da comarca que están a sufrir estas esperas record” afirmou Veiga quen lamentou que Insua actúe como un cancerbeiro do goberno galego e non como alguén preocupado por mellorar a sanidade dos mariñaos.
Os nacionalistas esixiron que a Xunta de Galiza ten que poñer solucións riba da mesa para esta situación. “Non será agora a escusa que o problema estaba nunha equipa directiva que foi cesada e que temos outra nova que lle vai dar un impulso ao Centro como afirmou Farjas no momento do nomeamento de Insua” preguntouse Veiga quen demandou compromisos reais pos parte do Goberno Galego con este centro. É máis as modificacións orzamentarias que presentou no Consello Económico Fiscal a Xunta de Galiza para reducir o deficit indican que a situación lonxe de mudar vai aínda empeorar, pola reducción das partidas orzamentarias, e pola posta en marcha do novo Hospital de Lugo” afirmou Veiga.
Xa por último o Portavoz Comarcal do BNG definiu como “de pena” a posición dos populares da Mariña “que volven evidenciar co seu silencio que pouco máis son que uns criados mal mandados ás ordes do que se decide en Compostela e que tamén carecen de calquera tipo de poder dentro da Xunta posto que noutras áreas de Galiza estamos convencidos que os responsábeis populares non permitirían isto”. Asemade estes dados poñen en evidencia a existencia dunha estratexia deliberada por parte do Goberno Galego de precarizar a sanidade pública na Costa, na perspectiva de derivar cada día máis doentes a centros de fora da Comarca e rematar a súa folla de rota que pasa por reconverter Hospital de Burela nun centro de saúde grande e trasladarnos 30 anos atrás cando o hospital de referencia para os mariñaos era o de Lugo”
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
O evento incluirá espicha, queimada, brujo con conjuro e sesión DJ. O prezo é de 50 euros por persoa, con reserva previa no 611 185 336 e prazas limitadas. A organización lembra que “el 12 de agosto cuando caiga la noche la celebración continúa en Los Olivos… la noche culminará con una queimada elaborada por el Brujo Gonzalo, seguida de una sesión DJ para poner el broche final a una jornada inolvidable”.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
