Nota de prensa
Debate no Parlamento
ISMAEL REGO: “QUE FAVORES DEBE O PARTIDO POPULAR AO ALCALDE DE BARREIROS?, EU ESPERO QUE SE SAIBA ALGÚN DIA E QUE ACABEN POR DESCUBRIRSE”
-O deputado do PSdeG-PSOE Ismael Rego lembrou que o Concello de Barreiros que conta con 3.203 habitantes “cando chegou a febre marbellizadora da construcción, nun so un ano outorgou licencias para 5.800 vivendas”
-Advirte que o convenio asinado por Feijoo avala por un lado a impunidade do Alcalde “que destrozou un Concello”, sen solucionar o problema do cumprimento da legalidade urbanística
-Dixo que a día de hoxe as desfeitas urbanísticas de Barreiros seguen a pesar das promesas de Feijoo sen solucionar como fai 2 anos
-Afirma que “si na pasada lexislatura non se tomaran as medias que se adoptaron con este Concello lucense os propios veciños de Barreiros terían agora problemas de saneamento e de abastecemento de augas e de enerxía eléctrica”
Santiago de Compostela, 12 de abril de 2011. O deputado do Grupo Parlamentario do PSdeG-PSOE Ismael Rego interveu hoxe no Pleno da Cámara para defender unha moción sobre o urbanismo no concello lucense de Barreiros. Rego lembrou que a Mariña de Lugo é un territorio con moitas posibilidades para o desenrolo do sector turístico de Galicia. Pero asegura que a febre marbellizadora da zona por parte dos dirixentes do Partido Popular “fixo que un Alcalde que tiña sen adaptar a súa normativa urbanística a lexislación urbanística de Galicia, aprobada no ano 2002, non aprobou esta lei, pero estívoa aplicando como si estivera aplicada”.
O deputado do PSdeG-PSOE Ismael Rego lembrou que o Concello de Barreiros que conta con 3.203 habitantes “cando chegou a febre da construcción, nun so un ano outorgou licencias para 5.800 vivendas ”.
Rego explicou que na pasada lexislatura o anterior Goberno “requiriu ao Alcalde para que non sacara adiante estas licencias”, xa que non estaban garantizados servicios básicos, non había estructura urbana, nin espacio libres, e tampouco equipamentos como saneamento, abastecementos de augas ou enerxía eléctrica como xa informara a propia Compañía ao Concello e a Xunta de Galicia.
O deputado socialista dixo que o Goberno de Touriño suspendeu as normas do Concello de Barreiros e aprobou unhas normas provisionais para non prexudicar ao Concello lucense, pero lamentou que a reposta do Alcalde popular foi “acudir a distintos aos platos da CRTVG para enviar unha mensaxe de Alcalde maltratado, apoiado polo propio Partido Popular”. E comparou a actitude do Alcalde de Barreiros coa de Julian Muñoz en Marbella.
Fiscalía tomou cartas no asunto
Argumenta que tralos contenciosos presentados ante TSXG “a fiscalía tomou cartas no asunto”. Dixo que dende a Administración Autonómica emprazouse ao Alcalde a dar unha resposta a esta situación “co elaboración dun Plan Xeral de Ordenación Municipal para subsanar a desfeita existente e para que os cidadáns contaran con tódolos servicios”.
Pero denuncia que trala chegada de Feijoo á Xunta de Galicia “déuselles alas ao Alcalde de Barreiros, xa que anuncia que se retiran os contenciosos pendentes e que asinan un convenio para arranxar a desfeita urbanística”. Advirte que este convenio avala por un lado a impunidade do Alcalde “que destrozou un Concello”, sen solucionar o problema do cumprimento da legalidade urbanística.
Así as cousas Rego dixo que a día de hoxe as desfeitas urbanísticas de Barreiros seguen a pesar das promesas de Feijoo sen solucionar como fai 2 anos.
O parlamentario socialista afirma que “si na pasada lexislatura non se tomaran as medias que se adoptaron con este Concello lucense os propios veciños de Barreiros terían agora problemas de saneamento e de abastecemento de augas e de enerxía eléctrica”.
O deputado mariñao preguntou dende a Tribuna da Cámara “que favores lle debe o Partido Popular ao Alcalde de Barreiros?, eu espero que se saiba algún día”, e proseguiu “en Marbella tardaron en descubrirse e eu estou seguro que as cuestións de Barreiros acabaran descubríndose”, espetou.
Convenio
Sobre o Convenio de Barreiros, que se atopa vixente, dixo que non hai ningún apartado donde se constate que os promotores van investir para urbanizar o concello. E demandou que non se “burla a Lei con este Convenio”, e reclamou que se suspendan esta parte do convenio. E concluíu “hai actuacións da Fiscalía que non se sabe a donde van a parar”.
Xustiza
E resumiu que despois do comportamento do PP no Parlamento votando en contra da moción socialista advertiu “que so os Tribunais de Xustiza poden poñer as cousas no seu sitio, na desfeita urbanística de Barreiros en defensa dos intereses dos seus veciños”.
No encontro, abordáronse temas como a posibilidade de colaborar na mellora da formación dos traballadores, destacando a importancia que ten ese aspecto neste sector estratéxico para Galicia. Tamén se trocaron puntos de vista relativos ás condicións laborais dos profesionais do mar.
Pasadas as 13:30 horas deste luns, o 112 Galicia tivo constancia, a través de Urxencias Sanitarias de Galicia-061, dun ciclista que se atopaba en parada cardiorrespiratoria no quilómetro 1 da LU-151, á altura da parroquia de Fazouro. De inmediato, os xestores do Centro Integrado de Atención ás Emerxencias solicitaron a colaboración dos axentes da Garda Civil de Tráfico e da Policía Local de Foz. Malia os esforzos, os profesionais sanitarios só puideron confirmar o falecemento da persoa.
A variada oferta de produtos de artesanía e de alimentación de temporada e proximidade á venda complementouse con degustacións de minihamburguesas de carne de raza Limiá e empanada de carne de porco celta e tenreira de raza Caldelá, que se repartiron gratuitamente entre as peroas que fixeron algunha compra no Mercadiño.
Os cortes produciranse do punto quilométrico 2,800 ao final da vía. Habilitaranse desvíos alternativos que estarán debidamente sinalizados.
Cada participante pode presentar unha única fotografía, en papel e formato dixital, seguindo as bases dispoñibles na web da Deputación. A celebración do aniversario inclúe actividades como a Xornada de Degustación da Tenreira de Ancares, unha xornada micolóxica e un obradoiro de rescate na montaña, ademais doutras propostas ambientais e divulgativas nos próximos meses.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
