O programa do PSOE de Foz recolle que o compromiso fundamental dos socialistas é a creación de emprego

Nota de prensa

Foz 7-5-20011.-O PSdG- PSOE presentou ante os medios o seu programa electoral ás
vindeiras eleccións de 22 de maio

O compromiso fundamental do PSdG – PSOE de Foz é a creación de emprego
destacando dentro do seu programa electoral un Pacto polo emprego no campo, coa
creación dunha cooperativa agraria que xere postos de traballo de carácter
estable a un numero importante de homes e mulleres, explotando a riqueza
agrícola, gandeira e artesanal de Foz.

A constitución e posta en marcha dun Centro de Formación Ocupacional Permanente
na nave municipal situada no Polígono Industrial, coa finalidade de brindar unha
variada oferta formativa gratuíta e con acceso a becas e axudas ás persoas
desempregadas do concello, que posibilite a súa futura inserción laboral.

Continuar co Plan de Emprego Municipal en marcha dende o 2010 e adquirindo o
compromiso de crear 35 postos de traballo ao ano e seguir potenciando a bolsa de
emprego municipal.

Estas dúas ultimas medidas xa están dando froito nesta lexislatura que remata-
comenta Pepe Rivera- pois xunto co Plan de emprega da Deputación fan que a taxa
de paro no Concello de Foz sexa a metade da media autonómica, pero que se ten
que seguir traballando para seguir rebaixando estas cifras.

Importancia ten tamén a conciliación da vida persoal familiar e laboral para o
PSdG- PSOE polo que impulsara a creación de unha nova escola infantil, de cero a
tres anos, no medio rural.

Outro dos puntos destacados dentro do programa electoral é a construcción e
posta en marcha dunha Residencia para Maiores con Centro de día, co fin de
garantir que os maiores de Foz teñan os mellores coidados no seu propio pobo.

Un pobo- di o alcaldable – que se merece ter unha entrada central preferente
polo que proxecta crear un enlace con glorieta dende o alto de Mañente ao campo
municipal de Malates.

A construcción de vivenda social no medio rural, a adaptación do Plan Xeral as
novas normativas e conseguir a súa aprobación, conquerir en colaboración coa
ACIA o centro comercial aberto, potenciar aarea do Bispo Santo coa creación duna
senda ecolóxica hasta a Basílica de San Martiño, o aproveitamento e de todas as
fontes e manantiais que hai no concello de Foz e a obrigación de facer plans de
calidade para a integración da inmigración , tamén ocupan- entre outras- un
lugar destacado no programa electoral do PSdG-PSOE.